ପାଲଲହଡ଼ା/ଛେଣ୍ଡିପଦା/ ବଅଁରପାଳ/ମାଧପୁର/ କଣିହାଁ/ ଅନୁଗୋଳ ଅଫିସ, ୨୨।୪(ଡି.ଏନ.ଏ.) – ଅନୁଗୋଳ ଜିଲାରେ ମଙ୍ଗଳବାର କାଳବୈଶାଖୀ ବର୍ଷା ବ୍ୟାପକ କ୍ଷୟକ୍ଷତି ଘଟାଇଛି। ସନ୍ଧ୍ୟାରେ ହୋଇଥିବା ପବନ ସହ ବର୍ଷା ଯୋଗୁ ପାଲଲହଡ଼ା ଉପଖଣ୍ଡ ଚିକିତ୍ସାଳୟର ସ୍ବତନ୍ତ୍ର କ୍ୟାବିନ୍ରେ ପାଣି ପଶିଯାଇଥିଲା। ଫଳରେ ସେଠାରେ ଥିବା ଜଣେ ପ୍ରସୂତି ଓ ତାଙ୍କ ସନ୍ତାନ ଅସୁବିଧାର ସମ୍ମୁଖୀନ ହୋଇଥିବା ମହିଳାଙ୍କ ସ୍ବାମୀ ମାନସ ସାହୁ ଅଭିଯୋଗ କରିଛନ୍ତି। ସେହିପରି ଛେଣ୍ଡିପଦା ବ୍ଲକ ତେଣ୍ଟୁଲୋଇ କୋଡାସାହି ପଞ୍ଚାୟତ ହାଣ୍ଡିଗୋଡ଼ା ଛକରେ ଥିବା କେତେକ ଦୋକାନର ଆଜବେଷ୍ଟସ୍ ଉଡ଼ିଯାଇଛି। ବଅଁରପାଳ ଥାନା ବୁଢାପଙ୍କ ଗ୍ରାମରେ ଏକ ତାଳଗଛ ଉପୁଡ଼ି ପଡ଼ିବାରୁ ରାସ୍ତାରେ ଯାଉଥିବା ଯୁବକ ବତ୍ସବ ସାମଲ ଗୁରୁତର ହୋଇଛନ୍ତି। ଆଠମଲ୍ଲକ ବ୍ଲକ ମାଧପୁର ଅଞ୍ଚଳରେ ଡାଳୁଅ ଧାନ ନଷ୍ଟ ହୋଇଥିବା ବେଳେ ତିତିରିକଟା ଗ୍ରାମର ରାଜେନ୍ଦ୍ର ପ୍ରଧାନଙ୍କ ୨ଟି ଗୋରୁଙ୍କ ବଜ୍ରପାତରେ ମୃତ୍ୟୁ ହୋଇଛି। କଣହିଁା ବ୍ଲକ ଅଞ୍ଚଳରେ ପରିବା ଚାଷ କ୍ଷୟଗ୍ରସ୍ତ ହୋଇଛି। ଅନୁଗୋଳ ବିଇଡି ଛକରେ ଏକ ବିଦ୍ୟୁତ୍ ଖୁଣ୍ଟ ଉପୁଡ଼ି ପଡ଼ିଥିବା ସୂଚନା ମିଳିଛି।
