ଅମରାବତି,୭।୪: ଆନ୍ଧ୍ର ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ କିରଣ କୁମାର ରେଡ୍ଡି ଶୁକ୍ରବାର ଭାରତୀୟ ଜନତା ପାର୍ଟି(ଭାଜପା)ରେ ସାମିଲ ହୋଇଛନ୍ତି। ଏହି ସମୟରେ ସେ କଂଗ୍ରେସକୁ ଟାର୍ଗେଟ କରି କହିଛନ୍ତି ଯେ ସେ କଂଗ୍ରେସ କାହିଁକି ଛାଡିଲେ।
କଂଗ୍ରେସର ପୂର୍ବତନ ନେତା କିରଣ କୁମାର ରେଡ୍ଡି କହିଛନ୍ତି, ‘ମୁଁ କେବେ ଭାବି ନ ଥିଲି କି ମୋତେ କଂଗ୍ରେସ ଛାଡିବାକୁ ପଡିବ। ଏକ ପ୍ରୋଭର୍ବ ରହିଛି କି ‘ମୋ ରାଜା ବହୁତ ବୁଦ୍ଧିମାନ, ସେ କେବେ ନିଜ କଥା ଚିନ୍ତା କରନ୍ତି ନାହିଁ, ନା ସେ କାହାର ଉପଦେଶ ଗ୍ରହଣ କରନ୍ତି। ଆପଣମାନେ ବୁଝି ପାରୁଥିବେ କି ମୁଁ କ’ଣ କହିବାକୁ ଚାହୁଁଛି।’
କିରଣ ରେଡ୍ଡି ଆହୁରି ମଧ୍ୟ କହିଛନ୍ତି, କଂଗ୍ରେସ ଦଳ ଲୋକଙ୍କ ମତକୁ କେବେ ବୁଝି ପାରି ନାହିଁ। ଦଳ ନା ବିଶ୍ଳେଷଣ କରୁଛି କି ଭୁଲ କ’ଣ ନା ଦଳ ଠିକ କରିବାକୁ ଚାହୁଁଛି। ଦଳ ଭାବୁଛି କି ମୁଁ ହିଁ ଠିକ ଓ ଦେଶର ଜନତାଙ୍କ ସହ ବାକି ସବୁ ଭୁଲ। ଏହି ବିଚାରଧାରା ଯୋଗୁ ମୁଁ ଦଳ ଛାଡିବାକୁ ନିଷ୍ପତ୍ତି ନେଲି।
ସୂଚନାଯୋଗ୍ୟ, ଶୁକ୍ରବାର ପୂର୍ବତନ ମୁଖ୍ୟମନ୍ତ୍ରୀ କରିଣ କୁମାର ରେଡ୍ଡି କେନ୍ଦ୍ର ମନ୍ତ୍ରୀ ପ୍ରହ୍ଲାଦ ଯୋଶୀ, ଭାଜପାର ରାଷ୍ଟ୍ରୀୟ ମହାସଚିବ ଅରୁଣ ସିଂ ଓ ଦଳର ମୁଖ୍ୟ ପ୍ରବକ୍ତା ଅନିଲ ବଲୁନିଙ୍କ ଉପସ୍ଥିତିରେ ଭାଜପାର ସଦସ୍ୟତା ଗ୍ରହଣ କରିଛନ୍ତି।
