ଛେଣ୍ଡିପଦା,୨୬।୧(ସ୍ବ.ପ୍ର.)- ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ଅନୁଗୋଳ ଜିଲା ଛେଣ୍ଡିପଦା ବ୍ଲକ ପକ୍ଷରୁ ମଙ୍ଗଳବାର ଚୂଡ଼ାନ୍ତ ପ୍ରାର୍ଥୀ ତାଲିକା ପ୍ରକାଶ ପାଇଛି। ବ୍ଲକରେ ଥିବା ମୋଟ ୩୪ ପଞ୍ଚାୟତରୁ ସମିତି ସଭ୍ୟ, ସରପଞ୍ଚ ଏବଂ ୱାର୍ଡ ସଭ୍ୟ ପାଇଁ ମୋଟ ୧୦୯୯ ଜଣ ନାମାଙ୍କନପତ୍ର ଦାଖଲ କରିଥିଲେ। ସେଥିରୁ ୨୨ ତାରିଖ ଯାଞ୍ଚ ପରେ ୧୦୭୯ ନାମାଙ୍କନପତ୍ର କାଏମ ରହିଥିଲା। ୨୫ ତାରିଖରେ ୮୧ ଜଣ ପ୍ରାର୍ଥିପତ୍ର ପ୍ରତ୍ୟାହାର କରିଥିବାରୁ ବର୍ତ୍ତମାନ ନିର୍ବାଚନ ମୈଦାନରେ ମୋଟ୍ ୯୯୮ ଜଣ ପ୍ରାର୍ଥୀ ରହିଥିବା ସ୍ପଷ୍ଟ ହୋଇଛି। ତେବେ ୧୬ଟି ଓ୍ବାର୍ଡରୁ ଓ୍ବାର୍ଡସଭ୍ୟ ପାଇଁ କେହି ନାମାଙ୍କନପତ୍ର ପକାଇ ନ ଥିବାରୁ ସେଠାରେ ପୁନର୍ବାର ନାମାଙ୍କନପତ୍ର ଆହ୍ବାନ କରାଯିବ। ପ୍ରକାଶ ଯେ, ୩୪ଟି ପଞ୍ଚାୟତରୁ ସମିତି ସଭ୍ୟ ପାଇଁ ୧୧୦ ଜଣ, ସରପଞ୍ଚ ପାଇଁ ୧୩୪ ଓ ୱାର୍ଡସଭ୍ୟ ପାଇଁ ୮୫୫ ଜଣ ନାମାଙ୍କନପତ୍ର ଦାଖଲ କରିଥିଲେ। ଯାଞ୍ଚ ପରେ ୧୦୨ ସମିତି ସଭ୍ୟ ପ୍ରାର୍ଥୀଙ୍କ ପ୍ରାର୍ଥତ୍ପତ୍ର କାଏମ ରହିଥିଲା। ସେହିପରି ୧୨୫ ସରପଞ୍ଚ ପ୍ରାର୍ଥୀ ଓ ୮୫୨ ଓ୍ବାର୍ଡ ସଭ୍ୟଙ୍କ ପ୍ରାର୍ଥତ୍ପତ୍ର ଠିକ୍ ରହିଥିଲା। ତେବେ ୨୦ ଜଣ ସମିତି ସଭ୍ୟ ପ୍ରାର୍ଥୀ, ୨୬ ଜଣ ସରପଞ୍ଚ ପ୍ରାର୍ଥୀ ଓ ୩୫ଜଣ ଓ୍ବାର୍ଡ ସଭ୍ୟ ପ୍ରାର୍ଥୀ ସେମାନଙ୍କ ପ୍ରାର୍ଥତ୍ପତ୍ର ପ୍ରତ୍ୟାହାର କରିନେଇଛନ୍ତି। ଫଳରେ ଏବେ ପ୍ରତିଦ୍ୱନ୍ଦ୍ୱିତା ପାଇଁ ନିର୍ବାଚନ ରଣାଙ୍ଗନରେ ୮୨ ସମିତି ସଭ୍ୟ ପ୍ରାର୍ଥୀ, ୯୯ ସରପଞ୍ଚ ପ୍ରାର୍ଥୀ ଓ ୮୧୭ ଓ୍ବାର୍ଡ ସଭ୍ୟ ପ୍ରାର୍ଥୀ ରହିଥିବା ଜଣାପଡିଛି।
