ଭୋପାଳ,୬।୬: ମଧ୍ୟପ୍ରଦେଶର ସିହୋର ଜିଲାର ବାଡି ମୁଙ୍ଗାଓ୍ବଲି ଗ୍ରାମରେ ଜଣେ ଅଢେଇ ବର୍ଷର ବାଳିକା ଏକ ବୋରୱେଲରେ ଖସିପଡିଥିବା ଖବର ସାମ୍ନାକୁ ଆସିଛି। ଉଦ୍ଧାରକାରୀ ଟିମ୍ ଘଟଣାସ୍ଥଳରେ ପହଞ୍ଚିଛନ୍ତି। ସିହୋର କଲେକ୍ଟର ପ୍ରବୀଣ ସିଂ, ଏସପି ମୟଙ୍କ ଆୱସ୍ତି ଏବଂ ଜିଲା ପ୍ରଶାସନର କର୍ମଚାରୀମାନେ ଘଟଣାସ୍ଥଳରେ ଉପସ୍ଥିତ ଅଛନ୍ତି। ଝିଅଟିର ନାମ ସୃଷ୍ଟି କୁଶୱାହା ବୋଲି କୁହାଯାଉଛି। ତେବେ ମୁଖ୍ୟମନ୍ତ୍ରୀ ଶିବରାଜ ଚୌହାନଙ୍କ ଘର ସେହି ଜିଲାରେ ବୋଲି ଜଣାପଡିଛି।
ମୁଖ୍ୟମନ୍ତ୍ରୀ ଶିଶୁକୁ ବାହାର କରିବା ପାଇଁ ଉପଯୁକ୍ତ ପ୍ରୟାସ କରାଯିବା ଉଚିତ ବୋଲି ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି। ପ୍ରଶାସନ ଘଟଣାସ୍ଥଳରେ ପହଞ୍ଚି ରେସ୍କ୍ୟୁ ଅପରେଶନ ଜାରି ରଖିଛି।
