୮୦ ଦଶକର ସୁପରହିଟ୍ ହିରୋଇନ ପଦ୍ମିନୀ କୋହ୍ଲାପୁରୀ ଶିଶୁ କଳାକାର ଭାବରେ କାମ କରିବା ଆରମ୍ଭ କରିଥିଲେ। ସେ ଜଣେ ଗାୟକ ହେବାକୁ ଇଚ୍ଛା କରିଥିଲେ କିନ୍ତୁ ସଫଳ ଅଭିନେତ୍ରୀ ହୋଇଗଲେ। ‘ୟଦୋଁ କି ବାରାତ’ ଏବଂ ’ଦୁଷ୍ମନ ଦୋସ୍ତ’ ଭଳି କିଛି ଚଳଚ୍ଚିତ୍ରରେ ଶିଶୁ କଳାକାର ଭାବରେ ଅଭିନୟ କରିଥିଲେ। ପରେ ସେ ଅନେକ ଚଳଚ୍ଚିତ୍ରରେ କାମ କରିଥିଲେ କିନ୍ତୁ ଫିଲ୍ମ ‘ପ୍ରେମ ରୋଗ’ ତାଙ୍କ କ୍ୟାରିୟରର ପ୍ରଥମ ସୁପରହିଟ ଫିଲ୍ମ ହୋଇଥିଲା । ଏହି ଚଳଚ୍ଚିତ୍ରରୁ ପଦ୍ମିନୀ ୮୦ ଦଶକର ଶ୍ରେଷ୍ଠ ହିରୋଇନଙ୍କ ମଧ୍ୟରେ ଗଣନା ହେବାକୁ ଲାଗିଲେ।
ପଦ୍ମିନୀ ଏତେ ବଡ ଅଭିନେତ୍ରୀ ଥିଲେ ଯେ ତାଙ୍କୁ ନେଇ ଚର୍ଚ୍ଚା ହେବା ଏକ ସାଧାରଣ କଥା। ୧୯୮୦ ମସିହାରେ ପ୍ରିନ୍ସ ଚାଲର୍ସ ଭାରତ ଗସ୍ତରେ ଆସିଥିଲେ। ସେ ହଠାତ୍ ବଲିଉଡ ଫିଲ୍ମର ଶୁଟିଂ ଦେଖିବାକୁ ମନ କରିଥିଲେ। ଏଭଳି ପରିସ୍ଥିତିରେ ପ୍ରିନ୍ସ ଚାଲର୍ସଙ୍କୁ ମୁମ୍ବାଇର ଏକ ଷ୍ଟୁଡିଓକୁ ନିଆଯାଇଥିଲା। ଉକ୍ତ ରାଜକାମାଲ ଷ୍ଟୁଡିଓରେ ପଦ୍ମିନୀ ଫିଲ୍ମ ‘ଆହିସ୍ତା-ଅହିସ୍ତା’ ଶୁଟିଂ ଚାଲିଥିଲା। ଯେତେବେଳେ ସେ ପ୍ରିନ୍ସ ଚାଲର୍ସଙ୍କ ଆଗମନ ବିଷୟରେ ଜାଣିଲେ, ସେ ନିଜେ ତାଙ୍କୁ ଭେଟିବାକୁ ଯାଇଥିଲେ ।
ଅଭିନେତ୍ରୀ ଶଶିକଳା ମଧ୍ୟ ସେଟରେ ଉପସ୍ଥିତ ଥିଲେ। ସେ ପ୍ରିନ୍ସଙ୍କୁ ବନ୍ଦାପନା କରିଥିଲେ। ହେଲେ ପଦ୍ମିନୀ ତାଙ୍କ ଗାଲରେ ଚୁମ୍ବନ ଦେଇଥିଲେ। ସେହି ସମୟରେ ଜଣେ ଅଭିନେତ୍ରୀଙ୍କ ପାଇଁ ସେହିଭଳି କାହାକୁ ଚୁମ୍ବନ ଦେବା ସାଧାରଣ କଥା ନୁହେଁ। କାରଣ ସେତେବେଳେ ପରଦାରେ ବହୁତ କମ ଚୁମ୍ବନ ଦୃଶ୍ୟ ମଧ୍ୟ ଶୁଟ୍ କରାଯାଇଥିଲା । ଏପରି ପରିସ୍ଥିତିରେ, ଲୋକମାନେ ପଦ୍ମିନୀଙ୍କ ଏହି ପଦକ୍ଷେପକୁ ବହୁତ ବୋଲ୍ଡ ବୋଲି କହିଥିଲେ। ପ୍ରିନ୍ସ ଚାଲର୍ସ ବିବାହିତ ନଥିଲେ। ଏପରି ପରିସ୍ଥିତିରେ, ପଦ୍ମିନୀଙ୍କୁ ନେଇ ବହୁ ଚର୍ଚ୍ଚା ହୋଇଥିଲା। ଭାରତରେ ଏହି ଘଟଣା ଏତେ ଚର୍ଚ୍ଚିତ ହେଲା ଯେ, ଏହା ବ୍ରିଟେନରେ ପହଞ୍ଚିଥିଲା। ଅଭିନେତ୍ରୀ କହିଥିଲେ, ଏହି ଘଟଣା ପରେ ମୁଁ ବ୍ରିଟେନକୁ ଯାଇଥିଲି ଯେଉଁଠାରେ ଇମିଗ୍ରେସନ ଅଧିକାରୀ ମୋତେ ପଚାରିଥିଲେ ଯେ, ତୁମେ ହିଁ ପ୍ରିନ୍ସ ଚାଲର୍ସଙ୍କୁ ଚୁମ୍ବନ ଦେଇଥିଲ। ଏହି ଚୁମ୍ବନ ଯୋଗୁ ତାଙ୍କୁ ବହୁତ ଲଜ୍ଜାଜନକ ଅନୁଭବ ହୋଇଥିଲା।
