ନୂଆଦିଲ୍ଲୀ,୨୮।୬: ବିସିସିଆଇ ସୋମବାର ଏକ ବଡ ଘୋଷଣା କରିଛି। ଭାରତରେ ଆୟୋଜିତ ହେବାକୁ ଥିବା ଟି-୨୦ ବିଶ୍ୱକପ୍କୁ ୟୁଏଇ ସ୍ଥାନାନ୍ତର କରାଯାଇଛି। ଦେଶରେ କରୋନା ପରିସ୍ଥିତି ଜାରି ରହିଥିବାରୁ ଏହି ନିଷ୍ପତ୍ତି ନିଆଯାଇଛି। ଏନେଇ ବିସିସିଆଇ ଆଇସିସିକୁ ସୂଚନା ଦିଆଯାଇଥିବା ବିସିସିଆଇ ସଚିବ ଜୟ ଶାହା କହିଛନ୍ତି। ଆସନ୍ତା ଅକ୍ଟୋବର-ନଭେମ୍ବରରେ ଟି-୨୦ ବିଶ୍ୱକପ୍ ଆୟୋଜନ ହେବ। ପୂର୍ବରୁ ମଧ୍ୟରେ ଭାରତରେ ଟି-୨୦ ବିଶ୍ୱକପ୍ ଆୟୋଜନ ନେଇ ସନ୍ଦେହ ରହିଥିଲା। ବିଶ୍ୱକପ୍ ପୂର୍ବରୁ ଆଇପିଏଲ୍ର ବାକି ୩୧ ମ୍ୟାଚ୍ ୟୁଏଇରେ ହେବ ବୋଲି ପୂର୍ବରୁ ଘୋଷଣା କରାଯାଇଥିଲା।
ସୂଚନାଯୋଗ୍ୟ, ଟି-୨୦ ବିଶ୍ୱକପ୍ ଖେଳିବା ପାଇଁ ୧୬ଟି ଦଳକୁ ସୁଯୋଗ ଦିଆଯାଇଛି। ମୋଟ ୪୫ଟି ମ୍ୟାଚ ହେବ । ପ୍ରଥମ ରାଉଣ୍ଡ ୮ଟି ଦଳ ମଧ୍ୟରେ ହେବ। ଦୁଇଟି ଦଳରେ ୪-୪ ଟିମ ରହିବେ। ମୋଟ ୧୨ଟି ମ୍ୟାଚ ହେବ। ଉଭୟ ଦଳର ଶୀର୍ଷ ଦଳ ସୁପର -୧୨ ପାଇଁ ଯୋଗ୍ୟତା ଅର୍ଜନ କରିବେ। ଏଠାରେ୧୨ଟି ଦଳକୁ ଦୁଇଟି ଦଳରେ ବିଭକ୍ତ କରାଯିବ। ମୋଟ ୩୦ଟି ମ୍ୟାଚ ହେବ। ଏହା ପରେ ଦୁଇଟି ସେମିଫାଇନାଲ ଏବଂ ଏକ ଫାଇନାଲ ହେବ।
