ବାସୁଦେବପୁର,୧୨।୭: ଜଣେ ନାବାଳିକାଙ୍କ ଅଶ୍ଳୀଳ ଫଟୋ ଭାଇରାଲ ହୋଇଥିବା ନେଇ ଥାନାରେ ଅଭିଯୋଗ ହୋଇଥିଲା। ଅଭିଯୋଗକୁ ଭିତ୍ତି କରି ପୋଲିସ ଭଦ୍ରକ ଜିଲା ବାସୁଦେବପୁର ଅଞ୍ଚଳର ସୁଜୟ ନାଥ ନାମକ ଜଣେ ଯୁବକଙ୍କୁ ପୋଲିସ ଗିରଫ କରିଛି। କୋଲକାତା ଏବଂ ବାସୁଦେବପୁର ପୋଲିସର ଏକ ଟିମ୍ ମିଳିତ ଭାବେ ଚଢ଼ାଉ କରି ସୁଜୟଙ୍କୁ ଧରିବାରେ ସଫଳ ହୋଇଛି।
ମିଳିଥିବା ସୂଚନା ମୁତାବକଳ, ସୁଜୟ କୋଲକାତାରେ ଦୀର୍ଘବର୍ଷ ହେଲା ରହି ଆସୁଥିଲେ। ସେଠାରେ ରହିବା ସମୟରେ ସେ ଜୋରାବାଗାନ ଅଞ୍ଚଳର ଜଣେ ନାବାଳିକା ସହ ପରିଚିତ ହୋଇଥିଲେ। ପରେ ଉକ୍ତ ନାବାଳିକାଙ୍କ କେତେକ ଅଶ୍ଳୀଳ ଫଟୋ ସଂଗ୍ରହ କରି ଭାଇରାଲ କରିଥିଲେ। ଏହା ଜାଣିବା ପରେ ନାବାଳିକାଙ୍କ ପରିବାର ଲୋକେ ଜୋରାବାଗାନ ଥାନାରେ ଅଭିଯୋଗ କରିଥିଲା। ଗତ ମାର୍ଚ୍ଚରେ ଏହି ଘଟଣା ଘଟିଥିଲା। କୋଲକାତା ପୋଲିସ ଘଟଣାର ତଦନ୍ତ କରି ଶନିବାର ବାସୁଦେବପୁର ଥାନାରେ ପହଞ୍ଚିଥିଲା। ବାସୁଦେବପୁର ଥାନା ଆଇଆଇସି ଗୌରାଙ୍ଗ ଚନ୍ଦ୍ର ସାହୁଙ୍କ ନିର୍ଦ୍ଦେଶ କ୍ରମେ ଏଏସ୍ଆଇ ଚିତ୍ତରଞ୍ଜନ ଦାସ କୋଲକାତା ପୋଲିସ ସହାୟତାରେ ସୁଜୟଙ୍କୁ ଗିରଫ କରିଥିଲେ। ଗିରଫ ପରେ ତାଙ୍କୁ କୋଲକାତା ନିଆଯାଇଛି।
