ସୁନ୍ଦର ଦେଖାଯିବାକୁ ସମସ୍ତେ ଚାହାନ୍ତି। ଏଥିପାଇଁ ଲୋକେ କିଛି ବି କରିବାକୁ ରାଜି ହୋଇଥାନ୍ତି। ବଜାରରେ ଅନେକ ପ୍ରକାରର ସୌନ୍ଦର୍ଯ୍ୟ ସାମଗ୍ରୀ ମଧ୍ୟ ବିକ୍ରି ହେଉଛି ା ମାତ୍ର କିଛି ଲୋକଙ୍କୁ ଏ ସବୁରେ ଆଦୌ ହେଲେ ଫରକ୍ ପଡ଼ି ନ ଥାଏ, ଯେ ତାଙ୍କ ବିଷୟରେ ଲୋକ କ’ଣ ଭାବନ୍ତି। ସେମିତି ଜଣେ ମହିଳା ହେଲେ ଲେଖିକା ବା ବ୍ଲଗର ମେଲିସା ବ୍ଲାକ। ମେଲିସାଙ୍କୁ ଅସୁନ୍ଦରତା ଯୋଗୁ ସୋସିଆଲ ମିଡିଆରେ ଟ୍ରୋଲ କରାଯାଉଛି।
ମେଲିସା ଫ୍ରିମ୍ୟାନ-ଶେଲଡନ୍-ସିଣ୍ଡ୍ରୋମ ରୋଗରେ ପୀଡିତ। ଏହି କାରଣରୁ ତାଙ୍କ ମୁହଁ ସାଧାରଣ ଲୋକଙ୍କଠାରୁ ସାମାନ୍ୟ ଭିନ୍ନ। ଗତ ଅଗଷ୍ଟ ମାସରେ ମେଲିସା ଏକ ଆଟିକିଲ୍ ଲେଖିଥିଲେ। ସେହି ସମୟରେ ତାଙ୍କର ଏକ ଫଟୋ ୟୁଟ୍ୟୁବ୍ରେ ଶେୟାର ହୋଇଥିଲା। ଏହା ପରେ ଲୋକେ ତାଙ୍କୁ ଅସୁନ୍ଦର କହିବା ସହ ବ୍ଲବଫିସ୍, ହ୍ବେଲ ଆଦି ନାମରେ ଡାକିଲେ। ଏପରିକି ଜଣେ ୟୁଜର ଲେଖିଥିଲେ, ମେଲିସାଙ୍କ ଫଟୋ ପୋଷ୍ଟ ଉପରେ ବ୍ୟାନ୍ କରିବା ଉଚିତ୍। ଏହା ପରଠାରୁ ସେ ପ୍ରତିଦିନ ନିଜର ଗୋଟି ଲେଖାଏ ସେଲ୍ଫି ପ୍ରତିଦିନ ସୋସିଆଲ ମିଡିଆରେ ପୋଷ୍ଟ କରିଥାନ୍ତି। ବର୍ତ୍ତମାନ ତାଙ୍କ ଟୁଇଟରରେ ୧ ଲକ୍ଷରୁ ଅଧିକ ଫଲୋଅର୍ସ ଅଛନ୍ତି। ବର୍ତ୍ତମାନ କିଛି ଲୋକ ତାଙ୍କ ସାହସକୁ ପ୍ରଶଂସା କରୁଛନ୍ତି। ଏହା ଦ୍ୱାରା ନିଜକୁ କମ୍ଜୋର ଭାବୁଥିବା ଭିନ୍ନକ୍ଷମ ମାନଙ୍କୁ ସାହସ ମିଳିବ ବୋଲି ସେମାନେ କହୁଛନ୍ତି।
ଏ ନେଇ ମେଲିସା କୁହନ୍ତି, ଗତ ବର୍ଷଠାରୁ ପ୍ରତିଦିନ ରାତିରେ ମୁଁ ଗୋଟିଏ କାମ କରିଥାଏ। ଶୋଇବା ପୂର୍ବରୁ ନିଜର ଏକ ଫଟୋ ଉଠାଇ ସୋସିଆଲ ମିଡିଆରେ ପୋଷ୍ଟ କରିଥାଏ। ଏହା ତାଙ୍କ ପାଇଁ ଏକ ପ୍ରଥାରେ ପରିଣତ ହୋଇଯାଇଛି। ଏପରି କରିବା ଦ୍ୱାରା ତାଙ୍କୁ ଶାନ୍ତି ମିଳିଥାଏ ବୋଲି ମେଲିସା କହିଚନ୍ତି।
