ପୁରୀ ଅଫିସ,୨୫।୬: ଏଏସ୍ଆଇ ପକ୍ଷରୁ ଗୁରୁବାର ଶ୍ରୀମନ୍ଦିର ଯାଞ୍ଚ କରାଯାଉଛି। ଡାକ୍ତର ଏନ୍.ସି. ପାଲଙ୍କ ନେତୃତ୍ୱରେ ଏକ ଟିମ୍ ଏହି ଯାଞ୍ଚ କରୁଛନ୍ତି। ବିଶେଷକରି ଗର୍ଭଗୃହର ସ୍ଥିତି ଅନୁଧ୍ୟାନ କରାଯାଉଛି। ଗର୍ଭଗୃହର ପ୍ରଥମ ମହଲା ଓ ଦ୍ୱିତୀୟ ମହଲା ସହିତ ଏଠାରେ ବାୟୁ ଚଳାଚଳ ବ୍ୟବସ୍ଥାର ମଧ୍ୟ ଅନୁଧ୍ୟାନ କରାଯାଉଥିବା ଜଣାପଡ଼ିଛି। ଏତଦ୍ ବ୍ୟତୀତ ଯଦି ଗର୍ଭଗୃହର କୌଣସି ପଥର ଖରାପ୍ କି ନଷ୍ଟ ହୋଇଯାଇଥିଲେ ତାକୁ ପରିବର୍ତ୍ତନ କରାଯିବ ବୋଲି ଏଏସ୍ଆଇ ପକ୍ଷରୁ ସୂଚନା ଦିଆଯାଇଛି। ଯାଞ୍ଚ ପରେ ଏକ ସମୀକ୍ଷା ବୈଠକ ବସି କ’ଣ କ’ଣ ମରାମତି କରାଯିବ ତାହାର ଏକ ରୂପରେଖ ପ୍ରସ୍ତୁତ କରାଯିବ। ସୂଚନା ଥାଉକି ପ୍ରତିବର୍ଷ ମହାପ୍ରଭୁ ଗୁଣ୍ଡିଚା ମନ୍ଦିରକୁ ନବଦିନାତ୍ମକ ଯାତ୍ରା କରିବା ସମୟରେ ଏଏସ୍ଆଇ ପକ୍ଷରୁ ଏହି ଯାଞ୍ଚ କରାଯାଇଥାଏ।
