ଇବାଇକ୍ ଥରେ ଚାର୍ଚ୍ଚ ହେଲେ ୮୦କି.ମି. ଯାଉଛି। ଏହାଶୁଣି ଆଶ୍ଚର୍ଯ୍ୟ ଲାଗୁଥିଲେ ବି ସତ। ଏମିତିକା ଇ-ବାଇକ୍ ନିର୍ମାଣ କରିଛନ୍ତି ଦୁଇଜଣ ସ୍କୁଲ୍ ସାଥୀ ରଘୁ କେରାକାଟ୍ଟୀ ଏବଂ ମହେଶ ସିଦ୍ଦେଗୌଡା। ରଘୁ ନିଟ୍ ଓ୍ବାରଙ୍ଗଲ ଏବଂ ଆଇଆଇଏମ୍ ବେଙ୍ଗାଲୁରୁରୁ ଏବଂ ମହେଶ ମହୀଶୂର ବିଶ୍ୱବିଦ୍ୟାଳୟରୁ ଡିଗ୍ରୀ ହାସଲ କରିଛନ୍ତି। ଏହି ବାଇକ୍ ଲାଗି ସେମାନେ ୨୦୧୮ରେ ମହୀଶୂରରେ ଏକ ଇଭି ଷ୍ଟାର୍ଟଅପ୍ ପ୍ରତିଷ୍ଠା କରିଥିଲେ। ଦୁଇ ବର୍ଷ ପରେ ଏବେ ସେମାନେ ଏହି ଇ-ବାଇକ୍ ସାମ୍ନାକୁ ଆଣିଛନ୍ତି। ଏହା ହାଲୁକା ଓ ଏହାର ନାମ ସେମାନେ ରଖିଛନ୍ତି ହିଲିଓ ଏଚ୍୧୦୦। ଏହାର ଓଜନ ମାତ୍ର୧୮.୫ କେ.ଜି.। ଏଥିରେ ୩୪୫ ଏବଂ ୪୬୦ ଓ୍ବାଟ-ଆଓ୍ବାର ପାଓ୍ବାର ପ୍ୟାକ୍ କରାଯାଇଛି। ବାଇକ୍ ଆଲୁମିନିୟମ ଆଲଏ ଫ୍ରେମ୍ରେ ଗଠିତ। ଏହାର ମୂଲ୍ୟ ୪୮, ୯୦୦ରୁ ଆରମ୍ଭ । କାର୍ବନ ଡାଇଅକ୍ସାଇଡ ନିର୍ଗମନ ହ୍ରାସ କରିବାରେ ଏହି ବାଇକ୍ ସହାୟକ ହେବ ବୋଲି କହନ୍ତି ରଘୁ କେରାକାଟ୍ଟୀ। ମହୀଶୂର ବାଦ୍ ଭାରତର ୧୬ଟି ସହରରେ ସର୍ଭିସ ସୁବିଧା ଉପଲବ୍ଧ କରାଯାଇଛି ଓ ଭବିଷ୍ୟତରେ ଏହାକୁ ସମ୍ପ୍ରସାରଣ କରାଯିବାର ଯୋଜନା କରାଯାଇଛି।
