ନୂଆଦିଲ୍ଲୀ,୧୬।୮:ଭାରତୀୟ କ୍ରିକେଟ୍ ବିରାଟ କୋହଲି ଦୁନିଆର ସବୁଠାରୁ ଷ୍ଟାଇଲିସ ବ୍ୟାଟ୍ସମ୍ୟାନଙ୍କ ମଧ୍ୟରେ ଅନ୍ୟତମ। କୋହଲି ତାଙ୍କ ଖେଳ ସହିତ କୋଟି କୋଟି ଦର୍ଶକଙ୍କ ହୃଦୟରେ ଘଣ କରିଛନ୍ତି। ସମଗ୍ର ବିଶ୍ୱରେ କୋହଲିଙ୍କ କ୍ରେଜ ରହିଛି। ପଡ଼ିଆରେ ଭାରତର ପ୍ରତିଦ୍ୱନ୍ଦ୍ୱୀ ପାକିସ୍ତାନରେ ମଧ୍ୟ କୋହଲିଙ୍କ ଅନେକ ପ୍ରଶଂସକ ଅଛନ୍ତି। ପାକିସ୍ତାନର ସୁପରଫ୍ୟାନ ଚାଚା ମଧ୍ୟ କୋହଲିଙ୍କୁ ତାଙ୍କର ପସନ୍ଦର କ୍ରିକେଟର୍ ବୋଲି ଘୋଷଣା କରିଛନ୍ତି। ଏବେ ସମୟର କ୍ରିକେଟ୍ରେ ବିରାଟ କୋହଲି ମୋର ପ୍ରିୟ ବ୍ୟାଟ୍ସମ୍ୟାନ ସୁପରଫ୍ୟାନ ଚାଚା କହିଛନ୍ତି। ପାକିସ୍ତାନର ସାଧାରଣ ଲୋକଙ୍କ ଠାରୁ ଆରମ୍ଭ କରି ଜାତୀୟ ଦଳର ଖେଳାଳି ମଧ୍ୟ ବିରାଟଙ୍କ ପ୍ରଶଂସକ ଅଟନ୍ତି। ପ୍ରାୟତଃ ପାକିସ୍ତାନର ଖେଳାଳିମାନେ ବିରାଟ କୋହଲିଙ୍କୁ ପ୍ରଶଂସା କରୁଥିବା ଶୁଣାଯାଏ।
ଆଜିକାଲି ବିରାଟ କୋହଲି ଏସିଆ କପ ୨୦୨୩ ପାଇଁ ପ୍ରସ୍ତୁତିରେ ବ୍ୟସ୍ତ ଅଛନ୍ତି। ନିକଟରେ କୋହଲି ୱେଷ୍ଟଇଣ୍ଡିଜ ଗସ୍ତରେ ଟେଷ୍ଟ ଏବଂ ଦିନିକିଆ ସିରିଜ ଖେଳୁଥିବା ଦେଖିବାକୁ ମିଳିଥିଲା। ବର୍ତ୍ତମାନ ସେ ଏସିଆ କପ ମାଧ୍ୟମରେ ପଡ଼ିଆକୁ ଫେରିବେ। ଏସିଆ କପ ୩୦ ଅଗଷ୍ଟରୁ ଆରମ୍ଭ ହେବ। ଏହି ଟୁର୍ନାମେଣ୍ଟରେ ଭାରତୀୟ ଦଳ ୨ ସେପ୍ଟେମ୍ବରରେ ଶ୍ରୀଲଙ୍କାରେ ପାକିସ୍ତାନ ବିପକ୍ଷରେ ଖେଳିବ। ଏସିଆ କପରେ ମ୍ୟାଚ ପାକିସ୍ତାନ ଏବଂ ଶ୍ରୀଲଙ୍କାରେ ଖେଳାଯିବ। ଏହି ଟୁର୍ନାମେଣ୍ଟରେ ମୋଟ ୧୩ଟି ମ୍ୟାଚ ହେବ, ଯେଉଁଥିରେ ପାକିସ୍ତାନରେ ୪ଟି ମ୍ୟାଚ ଖେଳାଯିବ ଏବଂ ଫାଇନାଲ ସହିତ ଶ୍ରୀଲଙ୍କାରେ ୯ଟି ମ୍ୟାଚ ଖେଳାଯିବ।
