ମାତ୍ର ୧୦ ବର୍ଷ ବୟସରେ ବେଙ୍ଗାଲୁରୁର ମାନ୍ୟ ହର୍ଷ ସଭିଙ୍କ ପାଇଁ ଉଦାହରଣ ସାଜିଛନ୍ତି। ସେ ବିଭିନ୍ନ ପରିବା ଚୋପାରୁ ପରିବେଶ ଉପଯୋଗୀ କାଗଜ ପ୍ରସ୍ତୁତ କରୁଛନ୍ତି। ସେ ନିର୍ଦ୍ଦିଷ୍ଟ ପ୍ରକାର ପରିବା ଚୋପା ଉପଯୋଗ କରି ରଙ୍ଗିନ କାଗଜ ପ୍ରସ୍ତୁତ କରୁଛନ୍ତି। ଯଥା- ପିଆଜ ଚୋପାରୁ ନାରଙ୍ଗି ରଙ୍ଗ ଓ ମକା ଚୋପାରୁ ହଳଦିଆ ରଙ୍ଗର କାଗଜ ମିଳୁଛି। ସେ ଜ୍ଞାନକୌଶଳ ଉପଯୋଗ କରି ୫ଟି ପର୍ଯ୍ୟାୟରେ ଏହି କାଗଜ ତିଆରି କରୁଛନ୍ତି। ଏଥିରେ ଲିକ୍ୟୁଡାଇଜର ଓ ଗ୍ରାଇଣ୍ଡର ବ୍ୟବହାର କରୁଛନ୍ତି। ଏହା ବାଦ୍ ପରିବେଶ ରକ୍ଷା କରିବାରେ ତାଙ୍କର କାର୍ଯ୍ୟଧାରା ଏବେ ସମସ୍ତକୁ ପ୍ରଭାବିତ କରିଛି। ସେ ବେଙ୍ଗାଲୁରୁର ଭିବ୍ଗିୟୋର ହାଇ ବିଟିଏମ୍ରେ ୬ଷ୍ଠ ଶ୍ରେଣୀରେ ପଢୁଛନ୍ତି। ସେ ପରିବେଶ ସୁରକ୍ଷା ଲାଗି ପିଲାମାନଙ୍କୁ ନେଇ ଓ୍ବାକାଥନ୍ ଆୟୋଜନ କରି ଲୋକମାନଙ୍କୁ ପରିବେଶ ସମ୍ପର୍କରେ ସଚେତନ କରୁଛନ୍ତି। ସେ ମଧ୍ୟ ପରିବେଶ ଉପରେ ଏବେ ସୁଦ୍ଧା ୫ଟି ଛୋଟ ବହି ଲେଖିସାରିଲେଣି। ମାନ୍ୟ ବେଳାଭୂମି ଓ ଅନ୍ୟାନ୍ୟ ସ୍ଥାନରେ ବର୍ଜ୍ୟ ସଫା କରିବାରେ ସମୟ ଦେଉଛନ୍ତି। ୨୦୨୦ରେ ସେ ପ୍ରସ୍ତୁତ କରିଥିତ୍ବା ପରିବେଶ ସଚେତନଭିତ୍ତିକ ଶର୍ଟଫିଲ୍ମକୁ ଇଣ୍ଡିଆ ବୁକ୍ ଅଫ୍ ରେକର୍ଡସ ପ୍ରଶଂସା କରିଛି।
