ବଣାଇଁ,୨୯।୪(ଡି.ଏନ୍.ଏ.): ସୁନ୍ଦରଗଡ଼ ଜିଲା କୋଇଡ଼ା ଥାନା ଅନ୍ତର୍ଗତ ନିୟୁ ଗାର୍ଡେନ କଲୋନୀ ମସଜିଦ ସମ୍ମୁଖ ଭଡ଼ାଘରୁ ଗୁରୁବାର ମା- ଝିଅଙ୍କ ମୃତଦେହ ଜବତ କରିଛି ପୋଲିସ। ମା’ଙ୍କ ମୃତଦେହ ଝୁଲନ୍ତା ଅବସ୍ଥାରେ ଥିବା ବେଳେ ୩ ବର୍ଷ ଶିଶୁକନ୍ୟାର ମୃତଦେହ ଖଟ ଉପରେ ପଡ଼ିରହିଥିଲା। ଗୋଟିଏ ଦିନ ପୂର୍ବରୁ ସ୍ବାମୀ ଘର ଛାଡ଼ି କେଉଁ ଆଡ଼େ ଚାଲି ଯାଇଥିବା ଜଣାପଡ଼ିଛି। ବିଳମ୍ବ ଯାଏ କବାଟ ନ ଖୋଲିବାରୁ ସନ୍ଦେହ କରି ପଡ଼ୋଶୀ ପୋଲିସକୁ ଖବର ଦେଇଥିଲେ। ଘର ମାଲିକଙ୍କୁୁ ଅଟକ ରଖି ପୋଲିସ ପଚରାଉଚରା କରୁଛି। ମୃତା ମହିଳା ରଞ୍ଜିତା ସାହାଣୀ (୨୭) ଓ ତାଙ୍କ ସ୍ବାମୀ ପ୍ରହଲ୍ଲାଦ ସାହାଣୀ ବୋଲି ଜଣାପଡ଼ିଛି। ପ୍ରାଥମିକ ତଦନ୍ତରୁ ଘରୋଇ କଳହକୁ କେନ୍ଦ୍ର କରି ରଞ୍ଜିତା ପ୍ରଥମରେ ଶିଶୁ କନ୍ୟାଙ୍କ ତଣ୍ଟି ଚିପି ହତ୍ୟା କରିବା ପରେ ନିଜେ ଆତ୍ମହତ୍ୟା କରି ଥାଇପାରନ୍ତି ବୋଲି ସନ୍ଦେହ କରାଯାଉଛି l ପୋଲିସ ଏନେଇ ତଦନ୍ତ ଜାରି ରଖିଛି।
