ତେଲରେ ନିଆଁ

ଭୁବନେଶ୍ୱର, ୨୫।୧ (ବ୍ୟୁରୋ): ପେଟ୍ରୋଲ ଏବଂ ଡିଜେଲ ଦର କମିବା ଦେଖାଯାଉନାହିଁ। ଚଳିତ ସପ୍ତାହରେ ଇନ୍ଧନ ଦର ୪ଥର ବଢିଲାଣି। ସେହିଭଳି ଜାନୁୟାରୀରେ ତେଲ ଦର ୮ଥର ବୃଦ୍ଧି ପାଇବା ଅସହ୍ୟ ହେଲାଣି। ରାଷ୍ଟ୍ରାୟତ୍ତ ତୈଳ ବିପଣନ କମ୍ପାନୀଗୁଡ଼ିକ ଶନିବାର ଲଗାତର ଦ୍ୱିତୀୟ ଦିନ ଲାଗି ତେଲ ଦର ବଢାଇଥିଲେ। ଫଳରେ ଏବେ ଭୁବନେଶ୍ୱରରେ ପେଟ୍ରୋଲ ଲିଟର ପିଛା ୮୬.୩୮ ଟଙ୍କା ଏବଂ ଡିଜେଲ ୮୨.୬୮ଟଙ୍କା ଛୁଇଁଛି। ଏଠାରେ ଉଭୟ ପେଟ୍ରୋଲ ଏବଂ ଡିଜେଲ ଲାଗି ଖାଉଟିଙ୍କୁ ଦିଲ୍ଲୀ ତୁଳନାରେ ଅଧିକ ଦାମ୍‌ ଦେବାକୁ ପଡୁଛି। ରାଜ୍ୟର ମାଲକାନଗିରିରେ ଶନିବାର ପେଟ୍ରୋଲ ୯୧.୪୨ ଟଙ୍କା ଏବଂ ଡିଜେଲ ୮୭.୬୫ ଟଙ୍କା ରହିଥିଲା। ବର୍ତ୍ତମାନ ଓଡ଼ିଶାରେ ପେଟ୍ରୋଲ ସର୍ବକାଳୀନ ରେକର୍ଡ ସ୍ତର ଛୁଇଁଛି। ସେହିଭଳି ରାଜ୍ୟର ଅନ୍ୟ ପ୍ରମୁଖ ସହର ସମ୍ବଲପୁରରେ ପେଟ୍ରୋଲ ୮୬.୯୭ଟଙ୍କା ଓ ଡିଜେଲ ୮୩.୨୭ ଟଙ୍କାରେ ବିକ୍ରି ହେଉଛି। ଅପରପକ୍ଷରେ ବାଲେଶ୍ୱରରେ ଲୋକମାନେ ତେଲ ପାଇଁ ଯଥାକ୍ରମେ ୮୬.୩୭ ଟଙ୍କା ଏବଂ ୮୨.୯୬ ଟଙ୍କା ଦେଉଥିବା ସୂଚନା ମିଳିଛି।
ଶନିବାର ଭୁବନେଶ୍ୱରରେ ପେଟ୍ରୋଲ ୨୬ ପଇସା ଏବଂ ଡିଜେଲ ୨୭ ପଇସା ବଢିଛି। ଶୁକ୍ରବାର ମଧ୍ୟ ପେଟ୍ରୋଲ ୨୫ ପଇସା ଏବଂ ଡିଜେଲ ୨୮ ପଇସା ବଢ଼ିଥିଲା। ଚଳିତ ମାସରେ ଭୁବନେଶ୍ୱରରେ ପେଟ୍ରୋଲ ୨.୧ ଟଙ୍କା ଏବଂ ଡିଜେଲ ୨.୧୮ ଟଙ୍କା ବଢିଲାଣି। ଜାନୁୟାରୀର ପ୍ରତି ସପ୍ତାହରେ ତେଲ ଦର ୨ ଥର ଲେଖାଏ ବଢିଛି। ରାଜସ୍ଥାନର ଗଙ୍ଗାନଗରରେ ଇନ୍ଧନ ମୂଲ୍ୟ ୯୭.୫୦ ଟଙ୍କା ଛୁଇଁଛି। ସାରା ଦେଶର ଦର କଥା ବିଚାର କଲେ ଏହା ସର୍ବାଧିକ। ସେହିଭଳି ଭୋପାଳରେ ତେଲ ଦର ୯୩.୫୬ ଟଙ୍କା ଏବଂ ମୁମ୍ବାଇରେ ୯୨.୨୮ ଟଙ୍କା ଛୁଇଁଛି। ନୂଆଦିଲ୍ଲୀରେ ୨୩ ଜାନୁୟାରୀରେ ପେଟ୍ରୋଲ ଦର ୮୫.୭୦ ଟଙ୍କା ରହିଥିଲା। ଏଠାରେ ଡିଜେଲ ୭୫.୮୮ ଟଙ୍କା ସ୍ତରରେ ରହିଛି। ନୂଆଦିଲ୍ଲୀରେ ପେଟ୍ରୋଲ ୧.୯୯ ଟଙ୍କା ଏବଂ ଡିଜେଲ ୨.୦୧ ଟଙ୍କା ମହଙ୍ଗା ହୋଇଛି। ପେଟ୍ରୋଲ ଏବଂ ଡିଜେଲ ଉପରେ ମୂଳ ମୂଲ୍ୟ ବର୍ତ୍ତମାନ ଯଥାକ୍ରମେ ୨୮.୦୩ ଟଙ୍କା ଏବଂ ୨୯.୧୯ ଟଙ୍କା ରହିଛି। କେନ୍ଦ୍ର ସରକାର ପେଟ୍ରୋଲ ଉପରେ ଲିଟର ପିଛା ୩୨.୯୮ ଟଙ୍କା ଏବଂ ଡିଜେଲ ଉପରେ ୩୧.୮୩ ଟଙ୍କା ଉତ୍ପାଦ ଟିକସ ଲାଗୁ କରିଛନ୍ତି। ସେହିଭଳି ରାଜ୍ୟ ଭ୍ୟାଟ୍‌ ଭାବେ ଓଡିଶା ପେଟ୍ରୋଲ ଉପରେ ୧୬.୬୦ ଟଙ୍କା ଏବଂ ଡିଜେଲରେ ୧୪.୩୪ ଟଙ୍କା ଆଦାୟ କରୁଛି। ଏହାବାଦ ପରିବହନ ବାବଦ ଖର୍ଚ୍ଚ ଭାବେ ୦.୩୪ ପଇସାରୁ ୦.୩୭ ପଇସା ଏବଂ ଡିଲର କମିଶନ ପ୍ରାୟ ୨.୫୩ ଟଙ୍କାରୁ ୩.୬୭ ଟଙ୍କା ଲାଗୁ ହେଉଛି। ଫଳରେ ତେଲ ଦର ଆକାଶ ଛୁଆଁ ହେଉଛି। କରୋନା ଲକ୍‌ଡାଉନ ଜନିତ ସମୟରେ ସରକାର ୨୦୨୦ ମେ’ ୬ତାରିଖରେ ଇନ୍ଧନ ଉପରେ ଉତ୍ପାଦ ଟିକସ ବଢ଼ାଇଥିଲେ। ଏହି ସମୟରେ ପେଟ୍ରୋଲ ଉପରେ ୧୦ ଟଙ୍କା ଏବଂ ଡିଜେଲ ଉପରେ ୧୩ ଟଙ୍କା ଶୁଳ୍କ ବୃଦ୍ଧି ପାଇଥିଲା। ଏହାର ପ୍ରଭାବ ଲୋକଙ୍କ ଉପରେ ପଡିବ ନାହିଁ ବୋଲି ସରକାର କହିଥିଲେ। ତେଲ କମ୍ପାନୀ ଟିକସ ବୋଝକୁ ନିଜେ ମୁଣ୍ଡାଇବେ ବୋଲି କୁହାଯାଇଥିଲା। ହେଲେ ଏହାପରଠାରୁ ତେଲ ଦର ବୃଦ୍ଧି ଲୋକଙ୍କୁ ଅତିଷ୍ଠ କଲାଣି। ଇନ୍ଧନ ଉପରେ ତେଲ କମ୍ପାନୀ ତାଙ୍କ ଲାଭ, ଡିଲର କମିଶନ, କେନ୍ଦ୍ର ଏବଂ ରାଜ୍ୟ ସ୍ତରର ଟିକସ ଯୋଗୁ ମୂଳ ମୂଲ୍ୟ ତୁଳନାରେ ରିଟେଲ ମୂଲ୍ୟ ଢେର ଅଧିକ ରହୁଛି। ରିପୋର୍ଟ ମୁତାବକ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମେ ୨୦୧୪ରେ ସରକାରକୁ ଆସିବା ପରେ ତେଲ ଦର ନୂଆଦିଲ୍ଲୀରେ ପ୍ରାୟ ୨୦% ମହଙ୍ଗା ହୋଇଛି। କେନ୍ଦ୍ର ସରକାରଙ୍କ ଉତ୍ପାଦ ଟିକସ ବାଦ୍‌ ରାଜ୍ୟ ସ୍ତରରେ ଭାଟ୍‌ ଭିନ୍ନ ରହୁଛି। ରାଜସ୍ଥାନ ସରକାର ସବୁଠାରୁ ଅଧିକ ଭାଟ୍‌ ଲାଗୁ କରୁଛନ୍ତି। ଏଠାରେ ପେଟ୍ରୋଲ ଉପରେ ୩୮% ଏବଂ ଡିଜେଲ ଉପରେ ୨୮% ଭାଟ୍‌ ଲାଗୁଛି। ସେହିଭଳି ଓଡ଼ିଶାରେ ୩୨% ଏବଂ ୨୮% ଭାଟ୍‌ ଲାଗୁ ହେଉଛି।
ତେଲ ଉପରେ ଅତ୍ୟଧିକ ଟିକସ ଯୋଗୁ ଅନ୍ତର୍ଜାତୀୟ ବଜାରରେ ଅଶୋଧି ତୈଳ ଦର ବଢିଲେ ଏହାର ପ୍ରଭାବ ଦେଖାଯାଉଛି। କରୋନା କାଳରେ ଲୋକମାନେ ସମସ୍ୟାରେ ରହୁଥିବା ବେଳେ ଏଭଳି ଦର ବୃଦ୍ଧି ଚିନ୍ତା ବଢ଼ାଇଛି। ଏପଟେ ଉଭୟ ରାଜ୍ୟ କିମ୍ବା କେନ୍ଦ୍ର ସରକାର ତେଲ ଟିକସ ହ୍ରାସ କରିବା ନେଇ କୌଣସି ପଦକ୍ଷେପ ନେଉନାହାନ୍ତି। କରୋନା ଯୋଗୁ ସରକାରଙ୍କ ରାଜସ୍ବ ପ୍ରଭାବିତ ହୋଇ ରହିଛି। ଅନ୍ୟ କୌଣସି ସାମଗ୍ରୀ ଉପରେ ସରକାର ଟିକସ ବଢ଼ାଇନାହନ୍ତି। ଉତ୍ପାଦ ଟିକସ ଏବଂ ରାଜ୍ୟ ସ୍ତରରେ ଭାଟ୍‌ ବଢ଼ାଇ ଟିକସ ଆଦାୟ ହେଉଛି। ଫଳରେ ଆଗାମୀ ଦିନରେ ମଧ୍ୟ ତେଲ ଦର ଖସିବା ନେଇ କୌଣସି ଆଶା ଦେଖାଯାଉନାହିଁ। ଟିକସ ହ୍ରାସ କରିବା ଲାଗି ବିଭିନ୍ନ ମହଲରୁ ଦାବି ହେଉଥିଲେ ମଧ୍ୟ ସରକାର ଏହାକୁ କର୍ଣ୍ଣପାତ କରୁନାହାନ୍ତି। ଏହି ପରିପ୍ରେକ୍ଷୀରେ ଉତ୍କଳ ପେଟ୍ରୋଲିୟମ ଡିଲର ଆସୋସିଏଶନ(ୟୁପିଡିଏ)ର ସାଧାରଣ ସମ୍ପାଦକ ସଞ୍ଜୟ ଲାଠ କହିଛନ୍ତି, ବର୍ତ୍ତମାନ ଅନ୍ତର୍ଜାତୀୟ ବଜାରରେ ତେଲ ଦର ଉଚ୍ଚା ରହିଛି। ତେଲ ଉପରେ ଟିକସ ଯୋଗୁ ଦର ଖସୁନାହିଁ। ଉଭୟ କେନ୍ଦ୍ର ଏବଂ ରାଜ୍ୟ ସ୍ତରରେ ଟିକସ କମିଲେ ଏହାର ଲାଭ ଖାଉଟିଙ୍କୁ ମିଳିପାରନ୍ତା ବୋଲି ମତ ପ୍ରକାଶ ପାଇଛି।


Enter your email to get our daily news in your inbox.

All Right Reserved By Dharitri.Com

ପତଞ୍ଜଳିର ୧୪ ପ୍ରଡକ୍ଟର ଲାଇସେନ୍ସ ହେଲା ସସପେଣ୍ଡ, ନିତିଦିନ କରୁଛନ୍ତି ବ୍ୟବହାର, ଦେଖନ୍ତୁ ଲିଷ୍ଟ

ଡେରାଡୁନ,୩୦।୪: ବିଭ୍ରାନ୍ତିକର ବିଜ୍ଞାପନ ପ୍ରସଙ୍ଗରେ ପତଞ୍ଜଳିର ସମସ୍ୟା ହ୍ରାସ ହେବାର ଦେଖାଯାଉ ନାହିଁ। ଏକ ବଡ କାର୍ଯ୍ୟାନୁଷ୍ଠାନ ମାଧ୍ୟମରେ ଉତ୍ତରାଖଣ୍ଡ ଡ୍ରଗ ବିଭାଗର ଲାଇସେନ୍ସ ପ୍ରାଧିକରଣ...

ବଜାରରେ ମହିନ୍ଦ୍ରାର ‘ଅଲ୍‌ ନ୍ୟୁ ଏକ୍ସୟୁଭି ୩ଏକ୍ସଓ’

ଭୁବନେଶ୍ୱର,୩୦।୪ (ଅଭୟ ଦାଶ): ମହିନ୍ଦ୍ରା ଆଣ୍ଡ ମହିନ୍ଦ୍ରା ଲିମିଟେଡର ବହୁ ପ୍ରତୀକ୍ଷିତ ତଥା ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ‘ଅଲ୍‌ ନ୍ୟୁ ଏକ୍ସୟୁଭି ୩ଏକ୍ସଓ’ର ସର୍ବଭାରତୀୟ ଉନ୍ମୋଚନ (ଅନାବରଣ)...

ବେଆଇନ ଭାବେ ଡାଲି ମହଜୁଦ ରଖିଲେ କଡ଼ା କାର୍ଯ୍ୟାନୁଷ୍ଠାନ

ଭୁବନେଶ୍ୱର,୩୦।୪, (ଅନୁରାଧା ମହାରଣା): ଡାଲି ବେଆଇନ ଭାବେ ମହଜୁଦ ରଖୁଥିବା ବ୍ୟବସାୟୀଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଗତ କିଛି ଦିନ ଧରି କେତେକ ରାଜ୍ୟରେ...

ଇଆଇପିଏଲ୍‌ ସହ ଏଚ୍‌ଡିଏଫ୍‌ସି କ୍ୟାପିଟାଲର ସହଭାଗିତା

ଭୁବନେଶ୍ୱର,୩୦।୪: ଏଚ୍‌ଡିଏଫ୍‌ସି କ୍ୟାପିଟାଲ ଆଡଭାଇଜର୍ସ ଲିମିଟେଡ ଏବଂ ଏଲଡେକୋ ଇନ୍‌ଫ୍ରାଷ୍ଟ୍ରକଚର ଆଣ୍ଡ ପ୍ରପର୍ଟିଜ ଲିମିଟେଡ (ଇଆଇପିଏଲ୍‌) ମଧ୍ୟରେ ଏକ ଦ୍ୱିପାକ୍ଷିକ ସହଭାଗିତା ସ୍ଥାପନ ହୋଇଛି। ଏପରିକି...

ହିଣ୍ଡାଲ୍‌କୋର ପ୍ରୋଜେକ୍ଟ ‘ଜ୍ଞାନାର୍ଜନ’

ଭୁବନେଶ୍ୱର,୩୦।୪: ଆଦିତ୍ୟ ବିର୍ଲା ଗ୍ରୁପର ଅଗ୍ରଣୀ କମ୍ପାନୀ ହିଣ୍ଡାଲ୍‌କୋର ବହୁ ପ୍ରତୀକ୍ଷିତ ତଥା ଅଭିନବ ପ୍ରକଳ୍ପ ‘ଜ୍ଞାନାର୍ଜନ’ ନିକଟରେ ହୀରାକୁଦଠାରେ ଆନୁଷ୍ଠାନିକ ଭାବେ ଶୁଭାରମ୍ଭ ହୋଇଯାଇଛି।...

ପହିଲାରୁ ଫୁଲ୍‌ ପଇସା ଭାସୁଲ ସେଲ୍‌

ଭୁବନେଶ୍ୱର,୩୦।୪: ରିଲାଏନ୍ସ ଗ୍ରୁପର ଅଗ୍ରଣୀ କମ୍ପାନୀ ତଥା ରିଟେଲ ପ୍ଲାଟଫର୍ମ ସ୍ମାର୍ଟ ବଜାର ଓ ଜିଓ ମାର୍ଟର ଲୋକପ୍ରିୟ ଅଫର ‘ଫୁଲ ପଇସା ଭାସୁଲ ସେଲ୍‌’ର...

ଘରୋଇ ବଜାରରେ ଷ୍ଟାର୍ଟଅପ୍‌ର ଉଲ୍ଲେଖନୀୟ ଅଭିବୃଦ୍ଧି

ଭୁବନେଶ୍ୱର,୨୯।୪ (ଅଭୟ ଦାଶ):କ୍ରମାଗତ ଭାବେ ଘରୋଇ ବଜାରରେ ଷ୍ଟାର୍ଟଅପ ସଂଖ୍ୟାର ଉଲ୍ଲେଖନୀୟ ଅଭିବୃଦ୍ଧି ସହିତ ସଫଳତା ମଧ୍ୟ ହାସଲ କରିଛି। ଏପରିକି ୨୦୧୪ରେ ପ୍ରାୟ ୩୫୦...

SBI ଶେୟାରର କମାଲ, ୪୫ ହଜାର କୋଟି ରୋଜଗାର କଲେ ନିବେଶକ

ମୁମ୍ବାଇ, ୨୭।୪: ଗତ ସପ୍ତାହରେ ସେୟାର ବଜାର ପାଇଁ ବହୁତ ଭଲ ବୋଲି ପ୍ରମାଣିତ ହୋଇଛି। ବମ୍ବେ ଷ୍ଟକ ଏକ୍ସଚେଞ୍ଜର ଶ୍ରେଷ୍ଠ ୧୦ ଟି କମ୍ପାନୀର...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri