ଛତ୍ରପୁର,୧୦।୩(ଡି.ଏନ୍.ଏ.): ଗଞ୍ଜାମ ଜିଲା ରମ୍ଭା -ହୁମା ରେଳ ଲାଇନରୁ ସିଗନାଲ କେବୁଲ ଚୋରି କରୁଥିବାବେଳେ ଭୁବନେଶ୍ୱରର ୭ ଜଣଙ୍କୁ ବ୍ରହ୍ମପୁର ଆରପିଏଫ୍ ଟିମ ଗିରଫ କରିଛନ୍ତି। ସେମାନଙ୍କ ଠାରୁ ୫୫ ମିଟର କେବୁଲ, ୩ କଟର ମେଶିନ ଜବତ କରାଯାଇଥିବା ସମ୍ପର୍କରେ ଆରପିଏଫ ଆଇଆଇସି ଦିଲୀପ କୁମାର ସୂଚନା ଦେଇଛନ୍ତି। ଗିରଫ ମାନେହେଲେ ଭୁବନେଶ୍ୱର ପାତ୍ରପଡା ଫେଲେଶ୍ୱର ବସ୍ତିର ଶେଖ ରହିମ, ପପୁ ଦୋରା, କିସାନ ମୁଖି, ଦିଲୁ ପ୍ରଧାନ, ଆଇଗିଣିଆ ମାଛ ମାର୍କେଟ ଅଞ୍ଚଳର ସମ୍ବିତ କୁମାର ଡାକୁଆ, ପ୍ରକାଶ ପାତ୍ର ଏବଂ ଡ଼ୁମର ପପୁଲ ବାରିକ। ଅଭିଯୁକ୍ତଙ୍କୁ କୋର୍ଟ ଚାଲାଣ ପରେ ଜେଲକୁ ପଠାଇ ଦିଆଯାଇଛି। ଏହି ଚଢ଼ାଉରେ ବ୍ରହ୍ମପୁର ଆରପିଏଫ ଆଇଆଇସିଙ୍କ ସମେତ କନଷ୍ଟେବଳ ଏସ୍ ଷଡ଼ଙ୍ଗୀ, ପଲ ରେଡ୍ଡୀ, ପି ରାଉତ, ପି କେ ନାୟକ, ଏସ କେ ପଣ୍ଡା, ଖୋର୍ଦ୍ଧା ରୋଡ ସିଆଇବିର ଏଏସ୍ଆଇ ସିଆର ସାମନ୍ତରାୟ, ଏନ ସି ମଲିକ କେ ନାୟକ ପ୍ରମୁଖ ସାମିଲ ଥିଲେ।
