ପଟ୍ଟାମୁଣ୍ଡାଇ,୨୨ା୬(ସ୍ବ.ପ୍ର.) : କେନ୍ଦ୍ରାପଡ଼ା ଜିଲା ପଟ୍ଟାମୁଣ୍ଡାଇ ବ୍ଲକ ବନ୍ୟା ଅଞ୍ଚଳ ତରାଡ଼ିପାଳ ପଞ୍ଚାୟତ ଗୋପାଳପୁର ଛକରୁ ରବିବାର ବିଳମ୍ବିତ ରାତିରେ ଡକାୟତି ଉଦ୍ୟମ କରୁଥିବା ବେଳେ ଚଉଦକୁଲାଟ ଫାଣ୍ଡି ପୋଲିସ ୪ ଜଣଙ୍କୁ ଗିରଫ କରିଛି। ଚଢ଼ାଉ ବେଳେ ଆଉ ଦୁଇ ଅନ୍ଧାରରେ ଖସି ପଳାଇବାକୁ ସକ୍ଷମ ହୋଇଛନ୍ତି। ଡକାୟତଙ୍କ ପାଖରୁ ଏକ ପିସ୍ତଲ, ଦୁଇଟି ଅଖାବ୍ୟାଗ ଓ ଗୋଟିଏ ପଲସର ଏବଂ ସ୍କୁଟି ଜବତ କରିଛି ପୋଲିସ। ଗିରଫ ଡକାୟତମାନଙ୍କୁ ସୋମବାର ପଟ୍ଟାମୁଣ୍ଡାଇ ଥାନାରେ ହାଜିର କରିଛି। ତେବେ ଡକାୟତମାନଙ୍କ ଘର ଯାଜପୁର ଜିଲା ବରୀ ମାଉଣ୍ଟ ଶଙ୍ଖାରୀଗୋଡ଼ା ଅଞ୍ଚଳ ବୋଲି ଜଣାପଡ଼ିଛି। ତେବେ ଡକାୟତମାନେ ଦୁଇଟି ଗାଡ଼ିରେ ଅଳପୁଆ ଦେଇ ଗୋପାଳପୁର ଛକରେ ପହଞ୍ଚିଥିଲେ। ସେମାନେ ଡକାୟତ କରିବାକୁ ଯୋଜନା କରୁଥିବା ବେଳେ ସ୍ଥାନୀୟ ଲୋକେ ଚଉଦକୁଲାଟ ଫାଣ୍ଡି ପୋଲିସକୁ ଖବର ଦେଇଥିଲେ ଖବର ପାଇ ଚଉଦକୁଲାଟ ଫାଣ୍ଡି ଅଧିକାରୀ ସଦଳବବଳ ଘଟଣାସ୍ଥଳରେ ପହଞ୍ଚି ୪ ଡକାୟତଙ୍କୁ ଗିରଫ କରିଥିବା ବେଳେ ଅନ୍ୟ ଦୁଇ ଜଣ ଖସି ପଳେଇବାକୁ ସକ୍ଷମ ହୋଇଛନ୍ତି। ପଟ୍ଟାମୁଣ୍ଡାଇ ପୋଲିସ ଗିରଫ ଡକାୟତମାନଙ୍କୁ ଅଟକ ରଖି ପଚରାଉଚରା କରିଛି। ତେବେ ସେମାନଙ୍କ ନାମ ପୋଲିସ ପ୍ରକାଶ କରିନାହିଁ।
