ନୂଆଦିଲ୍ଲୀ,୧୭।୪: ଲୋକ ସଭାରେ ମହିଳା ସଂରକ୍ଷଣ ବିଲ ପାସ ହୋଇପାରି ନାହିଁ। ଏନେଇ କଂଗ୍ରେସ ନେତା ରାହୁଲ ଗାନ୍ଧୀ କହିଛନ୍ତି ଯେ ଏହା ସମ୍ୱିଧାନ ଉପରେ ଆକ୍ରମଣ ଥିଲା, କିନ୍ତୁ ସେମାନେ ଏହାକୁ ସଫଳତାର ସହ ଅବରୋଧ କରିଛନ୍ତି।
ଲୋକ ସଭାରେ ମହିଳା ସଂରକ୍ଷଣ ବିଲ କାଟ୍ ଖାଇବା ପରେ ରାହୁଲ ଗାନ୍ଧୀ କହିଛନ୍ତି, “ଏହା ସମ୍ୱିଧାନ ଉପରେ ଆକ୍ରମଣ ଥିଲା, ଏବଂ ଆମେ ଏହାକୁ ପରାସ୍ତ କରିଛୁ। ଏହା ଏକ ସକାରାତ୍ମକ ଫଳାଫଳ। ଆମେ ସ୍ପଷ୍ଟ ଭାବରେ କହିଥିଲୁ ଯେ ଏହା ଏକ ପ୍ରକୃତ ‘ମହିଳା ବିଲ’ ନୁହେଁ, ବରଂ ଭାରତର ରାଜନୈତିକ ଢାଞ୍ଚାକୁ ପରିବର୍ତ୍ତନ କରିବାର ଏକ ପ୍ରୟାସ। ଏବଂ ଆମେ ଏହାକୁ ସଫଳତାର ସହ ବନ୍ଦ କରିଦେଇଛୁ। ମୁଁ ପ୍ରଧାନମନ୍ତ୍ରୀଙ୍କୁ ଅନୁରୋଧ କରୁଛି, ଯଦି ଆପଣ ପ୍ରକୃତରେ ମହିଳା ସଂରକ୍ଷଣ ବିଲ ଚାହାଁନ୍ତି, ତେବେ 2023 ସଂସ୍କରଣ ଆଣନ୍ତୁ ଏବଂ ଏହାକୁ କାର୍ଯ୍ୟକାରୀ କରନ୍ତୁ। ସମଗ୍ର ବିରୋଧୀ ଦଳ ସରକାରଙ୍କୁ ପୂର୍ଣ୍ଣ ସମର୍ଥନ କରିବ।”
#WATCH | Delhi | LoP, Lok Sabha, Rahul Gandhi says, “We have defeated this attack on the Constitution. We have clearly said that this is not a women’s reservation bill, but it is a way to change India’s political structure.” pic.twitter.com/aotPoy765B
— ANI (@ANI) April 17, 2026
କଂଗ୍ରେସ ଏମପି ପ୍ରିୟଙ୍କା ଗାନ୍ଧୀ ଭଦ୍ରା ମନ୍ତବ୍ୟ ଦେଇଛନ୍ତି, “ଏହି ପ୍ରସଙ୍ଗ କେବଳ ମହିଳା ସଂରକ୍ଷଣ ବିଷୟରେ ନ ଥିଲା; ଏହା ମୂଳତଃ ଗଣତନ୍ତ୍ର ଏବଂ ଦେଶର ଅଖଣ୍ଡତା ବିଷୟରେ ଥିଲା। ଆମେ କେବେବି ଏପରି ପ୍ରସ୍ତାବରେ ରାଜି ହୋଇପାରିବୁ ନାହିଁ ଯାହା ମହିଳା ସଂରକ୍ଷଣକୁ ସୀମା ନିର୍ଦ୍ଧାଣ ସହିତ ଏପରି ଭାବରେ ଯୋଡ଼ିଥାଏ ଯେ ଏହା ଏକ ପୁରୁଣା ଜନଗଣନା ଉପରେ ନିର୍ଭର କରେ। ଯେଉଁଥିରେ ଓବିସି ଜନସଂଖ୍ୟା ମଧ୍ୟ ଅନ୍ତର୍ଭୁକ୍ତ ନୁହେଁ। ଏହି ବିଲ ପାସ ହେବା ଅସମ୍ଭବ ଥିଲା। ଏହା ଦେଶର ଗଣତନ୍ତ୍ର ଏବଂ ଏହାର ଅଖଣ୍ଡତା ପାଇଁ ଏକ ବଡ଼ ବିଜୟ।”
