ନୂଆଦିଲ୍ଲୀ,୧୩।୬: ଦିଲ୍ଲୀର ଅଧିକାରୀଙ୍କ ସ୍ଥାନାନ୍ତର ଏବଂ ପୋଷ୍ଟିଂକୁ ନେଇ ଅଧ୍ୟାଦେଶ ଲାଗୁ ହେବାର ୨୫ଦିନ ବିତିଗଲାଣି, କିନ୍ତୁ ଆମ ଆଦମୀ ପାର୍ଟି ଏବଂ ଭାଜପା ମଧ୍ୟରେ ଚାଲିଥିବା ରାଜନୈତିକ ବିବାଦ ବନ୍ଦ ହେବାର ନାଁ ନେଉନାହିଁ। ଦିଲ୍ଲୀର ରାମଲିଲା ମଇଦାନରେ ଏଏପିର ବିଶାଳ ସମାବେଶ ପରେ ପୁଣି ଥରେ ଟୁଇଟରରେ ଏକ ଭିଡିଓ ଶେୟାର କରି ଏଏପି କେନ୍ଦ୍ର ସରକାରଙ୍କୁ ସମ୍ବିଧାନ ଅନୁଯାୟୀ ଦିଲ୍ଲୀକୁ ଦିଆଯାଇଥିବା ଅଧିକାର ଛଡ଼ାଇ ନେବାକୁ ଚେଷ୍ଟା ନ କରିବାକୁ କହିଛି।
ଏଏପିର ଟୁଇଟରରେ କୁହାଯାଇଛି, ରାମଲିଲା ମଇଦାନରେ ଅନୁଷ୍ଠିତ ରାଲିରେ ଅଂଶଗ୍ରହଣ କରି ଦିଲ୍ଲୀର ଲୋକମାନେ କେନ୍ଦ୍ରକୁ ଏକ ଦୃଢ ବାର୍ତ୍ତା ଦେଇଛନ୍ତି ଯେ ମୋଦି ଗୁଣ୍ଡାବାଦ ଏବଂ ଏକଛତ୍ରବାଦୀ ଶାସନ ଭଳି ଅଧ୍ୟାଦେଶରୁ ସେମାନଙ୍କ ଅଧିକାର ଛଡ଼ାଇବାକୁ ଦୁଃସାହସ ଯେପରି ନ କରନ୍ତି, ଅନ୍ୟଥା, ଜନସାଧାରଣ ଏପରି ଏକ ଶିକ୍ଷା ଦେବେ, ଯାହାକୁ ଜୀବନ ପାଇଁ ମନେ ରଖିବେ।
