ସମଗ୍ର ବିଶ୍ୱରେ ଅନେକ ରାସ୍ତା ରହିଛି। ପ୍ରତ୍ୟେକ ରାସ୍ତା କୌଣସି ନା କୌଣସି କାରଣ ପାଇଁ ସ୍ବତନ୍ତ୍ର। କେଉଁ ରାସ୍ତା ସବୁଠୁ ଲମ୍ବା ପାଇଁ ଜଣାଶୁଣା ତ ଆଉ କେଉଁଟା ଛୋଟ ପାଇଁ। ସାଧାରଣତଃ ରାସ୍ତା ନିର୍ମାଣ ସମୟରେ ଗୋଡ଼ି, ବାଲି, ପଥର ବ୍ୟବହାର କରାଯାଇଥାଏ। ମାତ୍ର ଏମିତି ଏକ ରାସ୍ତା ଅଛି, ଯାହା ତିଆରି ହେବାରେ ମଣିଷଙ୍କ ହାଡ଼ ବ୍ୟବହାର କରାଯାଇଛି। ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ। ଏହି କାରଣ ପାଇଁ ରାସ୍ତାର ନାମ ‘ରୋଡ୍ ଅଫ୍ ବୋନ୍ସ’। ହାଡ଼ର ସଡ଼କ ଭାବରେ ଜଣାଶୁଣା।
ଏହା ଏକ ଜାତୀୟ ରାଜପଥ ଅଟେ। ରୁଷିଆଠାରୁ ପୂର୍ବ ଅଞ୍ଚଳରେ ଏହା ରହିଛି। ଏହାର ଅସଲ ନାମ ହେଲା କୋଲୟମା ହାଇଓ୍ବେ। ଏହାର ଲମ୍ବ ୨,୦୨୫ କିଲୋମିଟର। ଏହି ଜାତୀୟ ରାଜପଥରୁ ମଣିଷଙ୍କ ହାଡ଼ ଏବଂ କଙ୍କାଳ ମିଳୁଛି।
ଥଣ୍ଡା ଦିନରେ ଏହି ଅଞ୍ଚଳରେ ପ୍ରବଳ ବରଫ ପଡ଼େ। ଫଳରେ ବରଫରେ ରାସ୍ତା ଦେଖାଯାଏ ନାହିଁ। ତେଣୁ ଗାଡ଼ି ରାସ୍ତାରେ ଯିବା ସମୟରେ ଯେମିତି ନ ଖସିବ ସେଥିପାଇଁ ବାଲି ସହିତ ମଣିଷର ହାଡ଼ ବ୍ୟବହାର କରାଯାଇଛି।
ଏହି ଜାତୀୟ ରାଜପଥ ସୋଭିଏତ୍ ସଂଘର ବାଦ୍ଶାହା କୁହାଯାଉଥିବା ଜୋସେକ ଷ୍ଟାଲିନଙ୍କ ସମୟରେ ନିର୍ମାଣ କରାଯାଇଥିଲା। କୁହାଯାଏ, ଏହି ରାସ୍ତା ନିର୍ମାଣ ସମୟରେ ୧୦ ଲକ୍ଷ ଲୋକଙ୍କ ଜୀବନ ଯାଇଛି। ବିଶେଷକରି କଏଦୀ ଏବଂ ଶ୍ରମିକମାନଙ୍କ ଜୀବନ ବରଫାବୃତ୍ତ ରାସ୍ତାରେ ଯାଇଛି। ମୃତ୍ୟୁ ପରେ ଏହି ରାଜପଥରେ ହିଁ ସେମାନଙ୍କୁ ପୋତି ଦିଆଯାଉଥିଲା। ଫଳସ୍ବରୂପ ବର୍ତ୍ତମାନ ସେଠାରୁ ମଣିଷଙ୍କ କଙ୍କାଳ ଏବଂ ହାଡ଼ ମିଳୁଛି।
