କରୋନା ଯୋଗୁ ଏବେ ଫିଲ୍ମ ଶୁଟିଂ ବନ୍ଦ ରହିଛି। ଫଳରେ ଅଭିନେତ୍ରୀ ଅଭିନେତାମାନେ ପରିବାର ସହ ସମୟ ବିତାଉଛନ୍ତି। କିଏ ସୋସିଆଲ ମିଡିଆରେ ନିଜକୁ ଆକ୍ଟିଭ୍ ରଖୁଛନ୍ତି ତ ଆଉ କିଏ ଘରେ ଯୋଗ କରୁଛନ୍ତି। ଏସବୁ ଭିତରେ ବଲିଉଡ ସୁପରଷ୍ଟାର ସଲମାନ ଖାନ ଚାଷ କରିବାକୁ ମନ ବଳାଇଛନ୍ତି। କିଛିଦିନ ତଳେ ଜମିରେ ଚାଷ କରୁତବବାବେଳର ଦୃଶ୍ୟ ସେ ସୋସିଆଲ ମିଡିଆରେ ଫଟୋ ଶେୟାର କରିଥିଲେ। ଏବେ ସେ ବିଲରେ ହଳ କରୁଥିବା ଦେଖାଯାଇଛି। ପାନଭେଲରେ ଥିବା ତାଙ୍କ ଫାର୍ମହାଉସରେ ସମୟ ବିତାଉଥିବା ସଲମାନ ଚାଷ କାର୍ଯ୍ୟ କରୁଥିବା ସମୟରେ ଟୁଇଟରରେ ଏହି ଭିଡିଓ ଶେୟାର କରିଛନ୍ତି। ଭିଡିଓରେ ସଲମାନ ଟ୍ରାକ୍ଟର ଚଳାଇ କ୍ଷେତ ହଳ କରୁଥିବା ଦେଖିବାକୁ ମିଳିଛି। ପ୍ରବଳ ବର୍ଷା ମଧ୍ୟରେ ସଲମାନଙ୍କ ଏହି ଭିଡିଓ ଶୂଟିଂ କରାଯାଇଛି। ଭିଡିଓ ସେୟାର କରି ସଲମାନ ଲେଖିଛନ୍ତି, ‘ଚାଷ’।
