ଲଣ୍ଡନ, ୭ା୬ (ପି.ଟି.)-ପୂର୍ବତନ ଇଂଲଣ୍ଡ ଅଧିନାୟକ ଜେଫ୍ରି ବୟକଟ୍ ବିବିିସି ଟେଷ୍ଟ ମ୍ୟାଚ ସ୍ପେଶାଲ କମେଣ୍ଟ୍ରି ଟିମ୍ରୁ ଓହରିଯାଇଛନ୍ତି। କୋଭିଡ୍-୧୯ ମହାମାରୀ ସଂକ୍ରମଣ ଆଶଙ୍କା ଯୋଗୁ ସେ ଏହି ନିଷ୍ପତ୍ତି ନେଇଛନ୍ତି। ବିିବିସି କମେଣ୍ଟ୍ରି ଟିମ୍ ସହ ୭୯ ବର୍ଷୀୟ ବୟକଟ୍ ଦୀର୍ଘ ୧୪ ବର୍ଷ ଧରି ସମ୍ପୃକ୍ତ ଥିଲେ। ଆସନ୍ତା ମାସରେ ଓ୍ବେଷ୍ଟଇଣ୍ଡିଜ ବିପକ୍ଷ ଘରୋଇ ସିରିଜ ପାଇଁ ବୟକଟ୍ କମେଣ୍ଟ୍ରି ପାଇଁ ଡାକରା ପାଇଥିଲେ। କରୋନା ଭାଇରସ୍ ବିପଦ ଥିବାରୁ ଏହି କ୍ରିକେଟ ସିରିଜ ଜୈବ-ସୁରକ୍ଷିତ ପରିବେଶ ମଧ୍ୟରେ ଖେଳାଯିବ। ପୂର୍ବତନ ଇଂଲଣ୍ଡ ଅଧିନାୟକଙ୍କର ଇତିମଧ୍ୟରେ ୪ଥର ହାର୍ଟ ବାଇପାସ୍ ସର୍ଜରୀ ସରିଛି। ତାଙ୍କର ଅଧିକ ବୟସ ମଧ୍ୟ ହୋଇଯାଇଛି। କରୋନା ସଂକ୍ରମଣ ଭୟ ଥିବାରୁ ଏହି ନିଷ୍ପତ୍ତି ନେବାକୁ ସେ ବାଧ୍ୟ ହୋଇଥିବା ବୟକଟ୍ କହିଛନ୍ତି। କ୍ରିକେଟ ପ୍ରତି ମୋର ଖୁବ୍ ଭଲ ପାଇବା ରହିଛି। ଖେଳ ଛାଡ଼ିବା ପରେ କମେଣ୍ଟ୍ରିରୁ ଯଥେଷ୍ଟ ଆନନ୍ଦ ଲାଭ କରିଛି। ମୋ କମେଣ୍ଟ୍ରକୁ ଯେଉଁମାନେ ଉପଭୋଗ କରିଛନ୍ତି ସେମାନଙ୍କୁ ମୁଁ ଧନ୍ୟବାଦ ଦେବାକୁ ଚାହିଁବି ବୋଲି ବୟକଟ ତାଙ୍କ ଟ୍ବିଟର ପେଜ୍ରେ ପ୍ରକାଶ କରିଛନ୍ତି।
