ଦିଗପହଣ୍ଡି,୧୭।୪(ଅଶେଷ ନାଥ ମିଶ୍ର): ଗଞ୍ଜାମ ଜିଲା କେ.ନୂଆଗାଁ ଥାନା ଅଧୀନ ଏକ ଗାଁରୁ ଜଣେ ୨୧ ବର୍ଷୀୟା ଯୁବତୀ ଆକସ୍ମିକ ଭାବେ ଘରୁ ନିଖୋଜ ହୋଇଯାଇଥିବା ଅଭିଯୋଗ ହୋଇଛି। ଏନେଇ ଯୁବତୀଙ୍କ ବାପା କେ.ନୂଆଗାଁ ଥାନାରେ ଏତଲା ଦେବାପରେ ଆଇଆଇସି ବିଶ୍ୱଜିତ ନାୟକ ଥାନାରେ ନିଖୋଜ ମାମଲା ନଂ.ଏମଏମଆର ୨୩/୨୬ ଅନୁଯାୟୀ ଥାନା ମାମଲା ନଂ.୯୮/୨୬ ପ୍ରକାରେ ମକଦ୍ଦମା ରୁଜୁ କରି ନୂଆପଡ଼ା ଫାଣ୍ଡି ଅଧିକାରୀ ଏଏସଆଇ ସୁବାସ ବାୟକଙ୍କୁ ତଦନ୍ତ ପାଇଁ ନିର୍ଦ୍ଦେଶ ଦେଇଛନ୍ତି। ଗତ ମଙ୍ଗଳବାର ଅପରାହ୍ନରୁ ଯୁବତୀ ଜଣକ ନିଖୋଜ ଅଛନ୍ତି। ଗଞ୍ଜାମ ଜିଲା ଜରଡା ଥାନା ମନ୍ଦରଡ଼ା ଗ୍ରାମର ଏକ ୱେଲ୍ଡିଂ ଦୋକାନରେ କାମ କରୁଥିବା ଜଣେ ଯୁବକ ଯୁବତୀଙ୍କ ଭାଇର ସାଙ୍ଗ ଭାବେ ପୂର୍ବରୁ ତାଙ୍କ ଘରକୁ ଯା ଆସ କରୁଥିଲେ। ବିଷୁବ ସଂକ୍ରାନ୍ତି ଉପବାସ ଯୋଗୁ ଯୁବତୀଙ୍କ ମା ଘରେ ଶୋଇଥିଲେ। ବାପା ଘରେ ନ ଥିବା ସୁଯୋଗ ନେଇ ଚନ୍ଦନ ତାଙ୍କ ଝିଅକୁ ବାହାଘରର ପ୍ରତିଶ୍ରୁତି ଦେଇ କେଉଁଆଡେ ନେଇ ଯାଇଥିବା ଯୁବତୀଙ୍କ ବାପା ଏତଲାରେ ଉଲ୍ଲେଖ କରିଛନ୍ତି। ତଦନ୍ତକାରୀ ଅଧିକାରୀ ବିଭିନ୍ନ ସନ୍ଦିଗ୍ଧ ଅଞ୍ଚଳରେ ଚଢାଉ କରିଥିଲେ ମଧ୍ୟ ଯୁବତୀ କିମ୍ବା ଅଭିଯୁକ୍ତଙ୍କ ସନ୍ଧାନ ମିଳିପାରିନାହିଁ।
