ମୁମ୍ବାଇ,୧୭।୧: ବ୍ରିସବେନ ଟେଷ୍ଟର ପ୍ରଥମ ଇନିଂସରେ ଭାରତ ୩୩୬ ରନ ସଂଗ୍ରହ କରିଛି। ଏକ ସମୟରେ ଲାଗୁଥିଲା ଯେ ଟିମ ଇଣ୍ଡିଆ ୨୨୦ ରନ୍ରେ ପହଞ୍ଚିବ ନାହିଁ। କିନ୍ତୁ ଶାର୍ଦ୍ଦୁଲ ଠାକୁର ଏବଂ ୱାଶିଂଟନ ସୁନ୍ଦରଙ୍କ ଅର୍ଦ୍ଧଶତକୀୟ ଇନିଂସ ଏହା ଘଟିବାକୁ ଦେଇ ନ ଥିଲା। ପ୍ରଥମ ଇନିଂସରେ ଅଷ୍ଟ୍ରେଲିଆ ୩୩ ରନ ଅଗ୍ରଣୀ ହାସଲ କରିଥିଲା କିନ୍ତୁ ଆୟୋଜକଙ୍କ ସହ ଟିମ ଇଣ୍ଡିଆକୁ କଡ଼ା ମୁକାବିଲା କରିଥିଲା। ଟିମ ଇଣ୍ଡିଆ ପାଇଁ ଶାଦ୍ଦୁଲ ଠାକୁର ସର୍ବାଧିକ ୬୭ ରନ ସଂଗ୍ରହ କରିଥିଲେ। ତାଙ୍କର ପ୍ରଥମ ଟେଷ୍ଟ ଖେଳି ସୁନ୍ଦର ମଧ୍ୟ ୬୨ ରନ ସଂଗ୍ରହ କରିଥିଲେ। ଏହି ଦୁଇ ବ୍ୟାଟ୍ସମ୍ୟାନ ମିଳିତ ଭାବେ ୭ମ ଉଇକେଟ ପାଇଁ ୧୨୩ରନ ଭାଗିଦାରୀ ବାଣ୍ଟିଥିଲେ। ଶାର୍ଦ୍ଦୁଲ ଏବଂ ୱାଶିଂଟନର ସୁନ୍ଦର ବ୍ୟାଟିଂ ଦେଖି ଅଧିନାୟକ ବିରାଟ କୋହଲି ମଧ୍ୟ ତାଙ୍କର ପ୍ରଶଂସକ ହୋଇଥିଲେ। ପୈତୃକ ଛୁଟିରେଥିବା ବିରାଟ କୋହଲି ଟୁଇଟରରେ ଉଭୟ ବ୍ୟାଟ୍ସମ୍ୟାନଙ୍କୁ ପ୍ରଶଂସା କରିଛନ୍ତି। ବିରାଟ କୋହଲି ଟୁଇଟ୍ କରି କହିଛନ୍ତି, ସୁନ୍ଦର ଏବଂ ଠାକୁରଙ୍କ ସୁନ୍ଦର ବ୍ୟାଟିଂ ଏବଂ ଆତ୍ମବିଶ୍ୱାସ। ଏହା ହେଉଛି ଟେଷ୍ଟ କ୍ରିକେଟ। ଡେବ୍ୟୁ ମ୍ୟାଚରେ ସୁନ୍ଦର ଇନିଂସ। ଠାକୁର ତୁମକୁ ଗ୍ରହଣ କଲେ ବେଲି ସେ କହିଛନ୍ତି।
