କରୋନା ସମୟରେ ଅନେକ ଲୋକଙ୍କୁ ନିଜ ସହର ପରିବର୍ତ୍ତନ କରିବାକୁ ପଡିଛି। ଏଭଳି ପରିସ୍ଥିତିରେ କୋଟି କୋଟି ଲୋକ ସରକାରୀ କାମ ପାଇଁ ଠିକଣାକୁ ନେଇ ବହୁ ଅସୁବିଧାର ସମ୍ମୁଖୀନ ହେଉଛନ୍ତି। ଏହି ସମସ୍ୟାକୁ ଦୂର କରିବା ପାଇଁ, UIDAI ଆଧାରରେ ଘର ବସି ଠିକଣା ବଦଳାଇବାର ଏକ ନୂତନ ସେବା ଘୋଷଣା କରିଛି। ଏହି ସେବାରେ, ଆପଣ ଘରର ଠିକଣାକୁ ସହଜରେ ପରିବର୍ତ୍ତନ କରିପାରିବେ। ଏନେଇ UIDAI ପକ୍ଷରୁ ଏକ ଭିଡିଓ ରିଲିଜ କରିଯାଇଛି। ଏହି ଭିଡିଓରେ, ଘରର ଠିକଣା ପରିବର୍ତ୍ତନ ବିଷୟରେ ସମ୍ପୂର୍ଣ୍ଣ ସୂଚନା ଦିଆଯାଇଛି। ଏହି ଭିଡିଓ ଦେଖିବା ଦ୍ୱାରା ଆପଣ ନିଜ ଘରର ଠିକଣାକୁ ଆଧାର କାର୍ଡରେ ସହଜରେ ପରିବର୍ତ୍ତନ କରିପାରିବେ।
UIDAI ଟ୍ବିଟରରେ ଟୁଇଟ କରି କହିଛି ଯେ ପ୍ରଥମେ UIDAIର ଅଫିସିଆଲ ୱେବସାଇଟ https://uidai.gov.in/କୁ ଯିବାକୁ ପଡିବ। ଏଠାକୁ ଯିବା ପରେ ଆପଣଙ୍କୁ ‘Online Address Update’ ଉପରେ କ୍ଲିକ କରିବାକୁ ପଡିବ। ଏଠାରେ ତୁମ ଘରର ସଠିକ ଠିକଣା ପ୍ରବେଶ କରିବାକୁ ପଡିବ। ଏହା ସହ ଆବଶ୍ୟକ ଡକ୍ୟୁମେଣ୍ଟର ରଙ୍ଗୀନ ସ୍କାନ କପି ଅପଲୋଡ କରିବାକୁ ପଡିବ। ଏହା କରିବା ପରେ ଆପଣଙ୍କ ନୂଆ ଠିକଣା ଅପଡେଟ୍ ହୋଇଯିବ।
