ପୁରୁଣା ମୂଷା

ବିହାର ବିଧାନସଭା ନିର୍ବାଚନରେ କଂଗ୍ରେସର ପ୍ରଦର୍ଶନ ଶୋଚନୀୟ ହୋଇଛି। ୨୪୩ ଆସନ ବିଶିଷ୍ଟ ବିଧାନସଭାରେ ଏହା ମାତ୍ର ୧୯ଟି ଆସନ ପାଇଛି। ଆର୍‌ଜେଡି ନେତା ତେଜସ୍ୱୀ ଯାଦବଙ୍କ ନେତୃତ୍ୱାଧୀନ ମହାଗଠବନ୍ଧନରେ କଂଗ୍ରେସକୁ ୭୦ ସିଟ୍‌ ଲଢ଼ିବା ପାଇଁ ଦିଆଯାଇଥିଲା। ହେଲେ କଂଗ୍ରେସ ଫଳାଫଳ ମହାଗଠବନ୍ଧନକୁ କ୍ଷମତାଠାରୁ ଦୂରେଇ ରଖିଲା ବୋଲି ଆର୍‌ଜେଡି ନେତା ଶିବାନନ୍ଦ ତିଓ୍ବାରୀ ଖୋଲାଖୋଲି ଅଭିଯୋଗ କରିଛନ୍ତି। କିନ୍ତୁ ସବୁଠାରୁ ଅସ୍ବସ୍ତିକର ସ୍ଥିତି କଂଗ୍ରେସ ନେତାମାନେ ନିଜ ଦଳ ବିରୋଧରେ ଆଣିଥିବାରୁ ଏହା ଏବେ ଆଲୋଚନାର ବିଷୟବସ୍ତୁ ପାଲଟିଛି। କଂଗ୍ରେସ ନେତା ତଥା ବରିଷ୍ଠ ଓକିଲ କପିଲ ଶିବଲ କହିଛନ୍ତି ଯେ, ଦଳ ତଳକୁ ତଳକୁ ଗଲାଣି। ଆତ୍ମସମୀକ୍ଷାର ସମୟ ଅତିକ୍ରାନ୍ତ ହୋଇଗଲାଣି ବୋଲି ଏହି ନେତାଙ୍କ ତୁଣ୍ଡରୁ ଶୁଣିବାକୁ ମିଳିବା ପରେ ଆଉ କିଛି ତାଙ୍କୁ ସମର୍ଥନ କରୁଛନ୍ତି। ହେଲେ କେଉଁ କାରଣ ଯୋଗୁ ଦଳର ସ୍ଥିତି ଦୁର୍ବଳ ହେଉଛି ତାହା ଉପରେ ସୁଚିନ୍ତିତ ମତ ରଖୁନାହାନ୍ତି। କେବଳ ଦଳର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ ଦୋଷ ଦିଆଯାଉଛି। ଏକ ରାଜନୈତିକ ପାର୍ଟିରେ ଜଣେ ବ୍ୟକ୍ତିଙ୍କ ଗୁରୁତ୍ୱ ରହିଥିଲେ ହେଁ ସେ ଏକାକୀ ସବୁକିଛି କରିପାରିବେ ନାହିଁ ବୋଲି ଅଭିଯୋଗ ଆଣୁଥିବା ନେତାମାନେ ବୁଝିବା ଦରକାର। ଯେଉଁମାନେ ଏବେ ରାହୁଲଙ୍କୁ ନିନ୍ଦା କରୁଛନ୍ତି, କଂଗ୍ରେସ କ୍ଷମତାରେ ଥିଲାବେଳେ ସେମାନେ ପାଇଥିବା ସୁଯୋଗ ଓ ସୁବିଧା ପାସୋରି ଯିବା ପରିତାପର ବିଷୟ। ବିଶେଷକରି କପିଲଙ୍କ ଭଳି ବ୍ୟକ୍ତି ଉପା ସରକାର ସମୟରେ ବିଭିନ୍ନ ଗୁରୁତ୍ୱପୂର୍ଣ୍ଣ ମନ୍ତ୍ରଣାଳୟ ଦାୟିତ୍ୱରେ ଥିବା ବେଳେ କୌଣସି ଆଖିଦୃଶିଆ କାମ କରି ନ ଥିଲେ। ଭଲ ସମୟରେ ସାଥୀ ହୋଇଥିବା ବେଳେ ଦୁର୍ଦ୍ଦିନରେ ହାତ ଛାଡ଼ିଦେବା କେଉଁ ଦିଗରୁ ଶୋଭା ପାଉଛି ବୋଲି ଏଭଳି ବ୍ୟକ୍ତି ନିଜେ ଉପଲବ୍ଧି କରିବା କଥା। କପିଲଙ୍କ ଭଳି ନେତାମାନେ ଯୁବ ନେତୃତ୍ୱକୁ ଅଗ୍ରପ୍ରାଧାନ୍ୟ ଦେଇ ଦଳର ଉପଦେଷ୍ଟା ସ୍ତରକୁ ଉନ୍ନୀତ ହେବାକୁ ଚିନ୍ତା କରୁନାହାନ୍ତି। ବୟସ ଯେତେ ବଢ଼ିଲେ ମଧ୍ୟ କ୍ଷମତା ଲୋଭ ସେମାନଙ୍କୁ ଛାଡ଼ୁ ନାହିଁ। ଯିଏ ନିଜେ କ୍ଷମତା ଛାଡ଼ିବାକୁ ଅମଙ୍ଗ, ସିଏ ଅନ୍ୟର ଦୁର୍ବଳତା ଦେଖାଇ ସମାଲୋଚନା କରିବା ଗ୍ରହଣଯୋଗ୍ୟ ହେଉନାହିଁ।
ରାଜନୀତିରେ ରୁଚି ରଖୁଥିବା ବ୍ୟକ୍ତିମାନେ ଜାଣିଛନ୍ତି ଯେ, ରାହୁଲଙ୍କ ଅନେକ ନିଷ୍ପତ୍ତି ପାକଳ ହେଉ ନ ଥିବାରୁ ତାଙ୍କୁ ଛୁଣ୍ଟିବାକୁ ପଡ଼ୁଛି। ବିହାର ନିର୍ବାଚନ କଥା ଦେଖିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏନ୍‌ଡିଏ ପ୍ରାର୍ଥୀଙ୍କୁ ଜିତାଇବା ପାଇଁ ଗୋଟିଏ ଗୋଟିଏ ଦିନରେ ୪ଟି ନିର୍ବାଚନ ସଭାରେ ଯୋଗ ଦେଉଥିଲେ। ହେଲେ ରାହୁଲ ସମୁଦାୟ ୩ ଦିନ ଯାଇ ୬ ନିର୍ବାଚନୀ ଭାଷଣ ରଖିଥିଲେ। ଯେତେବେଳେ ପାର୍ଟି ଅସୁବିଧାରେ ପଡ଼ିଛି ସେତେବେଳେ ତାଙ୍କୁ ମରିପଡ଼ି ଦୌଡ଼ିବା ଦରକାର ଥିଲା। ଏଥିସହ ବିହାର ନିର୍ବାଚନକୁ ନିଘା ନ ଦେବାରୁ ତାଙ୍କୁ ସମାଲୋଚନା କରାଯାଇପାରେ। କିନ୍ତୁ କଂଗ୍ରେସର ଅନ୍ୟ ନେତାମାନେ ଦିଲ୍ଲୀରେ ବସି ସମାଲୋଚନା କରିବାକୁ ପଛାଉ ନ ଥିଲା ଭଳି ମନେହୁଏ। କେବଳ ଅଧ୍ୟକ୍ଷ କିମ୍ବା ବଡ଼ ପଦବୀ ମିଳିଲେ କାମ କରିବେ, ନ ହେଲେ ଦଳ ଯୁଆଡ଼େ ଯାଉଛି ଯାଉ ଚିନ୍ତା ରଖିଲେ ଉଭୟ ପାର୍ଟି ଓ ବ୍ୟକ୍ତିବିଶେଷ ସେମାନଙ୍କ ସ୍ଥିତି ହରାଇବେ। ଆଜିର ସମୟରେ ପୁରୁଣା ମୂଷାକୁ ଖାଦ୍ୟ ପାଇଁ ଦୌଡ଼ିବାକୁ ପଡ଼ିଲାଣି।


Enter your email to get our daily news in your inbox.

All Right Reserved By Dharitri.Com

ପୂଜା

ନିର୍ମଳ ତା’ର ମାଆବାପାଙ୍କ ସହିତ ମନ୍ଦିରକୁ ଯାଏ। ନିୟମିତ ସ୍କୁଲ ପାଠ୍ୟକ୍ରମ କରିବା, ମାଆବାପାଙ୍କୁ ସମ୍ମାନ ଦେବା, ସହପାଠୀମାନଙ୍କୁ ଭଲ ପାଇବା, ଗୁରୁଙ୍କ ନିକଟରେ ପ୍ରଣିପାତ...

ଶୂନ୍ୟରେ ସୁଖ ଖୋଜା

ଶ୍ରୀମଦ୍‌ ଭାଗବତ ମହାପୁରାଣର କୃଷ୍ଣଲୀଳା ଉପାଖ୍ୟାନ ବଡ଼ ଚମତ୍କାର। ଏଥିରେ ଭଗବାନ ଶ୍ରୀକୃଷ୍ଣଙ୍କ ଅଲୌକିକ ଲୀଳା ସବୁର ବର୍ଣ୍ଣନା ରହିଛି। ତେବେ ଭାଗବତ ଅନୁସାରେ ଭଗବାନ...

ଏଇ ଭାରତରେ

ଏମିତି ଜାଗାକୁ ଯିବେ ଯେଉଁଠି ମାଟିଘରେ ରହି ଜୈବିକ ଚାଷ ଦେଖିବେ ଓ ଶିଖିବେ ମଧ୍ୟ। ଏଭଳି ଏକ ପରିବେଶ ପାଇବେ ରାଜସ୍ଥାନର ଖୋରା ଶ୍ୟାମଦସାସ...

ଓଜୋନ୍‌ ଓ ପୃଥିବୀର ସୁରକ୍ଷା

ଏକ ସମୟ ଥିଲା (ବହୁ ପୁରାତନ ନୁହେଁ) ଯେତେବେଳେ ପୃଥିବୀର ଓଜୋନ୍‌ ସ୍ତରର ଅବକ୍ଷୟ ଏକ ବଡ଼ ଚ୍ୟାଲେଞ୍ଜ ପରି ମନେହେଉଥିଲା। ଅନେକ ଦଶନ୍ଧି ଧରି...

ଏଇ ଭାରତରେ

ମହାରାଷ୍ଟ୍ରର ହରିଶ୍ଚନ୍ଦ୍ର ସୁଦେ ଦିବ୍ୟାଙ୍ଗମାନଙ୍କୁ ଆତ୍ମନିର୍ଭରଶୀଳ କରାଇ ସେମାନଙ୍କ ପାଇଁ ଦେବଦୂତ ସାଜିଛନ୍ତି। ହରିଶ୍ଚନ୍ଦ୍ର ପିଲାଦିନେ ଗୋଟିଏ ଆଖି ହରାଇବା ପରେ ବହୁ ପ୍ରତିକୂଳ ପରିସ୍ଥିତିକୁ...

ସ୍ତମ୍ଭର ମହତ୍ତ୍ୱ

ଉପେନ୍ଦ୍ର ବିଶ୍ୱାଳ   ଶ୍ରୀଅରବିନ୍ଦଙ୍କ ଭାଷାରେ-‘ସାହିତ୍ୟ ହେଉଛି ଜୀବନ୍ତ ମନେହେଉଥିବା ଶବ୍ଦଚିତ୍ର।’ ପ୍ରଖ୍ୟାତ ବ୍ରିଟିଶ୍‌ ଲେଖିକା ଶେଲି କୁହନ୍ତି, ‘ସାହିତ୍ୟ ହେଉଛି ସତ୍ୟର ପ୍ରତିଫଳନ ।’...

ବୁଝ ନ ବୁଝ…

ରାକେଶ ପଣ୍ଡା   ସାଧାରଣତଃ ଯଦି ଜଣେ ବ୍ୟକ୍ତି ନୀତି ଓ ନିୟମ ବାହାରେ କାର୍ଯ୍ୟ କରନ୍ତି, ତେବେ ସମାଜରେ ବିଶୃଙ୍ଖଳା ଏବଂ ଅରାଜକତା ସୃଷ୍ଟି...

ଆଧୁନିକ ଯୁଗର ଧାର୍ମିକ ନେତା

ପାଶ୍ଚାତ୍ୟ ନେତୃତ୍ୱର ଢାଞ୍ଚାଗୁଡ଼ିକ ହେଉଛି ସାମରିକ ଶକ୍ତି କୈନ୍ଦ୍ରିକ। ଏଗୁଡ଼ିକ ମୁଖ୍ୟତଃ ନିର୍ଦ୍ଦେଶ ଏବଂ ନିୟନ୍ତ୍ରଣଭିତ୍ତିକ। ପାଶ୍ଚାତ୍ୟ ନେତୃତ୍ୱ କାର୍ଯ୍ୟ ଉପରେ ଗୁରୁତ୍ୱ ଦିଏ ଓ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri