ଝାଡ଼ଖଣ୍ଡର ଜାମସେଦପୁରରେ ଏମିତି ଏକ କାଫେ ଖୋଲାଯାଇଛି, ଯେଉଁଠି ୧୨ଟି ଦେଶର ଚା’ ମିଳୁଛି। ଏହି କାଫେରେ ୧୦୦ ଟଙ୍କାରୁ ଆରମ୍ଭ କରି ୮୦୦ ଟଙ୍କା ଦେଇ ଚା’ର ମଜା ନେଇପାରିବେ। କାଫେର ସବୁଠୁ ଖାସ୍ କଥା ହେଲା ଏଠାରେ କାମ କରୁଥିବା କର୍ମଚାରୀ କଥା କହିପାରନ୍ତି କିନ୍ତୁ ଶୁଣିପାରନ୍ତି ନାହିଁ। ତେଣୁ କେବଳ ଇସାରାରେ ଗ୍ରାହକମାନେ ଅର୍ଡର ଦେଇପାରିବେ। ସେମାନେ ମନ ପସନ୍ଦର ଚା’ ମଧ୍ୟ ଯୋଗାଇଦେବେ।
କାଫେରେ କାମ କରୁଥିବା ୧୨ ଜଣ କର୍ମଚାରୀ କହିବାରେ ଅସମର୍ଥ। କିନ୍ତୁ ଗ୍ରାହକଙ୍କ ପଇସାର ହିସାବ ବେଶ୍ ଭଲ ଭାବେ ରଖିଥାନ୍ତି। କାଫେ ମାଲିକ ଅବିନାଶ ଦୁଗଲଙ୍କ କହିବା କଥା ସେ ପ୍ରତିଦିନ ସକାଳୁ ତାଙ୍କ ଟିମ୍ଙ୍କ ସହ ପ୍ରାର୍ଥନା କରନ୍ତି। ‘ ଆମେ ଗୋଟିଏ ଦିନ ସଫଳ ହେବା, ମନରେ ବିଶ୍ୱାସ ରଖ। ଏମିତି ଭାବନା ନେଇ କାମ ଆରମ୍ଭ କରିଥାନ୍ତି।
କାଫେର ଡିଜାଇନ୍ ଖୁବ୍ ସୁନ୍ଦର ଭାବେ କରାଯାଇଛି। ଏଠାରେ ରାଜାରାଜୁଡାଙ୍କଠାରୁ ଆରମ୍ଭ କରି ସାଧାରଣ ଲୋକଙ୍କ ପର୍ଯ୍ୟନ୍ତ ଚା’ ବିକ୍ରି ହେଉଛି। କଲେଜ ପଢୁଆ ପିଲାଙ୍କ ପାଇଁ ମସଲା ଚା’, ଅଫିସ କର୍ମଚାରୀଙ୍କ ପାଇଁ କଡ଼ା ଚା’, ପଡ଼ୋଶୀ ପାଇଁ ମିଠା ଚା’, ହୋଟେଲଙ୍କ ପାଇଁ ହଟ୍ ଚା ଏବଂ ଫାଇଭ୍ ଷ୍ଟାର ହୋଟେଲ ପରି ଦାମୀ ଚା’ ଏଠାରେ ମିଳିଥାଏ। ମାଲିକ କୁହନ୍ତି, କହିପାରୁ ନ ଥିବା ଶୁଣିପାରୁ ନ ଥିବା ପିଲାମାନଙ୍କୁ ସେ ରୋଜଗାର ଦେଇଛନ୍ତି। ସମସ୍ତେ କରୋନା ଟିକା ମଧ୍ୟ ନେଇ ସାରିଛନ୍ତି। ୩ ଜଣ ଝିଅ, ୯ ଜଣ ପୁଅ ଏଠାରେ କାମ କରୁଛନ୍ତି। ଏମାନେ ସମସ୍ତେ ଗ୍ରାହକଙ୍କଠାରୁ ନିଜ ନିଜ ହିସାବରେ ଅର୍ଡର ରଖି ଚା’ ଦେଇଥାନ୍ତି। ଆମର ଏଠାରେ ୧୦୦ ଟଙ୍କାରୁ ଆରମ୍ଭ କରି ୮୦୦ ଟଙ୍କା ପର୍ଯ୍ୟନ୍ତ ଚା’ ମିଳିଥାଏ। ଏହା ବ୍ୟତୀତ ଏଠାରେ ୧୫୦ ପ୍ରକାରର ଚା’ ଏବଂ କଫି, ପିଜା, ପେଷ୍ଟ୍ରି, କେକ୍ ଆଦି ମିଳିଥାଏ। ଏଠାରେ କାମ କରୁଥିବା ପ୍ରତ୍ୟେକ କର୍ମଚାରୀ ବହୁତ ଖୁସି ମିଜାଜର। ସେମାନେ କୁହନ୍ତି, ଯଦି ଆମ ଚା’ ଆପଣଙ୍କୁ ଭଲ ଲାଗିବ ତେବେ ଆପଣ ଆଉ ଥରେ ଆସିବେ। ତେଣୁ ଗ୍ରାହକମାନଙ୍କ ସହ ବେଶ୍ ଭଲ ବ୍ୟବହାର କରିଥାନ୍ତି।
