ଗୀତ ଶୁଣିବାକୁ କାହାକୁ ବା ଭଲ ନ ଲାଗେ। ହେଲେ କ’ଣ ଆପଣ କେବେ ଯନ୍ତ୍ରମାନଙ୍କ ବଦଳରେ ଫଳରୁ ସଙ୍ଗୀତ ବାହାରୁଥିବା ଶୁଣିଛନ୍ତି? ହୁଏତ ନା। ଏପରି କେମିତି ହେବ ବୋଲି ଭାବୁଥାଇପାରନ୍ତି। ହେଲେ ସୋସିଆଲ ମିଡିଆରେ ଏପରି ଏକ ଭିଡିଓ ଭାଇରାଲ ହେଉଛି, ଯେଉଁଥିରେ ଜଣେ ବ୍ୟକ୍ତି ତରଭୂଜ ଏବଂ କିଓ୍ବିର ବ୍ୟବହାର କରି ଇଲେକ୍ଟୋନିକ୍ ସଙ୍ଗୀତ ବଜାଉଛନ୍ତି।
ପୂର୍ବ ବାସ୍କେଟବଲ୍ ଖେଳାଳି ରେକ୍ସ ଚୈମ୍ପମ୍ୟାନ୍ ନିଜ ସୋସିଆଲ ମିଡିଆ ଆକାଉଣ୍ଟରେ ଏହି ଭିଡିଓ ଶେୟାର କରିଛନ୍ତି। ଏଥିସହ ‘ବାଃ, ସେ ତରଭୂଜରୁ ସଙ୍ଗୀତର ସ୍ବର ବାହାର କରୁଛନ୍ତି’ ବୋଲି ଲେଖିଛନ୍ତି। ଗୋଟିଏ ମିନିଟ୍ର ଏହି ଭିଡିଓ ସମସ୍ତଙ୍କୁ ବେଶ ପସନ୍ଦ ଆସୁଛି। ଇତିମଧ୍ୟରେ ୩ ଲକ୍ଷରୁ ଅଧିକ ଥର ଲୋକେ ଏହାକୁ ଦେଖି ସାରିଲେଣି। ଏପରିକି ଏହାକୁ ହଜାର ହଜାର କମେଣ୍ଟ ଏବଂ ଶେୟାର କରାଯାଉଛି।
