ସାଢ଼େ ୭ ଲକ୍ଷରୁ ଫେରିଛି ୫ ଲକ୍ଷ ୩୮ ହଜାର

ଅନୁଗୋଳ ଅଫିସ, ୨୦ା୯ – ଅନୁଗୋଳ ଜିଲାରେ ବଢ଼ୁଛି ସାଇବର ଠକେଇ। ଏହି ଠକମାନେ କେତେବେଳେ ନିଜକୁ ବ୍ୟାଙ୍କ କର୍ମଚାରୀ ପରିଚୟ ଦେଇ ଫୋନ ମାଧ୍ୟମରେ ଏଟିଏମ୍‌ ପିନ୍‌ ମାଗି ଆକାଉଣ୍ଟରୁ ଟଙ୍କା ଗାଏବ କରୁଛନ୍ତି ତ ଆଉ କେତେବେଳେ ଫେକ୍‌ ଲିଙ୍କ୍‌ ପଠାଇ ଗୋଟିଏ କ୍ଲିକ୍‌ରେ ହଜାର ହଜାର ଟଙ୍କା ଉଠାଇ ନେଉଛନ୍ତି। ଜିଲାର ବିଭିନ୍ନ ଥାନାରେ ଏଭଳି ଅଭିଯୋଗର ତାଲିକା ଲମ୍ବୁଥିବା ବେଳେ କେବଳ ଗତ ୯ ମାସରେ ୧୧ଟି ଘଟଣାରେ ୭ ଲକ୍ଷ ୫୨ ହଜାର ୬ ଟଙ୍କାର ଠକେଇ ହୋଇଛି। ତେବେ ପୋଲିସର ତ୍ୱରିତ ପଦକ୍ଷେପ ଯୋଗୁ ଠକେଇର ଶିକାର ଆକାଉଣ୍ଟଧାରୀମାନେ ୫ ଲକ୍ଷ ୩୮ ହଜାର ୧୭୫ ଟଙ୍କା ଫେରି ପାଇପାରିଛନ୍ତି। ଏପରି କି ସମ୍ପୃକ୍ତ ୧୧ଜଣଙ୍କ ମଧ୍ୟରୁ ୪ଜଣ ସମସ୍ତ ଅର୍ଥ ଫେରସ୍ତ ପାଇଥିବା ଅନୁଗୋଳ ଏସ୍‌ପି ଜଗମୋହନ ମୀନା ସୂଚନା ଦେଇଛନ୍ତି।
ଏସ୍‌ପି କହିଛନ୍ତି ଯେ, ଜିଲାର ଅନ୍ୟ ଥାନା ଅପେକ୍ଷା ଅନୁଗୋଳ ଥାନାରେ ସର୍ବାଧିକ ସାଇବର ଠକେଇ ନେଇ ଅଭିଯୋଗ ପଞ୍ଜୀକୃତ ହୋଇଛି। ଗତ ଫେବୃୟାରୀ ମାସରେ ଅନୁଗୋଳ ଥାନା ଅଞ୍ଚଳର ଜଣେ ବ୍ୟକ୍ତିଙ୍କଠାରୁ ୪୩ ହଜାର ୯୯୦ ଟଙ୍କା ଠକେଇ ହୋଇଥିଲା। ଏତଲା ପରେ ପୋଲିସ ଏ ନେଇ ପଦକ୍ଷେପ ନେଇଥିଲା। ଫଳରେ ତାଙ୍କ ଆକାଉଣ୍ଟକୁ ୩୬ ହଜାର ୯୯୦ ଟଙ୍କା ଫେରସ୍ତ ମିଳିଛି। ସେହିପରି ମାର୍ଚ୍ଚ ମାସରେ ୬୫ ହଜାର ୧୭୦ ଟଙ୍କା ଗାଏବ ମାମଲାରେ ଆକାଉଣ୍ଟଧାରୀଙ୍କୁ ୩୯ ହଜାର ୧୮୦ ଟଙ୍କା ଫେରସ୍ତ ମିଳିପାରିଛି। ଏପ୍ରିଲ ମାସରେ ଜଣେ ବ୍ୟକ୍ତିଙ୍କ ଆକାଉଣ୍ଟରୁ ୩୦ ହଜାର ଟଙ୍କା ଉଠାଇ ନିଆଯାଇଥିଲା। ଏହାର ତଦନ୍ତ ପରେ ସମ୍ପୃକ୍ତ ବ୍ୟକ୍ତି ୧୦ ହଜାର ୯୩ ଟଙ୍କା ଫେରି ପାଇଛନ୍ତି। ଜୁଲାଇ ମାସରେ ସାଇବର ଠକଙ୍କ ହାବୁଡ଼ରେ ପଡ଼ି ୪୯ ହଜାର ୯୯୮ ଟଙ୍କା ହରାଇଥିବା ବ୍ୟକ୍ତିଙ୍କ ଆକାଉଣ୍ଟକୁ ୨୪ ହଜାର ୯୯୮ ଟଙ୍କା ଫେରସ୍ତ ଆସିଛି। ସେହିମାସରେ ଅନ୍ୟ ଜଣେ ବ୍ୟକ୍ତି ୧ ଲକ୍ଷ ୯ ହଜାର ଟଙ୍କା ଠକେଇର ଶିକାର ହୋଇଥିଲେ। ପୋଲିସର ପଦକ୍ଷେପ ଯୋଗୁ ସେ ୮୫ ହଜାର ୯୯୯ ଟଙ୍କା ପାଇପାରିଛନ୍ତି। ୫୪ ହଜାର ୭୫ ଟଙ୍କା ଠକାମିର ଶିକାର ହୋଇଥିବା ଅନ୍ୟ ଜଣେ ବ୍ୟକ୍ତି ପୂରା ଟଙ୍କା ଫେରସ୍ତ ପାଇଛନ୍ତି। ସେହିପରି କୋଲିୟରୀ ଥାନାରେ ଏପରି ୩ଟି ମାମଲା ହୋଇଥିଲା। ଜାନୁୟାରୀ ମାସରେ ଜଣେ ବ୍ୟକ୍ତିଙ୍କ ଆକାଉଣ୍ଟରୁ ୮୯ ହଜାର ୯୯୯ ଟଙ୍କା ଉଠାଇ ନିଆଯାଇଥିଲା। ଉକ୍ତ ମାମଲାରେ ଆକାଉଣ୍ଟଧାରୀଙ୍କୁ ସମ୍ପୂର୍ଣ୍ଣ ଟଙ୍କା ଫେରସ୍ତ ମିଳିଛି। ମେ ମାସରେ ଠକେଇର ଶିକାର ହୋଇଥିବା ବ୍ୟକ୍ତି ପୂରା ୪୬ ହଜାର ୯୪୨ ଟଙ୍କା ପାଇଛନ୍ତି। ଜୁଲାଇ ମାସରେ ୧ ଲକ୍ଷ ୧୦ ହଜାର ଟଙ୍କା ହରାଇଥିବା ଜଣେ ବ୍ୟକ୍ତିଙ୍କ ଆକାଉଣ୍ଟକୁ ୫୦ ହଜାର ଟଙ୍କା ଫେରି ଆସିଛି। ଏନ୍‌ଟିପିସି ଥାନା ଅଞ୍ଚଳର ଜଣେ ଆକାଉଣ୍ଟଧାରୀ ୪୯ ହଜାର ୯୯୯ ଟଙ୍କା ଠକାମିର ଶିକାର ହୋଇଥିବାବେଳେ ସମୂର୍ଣ୍ଣ ଟଙ୍କା ଫେରିପାଇଛନ୍ତି। ୧ ଲକ୍ଷ ୨ ହଜାର ୮୩୩ ଟଙ୍କା ଠକେଇ ହୋଇଥିବା ନେଇ ବିକ୍ରମପୁର ଥାନାରେ ଅଭିଯୋଗ ହୋଇଥିବା ବେଳେ ଉକ୍ତ ମାମଲାରେ ୪୯ ହଜାର ୯୦୦ ଟଙ୍କା ଫେରସ୍ତ ମିଳିଥିବା ଏସ୍‌ପି ମୀନା ପ୍ରକାଶ କରିଛନ୍ତି। ଦିନକୁ ଦିନ ସାଇବର ଅପରାଧୀମାନେ ଅଧିକରୁ ଅଧିକ ଲୋକଙ୍କୁ ଟାର୍ଗେଟ୍‌ କରୁଥିବାରୁ ଏ ନେଇ ସତର୍କ ତଥା ସଚେତନ ରହିବା ପାଇଁ ଏସ୍‌ପି ଜିଲାବାସୀଙ୍କୁ ପରାମର୍ଶ ଦେଇଛନ୍ତି। କୌଣସି ପରିସ୍ଥିତିରେ ମୋବାଇଲ ମାଧ୍ୟମରେ କାହାକୁ ନିଜ ଏଟିଏମ୍‌ ପିନ୍‌ ସହ ସିସିଭି ନମ୍ବର ଏବଂ ଓଟିପି ପ୍ରଦାନ ନ କରିବାକୁ କହିଛନ୍ତି। ସେହିପରି ମୋବାଇଲରେ କୌଣସି ଆପ୍‌ ବ୍ୟବହାର କରୁଥିଲେ ଅଜଣା ଲୋକଙ୍କୁ କିଛି ବି ତଥ୍ୟ ପ୍ରଦାନ ନ କରିବାକୁ ଏସ୍‌ପି ପରାମର୍ଶ ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

ଅନସୂୟାଙ୍କ ପ୍ରାର୍ଥତ୍ତ୍ୱକୁ ବିରୋଧ: ପରିବର୍ତ୍ତନ ନ ହେଲେ ଅନ୍ୟ ପନ୍ଥା

ରାୟଗଡ଼ା,୨୯।୩(ଆଶିଷ ରଞ୍ଜନ ପଣ୍ଡା)- ରାୟଗଡ଼ା ବିଧାନସଭା ଆସନ ପ୍ରାର୍ଥତ୍ନୀ ଅନସୂୟା ମାଝିଙ୍କ ପ୍ରାର୍ଥତ୍ତ୍ୱକୁ ବିରୋଧ ତେଜିବାରେ ଲାଗିଛି। ଶୁକ୍ରବାର ବିଜେଡି ରାଜ୍ୟ ଉପସଭାପତି ଏନ୍‌.ଭାସ୍କର ରାଓଙ୍କ...

ଆଗକୁ ନିର୍ବାଚନ: ବଦଳିଲେ ଜିଲା ମହିଳା ମୋର୍ଚ୍ଚା ସଭାନେତ୍ରୀ

ଭଦ୍ରକ,୨୯।୩(ସନାତନ ରାଉତ): ସାଧାରଣ ନିର୍ବାଚନ ପୂର୍ବରୁ ଭଦ୍ରକ ଜିଲା ମହିଳା ମୋର୍ଚ୍ଚା ସଭାନେତ୍ରୀ ପଦରେ ବଦଳ କରାଯାଇଛି। ଭଦ୍ରକ ବ୍ଲକ ଅଧୀନ କୋରକୋରା ପଞ୍ଚାୟତ ନୂଆସାହିର...

ଦ୍ୱିତୀୟ ଥର ଭରସା ରଖିଥିବାରୁ ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଲେ ବିଷ୍ଣୁବ୍ରତ

ବାସୁଦେବପୁର,୨୯ା୩(ନାରାୟଣ ପ୍ରସାଦ ବାରିକ୍‌): ଭଦ୍ରକ ଜିଲା ବାସୁଦେବପୁର ବିଜେଡି ଶିବିର ଏବେ ଚଳଚଞ୍ଚଳ ହୋଇପଡ଼ିଛି। ବାସୁଦେବପୁର ବିଧାୟକ ବିଷ୍ଣୁବ୍ରତ ରାଉତରାୟ ପୁନର୍ବାର ଏହି ନିର୍ବାଚନ ମଣ୍ଡଳୀରୁ...

ଆଜି ଗୁଡ୍‌ ଫ୍ରାଇଡେ: ବାଇବେଲ ପାଠକରି ସାମୂହିକ ପ୍ରାର୍ଥନା କଲେ ଶ୍ରଦ୍ଧାଳୁ

ଦାରିଙ୍ଗବାଡି,୨୯।୩ (ଅରୁଣ ସାହୁ ): ଆଜି ଗୁଡ୍‌ ଫ୍ରାଇଡେ। ଏହାକୁ ଶ୍ରଦ୍ଧାଳୁମାନେ ରୀତିନୀତି ଅନୁସାରେ ପାଳନ କରିଛନ୍ତି। ଯିଶୁଖ୍ରୀଷ୍ଟଙ୍କୁ ଆଜିର ଦିନରେ କାଲବରୀ ନାମକ ଏକ...

ବିଜେଡି-ଭାଜପା-କଂଗ୍ରେସକୁ ମୟୂରଭଞ୍ଜରେ ଟକ୍କର ଦେବ ଏହି ଦଳ, ଘୋଷଣା କଲା ପ୍ରାର୍ଥୀ

ମୟୂରଭଞ୍ଜ,୨୯।୩: ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ଶିବୁ ସୋରେନଙ୍କ ଝିଅ ପୁଣିଥରେ ଚଳିତ ନିର୍ବାଚନରେ ମଇଦାନକୁ ଓହ୍ଲାଇଛନ୍ତି। ଝାଡ଼ଖଣ୍ଡ ମୁକ୍ତି ମୋର୍ଚ୍ଚା(JMM) ଶିବୁ ସୋରେନଙ୍କ ଝିଅ ଅଞ୍ଜନି...

ପୈତୃକ ଗାଁରୁ ପ୍ରଚାର ମଇଦାନକୁ ଓହ୍ଲାଇଲେ ପ୍ରଦୀପ

ବରଗଡ଼,୨୯।୩(ପ୍ରେମାନନ୍ଦ ଖମାରୀ): ବରଗଡ଼ ଲୋକସଭା ଆସନ ପାଇଁ ଭାଜପା ପ୍ରଦୀପ ପୁରୋହିତଙ୍କୁ ପ୍ରାର୍ଥୀ କରିଛି। ବରଗଡ଼ ଲୋକସଭା କ୍ଷେତ୍ର ଅଧୀନ ବିଜେପୁର ନିର୍ବାଚନ ମଣ୍ଡଳି ପୈତୃକ...

ନବବିବାହିତ ଯୁବକଙ୍କୁ ଗଳାକାଟି ହତ୍ୟା

ଗଜପତି,୨୯।୩(ଗିରିଧାରୀ ପରିଛା): ଗଜପତି ଜିଲା ଗୋସାଣି ବ୍ଲକ ଗୁରାଣ୍ଡି ଥାନା ଅଧୀନ ତୋଟାଗୁମ୍ବୁଡା ଗାଁରେ ଏକ ଅଘଟଣ ଘଟିଛି। ଜଣେ ନବବିବାହିତ ଯୁବକଙ୍କୁ ଗଳାକାଟି ଅତି...

ଗୁଡ୍‌ ଫ୍ରାଇଡେରେ ପ୍ରାର୍ଥନା କରି ନିର୍ବାଚନ ପ୍ରଚାର ଆରମ୍ଭ କଲେ ଦିଲୀପ ତିର୍କୀ

ସୁନ୍ଦରଗଡ,୨୭ା୩(ଜୟ ନାରାୟଣ ମେଣ୍ଡୁଳି): ଚର୍ଚ୍ଚରେ ପ୍ରାର୍ଥନା କରି ପ୍ରଚାର ଆରମ୍ଭ କରିଛନ୍ତି ବିଜେଡି ଲୋକସଭା ପ୍ରାର୍ଥୀ ଦିଲୀପ ତିର୍କୀ। ପ୍ରାର୍ଥୀ ଘୋଷଣା ହେବା ପରେ ଶୁକ୍ରବାର...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri