ଫିକା ପଡ଼ିଛି ସୁନା

ବିଶ୍ୱ ଅର୍ଥବ୍ୟବସ୍ଥାର ଇତିହାସରେ ସୁନା ସବୁବେଳେ ଆଶଙ୍କାର ଏକ ସମ୍ବେଦନଶୀଳ ମାପଦଣ୍ଡ ରହିଆସିଥିବା ଯେ କେହି ସ୍ପଷ୍ଟ ଭାବେ ଉପଲବ୍ଧି କରିଥିବେ। ଲୋକଙ୍କ ଆଶଙ୍କା ବା ଭୟ ଯେଉଁ ଅନୁପାତରେ ବଢ଼େ ସେହି ହାରରେ ସୁନାର ଦର ସବୁବେଳେ ବଢ଼ିଥାଏ। ଦେଢ ଦଶନ୍ଧିରୁ ଅଧିକ ସମୟ ଧରି ବିଶ୍ୱରେ ଉତ୍ତେଜନା ଏବଂ ସଂଘର୍ଷ ମଧ୍ୟରେ ସୁନା ଦରରେ ଦ୍ରୁତ ବୃଦ୍ଧି ଘଟିଆସିଛି। ଏପରି କି ଗତ ୧୫ ବର୍ଷ ମଧ୍ୟରେ ସୁନା ଦର ୧୦ ଗୁଣରୁ ଅଧିକ ବୃଦ୍ଧି ଘଟିଛି। ସାମ୍ପ୍ରତିକ ସମୟରେ ବିଶ୍ୱରେ ସଂଘର୍ଷ ଏବଂ ସଙ୍କଟ ବଢିଯାଇଛି, ଯାହାଦ୍ୱାରା ବିଶ୍ୱରେ ଅସ୍ଥିରତା ବୃଦ୍ଧିପାଇଛି। ସଂନ୍ତ୍ରାସବାଦ,ଆର୍ଥିକସଙ୍କଟ, ଦେଶ ଦେଶ ମଧ୍ୟରେ ଉତ୍ତେଜନା, ଆଣବିକ ଅସ୍ତ୍ରର ଧମକ ଏବଂ ସାମ୍ପ୍ରଦାୟିକ ହିଂସା ଏହି ସମୟରେ ବିଶ୍ୱକୁ ସଙ୍କଟ ମଧ୍ୟକୁ ଠେଲିିଦେଇଛି। ଅନ୍ତଃରାଷ୍ଟ୍ରୀୟ ବାଣିଜ୍ୟ ବହୁତ ତଳକୁ ଖସିଛି। କୋଭିଡ-୧୯ ମହାମାରୀରେ ଉଭୟ ଉପତ୍ାଦନ ଓ ଚାହିଦା କମିଯାଇଛି। ପ୍ରତ୍ୟେକଙ୍କ ଜୀବନର ସୁଖ ଚାଲିଯାଇଛି। ସବୁଆଡେ କେବଳ ହତାଶାର ଛାୟା ଖେଳିଯାଇଛି। ତେବେ ଏବକାର ମହାମାରୀଠାରୁ ଅଧିକ ଦୁର୍ଦ୍ଦିନର ସମୟ ଲୋକେ କେବେ ଦେଖି ନ ଥିଲେ। ଏବେ ଦେଖା ଦେଇଥିବା ସୁନା ଦରବୃଦ୍ଧି ଆଶଙ୍କା ଏବଂ ଅନିଶ୍ଚିତ ଆଗାମୀର ଏକ ସଙ୍କେତ । ପାରମ୍ପରିକ ଗହଣାରେ ନିିବେଶ କରିବା ଉପରେ ଏହି ମୂଲ୍ୟବୃଦ୍ଧି ଚିନ୍ତା ବଢାଇଦେିଛି। କେବଳ ଚାଇନା ସହ ସୀମା ଓ ରାଜନୈତିକ ସଂଘର୍ଷ ନୁହେଁ, ବରଂ ଆମେରିକା ଓ ଇରାନ ବିବାଦ ସମୟରେ ବି ସୁନା ଦର ବଢିଛି। ବିଶ୍ୱରେ କୋଭିଡ୍‌ ମହାମାରୀକୁ ନିୟନ୍ତ୍ରଣ କରିବାରେ ବୈଜ୍ଞାନିକମାନଙ୍କ ବିଫଳତା ଯୋଗୁ ସୁନା ଦର ଲଗାତର ଦ୍ରୁତଗତିରେ ବୃଦ୍ଧି ପାଇଚାଲିଛି। ବର୍ଷକରୁ ସମାନ୍ୟ ଅଧିତ୍କ ସମୟ ମଧ୍ୟରେ ସୁନା ଦରରେ ୪୦%ରୁ ଅଧିକ ବୃଦ୍ଧି ଘଟିଛି। କେବଳ ଏହି ବର୍ଷ ଏହାର ଦର ପାଖାପାଖି ୩୦% ବୃଦ୍ଧିପାଇଛି। ମହାମାରୀରୁ ମୁକ୍ତି ପାଇବା ଲାଗି ମାକେର୍ଟରେ ଟିକା ଉପଲବ୍ଧ ହେବା ଯାଏ ଏହି ଧାରା ଲାଗି ରହିବାର ସମ୍ଭାବନା ରହିଛି। ଦୁଖରବିଷୟ, ଏହି ଟିକା ପାଇବାର ଆଶା କ୍ଷୀଣ। ଏଣୁ ଏହିପରି ସୁନଦର ବଢ଼ିଚାଲିବ। ଅନ୍ୟ କୌଣସିଥିରେ ନିବେଶ କରିବାର ବିକଳ୍ପ ନ ଥିବାରୁ ଲୋକେ ସୁନାରେ ନିବେଶ କରିବାକୁ ଆଗଭର ହେବେ। ନିକଟରେ ରିଜର୍ଭ ବ୍ୟାଙ୍କ ଅଫ୍‌ ଇଣ୍ଡିଆ(ଆର୍‌ବିଆଇ) ସୁନା କିଣିବାକୁ ବାହାରିଛି। ମହାମାରୀ ମଧ୍ୟରେ ଆର୍‌ବିଆଇ ସେପ୍ଟେମ୍ବର ତ୍ରୈମାସିକରେ ୬.୮ ଟନ୍‌ ସୁନା କିଣିଛି। ଆର୍‌ବିଆଇ ଛୋଟ ଛୋଟ ଭାଗରେ ସୁନା ଗଚ୍ଛିତ ବଢ଼ାଉଥିବାବେଳେ ସରକାର ସ୍ବତନ୍ତ୍ର ସୁନା ବଣ୍ଡ ୍‌ଦେଉଛନ୍ତି।
କୋଭିଡ-୧୯ ମହାମାରୀର ଦ୍ୱିତୀୟ ପର୍ଯ୍ୟାୟ ସଂକ୍ରମଣ ଏବେ ଅନେକ ଦେଶକୁ ଲକ୍‌ଡାଉନ ଲାଗୁ କରିବା ପାଇଁ ବାଧ୍ୟ କରିଛି। ଯଦିଓ ଭାରତରେ ଏହା ଲାଗୁ କରାଯାଇ ନାହିଁ, ତଥାପି ଏବେ ଦୈନିକ ଯେଭଳି ସଂକ୍ରମଣ ବଢୁଛି ତାହା ନିବେଶକୁ ପୁଣି ମାନ୍ଦା ପକାଇ ଦେବ। ଏଭଳି ଅନିଶ୍ଚିତ ଅର୍ଥ ବ୍ୟବସ୍ଥାରେ ସୁନା ଦର ବୃଦ୍ଧି ହେଉଥିବା କାରଣରୁ ସୁନା ବିକ୍ରି ଆସନ୍ତା ଧନତେରସ ଓ ଦୀପାବଳିରେ କମିବ। କେବଳ ପର୍ବପର୍ବାଣି ବ୍ୟତୀତ ଅନ୍ୟ କୌଣସିଥିରେ ଲେକେ ସୁନା କିଣିବାରୁ ଦୂରେଇ ରହିବେ। ତେବେ ଅନ୍ୟ ନିବେଶ ବନ୍ଦ ହୋଇ ଯାଇଥିବା ବେଳେ ସୁନା ନିବେଶର ଏକ ବିକଳ୍ପ ଭାବେ ଆଶା ସଞ୍ଚାର କରିଛି। ୧୦ଗ୍ରାମ୍‌ ସୁନାକୁ ୫୦,୦୦୦ ଟଙ୍କାରେ କିଣିବା ବ୍ୟୟବହୁଳ। କିନ୍ତୁ ଏକ ଦଶନ୍ଧି ପରେ ଏହା ଏକ ଲାଭ ଜନକ ନିବେଶ ଭାବେ ଉଭା ହେବ। କିନ୍ତୁ ଏବେ ଲୋକଙ୍କ ପାଖରେ ସୁନା କିଣିବାକୁ ପାଣ୍ଠି ନ ଥିବାରୁ ସୁନା ବିକ୍ରି ମାନ୍ଦା ପଡିଯାଇଛି ଓ ଆଗକୁ ବି ପଡିବ। ଏଯାବତ ସୁନାକୁ ନିବେଶର ଏକ ବିକଳ୍ପ ଭାବେ ଲୋକେ ପସନ୍ଦ କରୁଛନ୍ତ। ସେମାନେ ସ୍ବତନ୍ତ୍ର ଗୋଲ୍ଡବଣ୍ଡ୍‌ କିମ୍ବା ଏକ୍ସଚେଞ୍ଜ ଟ୍ରେଡ ଫଣ୍ଡରେ ନିବେଶ କରିବାକୁ ଚାହଁୁଛନ୍ତି। ମ୍ୟୁଚୁଆଲ ଫଣ୍ଡ ଦ୍ୱାରା ଏକ୍ସଚେଞ୍ଜ ଟ୍ରେଡ ଫଣ୍ଡ ଚାଲୁ ହୋଇଛି। ସେମାନେ ବି ସୁନାଦର ବୃଦ୍ଧି ସହ କ୍ୟାପିଟାଲ ରିଟର୍ନ ଅଫର କରୁଛନ୍ତି। ତେବେ ଉପଲବ୍ଧ ଏହି ସବୁ ବିକଳ୍ପ ସୁନା କିମ୍ବା ଗହଣା ବିକ୍ରି ଉପରେ ଏକ ନକାରାମତ୍କ ପ୍ରଭାବ ପକାଇଛି। ଏହା ଯୋଗୁ ଆଗକୁ ପର୍ବପର୍ବାଣିରେ ସୁନା ବିକ୍ରି ଫିକା ପଡିଯିବ।


Enter your email to get our daily news in your inbox.

All Right Reserved By Dharitri.Com

ଦୁଇଟି ଉଦ୍ଭାବନର ଅନ୍ତ

ଇଂ. ମାୟାଧର ସ୍ବାଇଁ ସଭ୍ୟତାର ବିକାଶରେ ସହାୟକ ହୋଇଥିବା କେତୋଟି ପ୍ରଭାବଶାଳୀ ଉଦ୍ଭାବନ ମଧ୍ୟରୁ ଦୁଇଟିର ବ୍ୟବହାର ବନ୍ଦ ହେବାକୁ ଯାଉଛି। ଗୋଟିଏ ହେଉଛି ତାପଦୀପ୍ତ...

ବାବୁ… ପଇସାଟିଏ ଦିଅ

ସୁଧାକର ଦାସ ଆଜି ସକାଳୁ ପରିବା ବ୍ୟାଗ ଧରି ବାହାରିଲି ବଜାରକୁ। ପୁଅ କହିଲା, ବାପା ମାସ୍କ ପିନ୍ଧି ଯାଅ। ପତ୍ନୀ କହିଲା, ହୁସିଆର୍‌! ସମସ୍ତଙ୍କଠୁ...

ଏଇ ଭାରତରେ

ପବିତ୍ର ରାଖୀପୂର୍ଣ୍ଣମୀରେ କିଏ କେତେ ପ୍ରକାର ରାଖୀ ବାନ୍ଧିଲେ କିନ୍ତୁ ମହାରାଷ୍ଟ୍ରର ମିନାକ୍ଷୀ ଓ୍ବାକେଙ୍କ ବାଉଁଶ ତିଆରି ରାଖୀ ଥିଲା ସମ୍ପୂର୍ଣ୍ଣ ଭିନ୍ନ, ଆକର୍ଷଣୀୟ ତଥା...

ନାରୀ ସଶକ୍ତୀକରଣ ଓ ଗାନ୍ଧିଜୀ

ଡ. ପ୍ରଫୁଲ୍ଲ କୁମାର ସାହୁ ଭାରତୀୟ ମୁକ୍ତି ସଂଗ୍ରାମର ମହାନାୟକ ମହାମତ୍ା ଗାନ୍ଧୀ। ନାରୀ ମୁକ୍ତି ଆନ୍ଦୋଳନର ସଶକ୍ତ ପ୍ରବକ୍ତା। ତାଙ୍କ ମତରେ ସମାଜରୂପକ ଗାଡ଼ିର...

ବୈଜ୍ଞାନିକ ଚେତନାର ଆବାହନ

ମାନବ ଜୀବନକୁ ଦୀର୍ଘାୟୁ କରିବାରେ ବିଜ୍ଞାନର ଯଥେଷ୍ଟ ଅଗ୍ରଗତି ହୋଇଛି। ବିଜ୍ଞାନ ଅନେକ ରୋଗର ନିରାକରଣ କରିଛି, ଅନେକ ଦୁଃସାଧ୍ୟ ରୋଗର ଉପଶମ ଖୋଜି ବାହାର...

ଅଜବ ମେଣ୍ଟ

ଆକାର ପଟେଲ କଂଗ୍ରେସ ଓ ଜାତୀୟତାବାଦୀ କଂଗ୍ରେସ ଦଳ (ଏନ୍‌ସିପି)କୁ ସାଙ୍ଗରେ ନେଇ ଶିବସେନା ଯଦି ସରକାର ଗଢ଼େ ତେବେ ମହାରାଷ୍ଟ୍ରରେ ଏହା ସମ୍ପୂର୍ଣ୍ଣ ଏକ...

ଏଇ ଭାରତରେ

ଏବେ ଅନେକ ପରିବାରରେ ବୃଦ୍ଧବ୍ୟକ୍ତିମାନେ ସମସ୍ୟାରେ ରହୁଛନ୍ତି। କେହି ସନ୍ତାନସନ୍ତତିଙ୍କଠାରୁ ଦୂରେଇ ରହୁଛନ୍ତି ତ ଆଉ କେହି ଘରୁ ବାହାରିଯାଇ ବୃଦ୍ଧାଶ୍ରମରେ ଜୀବନ ବିତାଉଛନ୍ତି। ବାର୍ଦ୍ଧକ୍ୟରେ...

ଅଳିଆଗଦାରେ ଖାଦ୍ୟ ଆଇନ

ଅନ୍ତର୍ଯ୍ୟାମୀ ପଟ୍ଟନାୟକ ଶାସ୍ତ୍ରରେ ଅଛି- ‘ଅନ୍ନଂ ବ୍ରହ୍ମ’ ଅର୍ଥାତ୍‌ ଖାଦ୍ୟ ହିଁ ଭଗବାନ। ଆମେ ଅନେକ କ୍ଷେତ୍ରରେ ଦେଖୁ ଲୋକମାନେ ଖାଦ୍ୟ ନଷ୍ଟ କରିଥାନ୍ତି। ଭାରତ...

Play 250+ Trending Games
Archives

Model This Week

Why Dharitri