ନୂଆଦିଲ୍ଲୀ, ୨୮।୮: ରାଷ୍ଟ୍ରୀୟ ସ୍ବୟଂସେବକ ସଂଘ (ଆରଏସଏସ) ମୁଖ୍ୟ ମୋହନ ଭାଗବତ ଗୁରୁବାର ସ୍ପଷ୍ଟ କରିଛନ୍ତି ଯେ ସଂଘ ଏବଂ ଭାରତୀୟ ଜନତା ପାର୍ଟି (ଭାଜପା) ମଧ୍ୟରେ କୌଣସି ବିବାଦ ନାହିଁ। ସେ କହିଛନ୍ତି ଯେ ସଂଘ ଯେକୌଣସି ପ୍ରସଙ୍ଗରେ ପରାମର୍ଶ ଦେଇପାରିବ, କିନ୍ତୁ ଶେଷ ନିଷ୍ପତ୍ତି ଭାଜପା ନେବ। ଭାଗବତ ଏହା ମଧ୍ୟ କହିଛନ୍ତି ଯେ ନରେନ୍ଦ୍ର ମୋଦିଙ୍କ ନେତୃତ୍ୱାଧୀନ କେନ୍ଦ୍ର ସରକାରଙ୍କ ସହିତ ସଂଘର ଭଲ ସମନ୍ବୟ ରହିଛି।
ଭାଗବତ କହିଛନ୍ତି, ରାଜ୍ୟ ସରକାର ହେଉ କିମ୍ବା କେନ୍ଦ୍ର ସରକାର। କିନ୍ତୁ ବ୍ୟବସ୍ଥାରେ କିଛି ଆଭ୍ୟନ୍ତରୀଣ ବିରୋଧାଭାସ ଅଛି। ଏହା ସେହି ବ୍ୟବସ୍ଥା ଯାହାକୁ ବ୍ରିଟିଶମାନେ ଶାସନ କରିବା ପାଇଁ ସୃଷ୍ଟି କରିଥିଲେ। ତେଣୁ, ଏହାକୁ ସଂସ୍କାର କରାଯିବା ଆବଶ୍ୟକ। ଆମେ ଚାହୁଁଛୁ ଯେ କିଛି କାମ କରାଯାଉ, କିନ୍ତୁ ଯଦି ଚୌକିରେ ବସିଥିବା ବ୍ୟକ୍ତି ଆମ ସପକ୍ଷରେ ୧୦୦% ଅଛନ୍ତି, ତେବେ ତାଙ୍କୁ କାମ କରିବାର ସ୍ବାଧୀନତା ଦେବାକୁ ପଡିବ। ସେ ଏହା କରିପାରିବେ କି ନାହିଁ, ଏହା ତାଙ୍କ ପରିସ୍ଥିତି ଉପରେ ନିର୍ଭର କରେ। ଏଥିରେ କୌଣସି ବିବାଦ ନାହିଁ।
ସଂଘ ଏବଂ ଭାଜପା ମଧ୍ୟରେ ପାର୍ଥକ୍ୟ ରିପୋର୍ଟକୁ ସ୍ପଷ୍ଟ କରି ଭାଗବତ କହିଛନ୍ତି ଯେ ଏସବୁ କେବଳ ଏକ ଭ୍ରମ। ସେ କହିଛନ୍ତି, କେତେବେଳେ ସଂଘର୍ଷ ହୋଇପାରେ, କିନ୍ତୁ ଏହା ଝଗଡ଼ା ନୁହେଁ। ଉଭୟଙ୍କ ଲକ୍ଷ୍ୟ ସମାନ, ଦେଶର କଲ୍ୟାଣ।’
ମୋହନ ଭାଗବତ ସ୍ପଷ୍ଟ କରିଛନ୍ତି, ଆରଏସଏସ ଏକ ନିଷ୍ପତ୍ତି ଗ୍ରହଣକାରୀ ସଂଗଠନ ନୁହେଁ। ସେ କହିଥିଲେ, ଆମର ମତଭେଦ ରହିପାରେ, କିନ୍ତୁ କୌଣସି ଶତ୍ରୁତା ନାହିଁ। ଏହା କହିବା ସମ୍ପୂର୍ଣ୍ଣ ଭୁଲ ଯେ ଆରଏସଏସ ସବୁକିଛି ନିଷ୍ପତ୍ତି ନିଏ। ମୁଁ ବହୁ ବର୍ଷ ଧରି ଆରଏସଏସ ଚଳାଉଛି ଏବଂ ସେମାନେ ସରକାର ଚଳାଉଛନ୍ତି। ତେଣୁ ଆମେ କେବଳ ପରାମର୍ଶ ଦେଇପାରିବା, ଆମେ ନିଷ୍ପତ୍ତି ନେଇପାରିବୁ ନାହିଁ। ଯଦି ଆମେ ସବୁକିଛି ନିଷ୍ପତ୍ତି ନେଇଥାନ୍ତୁ, ତେବେ ଏତେ ସମୟ କାହିଁକି ଲାଗିଥାନ୍ତା?’
