ଗ୍ରସ୍ଆଇଲେଟ୍ (ସେଣ୍ଟ ଲୁସିଆ), ୧୮ା୭ (ଏପି)-ଅଷ୍ଟ୍ରେଲିଆ ବିପକ୍ଷ ୫ମ ତଥା ଅନ୍ତିମ ଅନ୍ତର୍ଜାତୀୟ ଟି୨୦ରେ ଓ୍ବେଷ୍ଟଇଣ୍ଡିଜ ୧୬ ରନରେ ବିଜୟ ହାସଲ କରିଛି। ଏଥିସହ ଦଳ ୫ ମ୍ୟାଚ ବିଶିଷ୍ଟ ସିରିଜ ୪-୧ରେ ବିଜୟ ହାସଲ କରିଛି। ଦଳକୁ ଜିତାଇବାରେ ଏର୍ଭିନ ଲୁଇସ୍ ପ୍ରମୁଖ ଭୂମିକା ଗ୍ରହଣ କରି ପ୍ଲେୟର ଅଫ୍ ଦି ମ୍ୟାଚ ବିବେଚିତ ହୋଇଥିଲେ। ହେଡେନ ଓ୍ବାଲ୍ସ ପ୍ଲେୟର ଅଫ୍ ଦି ସିରିଜ ହୋଇଥିଲେ। ଓ୍ବେଷ୍ଟଇଣ୍ଡିଜର କାମଚଳା ଅଧିନାୟକ ନିକୋଲାସ ପୁରାନ ସିରିଜରେ ପ୍ରଥମଥର ଟସ୍ ଜିତି ବ୍ୟାଟିଂ ନେଇଥିଲେ। ଦଳ ନିର୍ଦ୍ଧାରିତ ଓଭରରେ ୮ ଉଇକେଟ ବିନିମୟରେ ୧୯୯ରନ କରିଥିଲା। ଟପ୍ ସ୍କୋର ଲୁଇସ୍ ୩୪ ବଲରୁ ୯ ଛକା ସମେତ ୭୯ରନ କରିଥିଲେ। ପୁରାନ ୩୧ ରନ କରିଥିଲେ। ଅଷ୍ଟ୍ରେଲିଆ ତରଫରୁ ଆଣ୍ଡ୍ର୍ୟୁ ଟାଇ ୩ ଏବଂ ଆଡାମ ଜାମ୍ପା ଓ ମିଚେଲ ମାର୍ଶ ୨ଟି ଲେଖାଏ ଉଇକେଟ ନେଇଥିଲେ। ଜବାବରେ ଅଷ୍ଟ୍ରେଲିଆ ନିର୍ଦ୍ଧାରିତ ଓଭରରେ ୯ ଉଇକେଟ ବିନିମୟରେ ୧୮୩ ରନ କରିଥିଲା ଏବଂ ବିଜୟଠାରୁ ୧୬ରନ ପଛରେ ରହିଯାଇଥିଲା। ଦଳର ଟପ୍ ସ୍କୋର ଆରୋନ ଫିଞ୍ଚ୍ ୩୪, ମିଚେଲ ମାର୍ଶ ୩୦ ଏବଂ ଉଇକେଟକିପର ମାଥ୍ୟୁ ଓ୍ବେଡ୍ ୨୬ରନ କରିଥିଲେ। ଘରୋଇ ଦଳ ପକ୍ଷରୁ ଶେଲଡନ କଟ୍ରେଲ ଓ ଆନ୍ଦ୍ରେ ରସେଲ ୩ଟି ଲେଖାଏ ଉଇକେଟ ନେଇଥିଲେ।
ସଂକ୍ଷିପ୍ତ ସ୍କୋର
ଓ୍ବେଷ୍ଟଇଣ୍ଡିଜ: ୨୦ ଓଭରରେ ୧୯୯/୮ (ଲୁଇସ୍-୭୯, ପୁରାନ-୩୧; ଆଣ୍ଡ୍ର୍ୟୁ ଟାଇ-୩/୩୭, ମିଚେଲ ମାର୍ଶ-୨/୧୨, ଜାମ୍ପା-୨/୩୦)।
