ବମ୍ବେ: ଗୁରୁଦିବସ ଉପଲକ୍ଷେ ସାଧାରଣଲୋକଙ୍କଠାରୁ ଆରମ୍ଭ କରି ବଲିଉଡ୍ କଳାକାରମାନେ ନିଜ ଗୁରୁଙ୍କୁ ନିଆରା ଢ଼ଙ୍ଗରେ ଶୁଭେଚ୍ଛା ଜଣାଉଛନ୍ତି। ଏହି କ୍ରମରେ ଜଣେ ଅଭିନେତ୍ରୀ ପ୍ରଥମ ଶ୍ରେଣୀରେ ପଢ଼ୁଥିବା ବେଳର ଏକ ଫଟୋ ଶେୟାର କରିଛନ୍ତି। ଫଟୋରେ ତାଙ୍କୁ ନାଲି ରଙ୍ଗର ଲେହେଙ୍ଗା ଓ ଓଢ଼ଣୀରେ ଦେଖିବାକୁ ମିଳୁଛି। ଶିକ୍ଷକମାନେ ତାଙ୍କୁ ଉପହାର ଦେଉଛନ୍ତି। ହେଲେ ହଠାତ ଫଟୋ ଦେଖିଲେ ସେ କିଏ ଆପଣ ଜାଣି ନ ପାରନ୍ତି। କହିରଖୁଛୁ ସେ ଆଉ କେହି ନୁହେଁ ବରଂ ବଲିଉଡ୍ କୁଇନ୍ କଙ୍ଗନା ରାଣାଓ୍ବତ।
ଗୁରୁଦିବସ ଉପଲକ୍ଷେ ସେ ନିଜର ଗୁରୁମାନଙ୍କୁ ମନେ ପକାଇ ଫଟୋ ଶେୟାର କରିଛନ୍ତି। ସେତେବେଳେ ସେ ୧ମ ଶ୍ରେଣୀରେ ପଢ଼ୁଥିଲେ। ବାର୍ଷିକ ଉତ୍ସମରେ ପାହାଡ଼ି ନାଟିରେ ଅଂଶଗ୍ରହଣ କରି ସେ ଉପହାର ଜିତିଥିଲେ। ଏଣୁ ଫଟୋକୁ ଶେୟାର କରି ସେ ସମସ୍ତଙ୍କୁ ମନେ ପକାଇଛନ୍ତି।
