କିମ୍ବଦନ୍ତୀ ଭାରତୀୟ କ୍ରିକେଟର ବିଜୟ ହଜାରେଙ୍କର ଆଜି ୧୦୬ତମ ଜନ୍ମ ଦିବସ। ସେ ମାର୍ଚ୍ଚ ୧୧, ୧୯୧୫ରେ ଜନ୍ମଗ୍ରହଣ କରିଥିଲେ। ୧୯୫୨ରେ ବିଜୟ ହଜାରେଙ୍କ ନେତୃତ୍ୱରେ ଚେନ୍ନାଇରେ ଇଂଲଣ୍ଡ ବିପକ୍ଷରେ ଭାରତ ପ୍ରଥମ ଟେଷ୍ଟ ମ୍ୟାଚ୍ ଜିତିଥିଲା। ପାଞ୍ଚ ମ୍ୟାଚ ବିଶିଷ୍ଟ ସିରିଜରେ ଭାରତ ଏହି ମ୍ୟାଚକୁ ଗୋଟିଏ ଇନିଂସ ଏବଂ ୮ ରନ୍ରେ ଜିତିଥିଲା ଏବଂ ସିରିଜ ୧-୧ରେ ଡ୍ର ହୋଇଥିଲା। ଏହି ମ୍ୟାଚ୍ରେ ବିନୁ ମଙ୍କଡ ଷ୍ଟାର ଥିଲେ। ସେ ଏହି ମ୍ୟାଚରେ ୧୨ଟି ଉଇକେଟ ନେଇଥିଲେ। କେବଳ ଏତିକି ନୁହେଁ, ପ୍ରଥମ ଶ୍ରେଣୀରେ ହଜାରେଙ୍କ ରେକର୍ଡ ଏପର୍ଯ୍ୟନ୍ତ ଅକ୍ଷୁର୍ଣ୍ଣ ରହିଛି। ୨୩୮ ପ୍ରଥମ ଶ୍ରେଣୀ ମ୍ୟାଚରେ ସେ ହାରାହାରି ୫୮.୩୬ରେ ୧୮,୭୪୦ ରନ ସ୍କୋର କରିଥିଲେ। ଏଥି ମଧ୍ୟରେ ୬୦ ଶତକ ଏବଂ ୭୩ ଅର୍ଦ୍ଧଶତକ ଅନ୍ତର୍ଭୁକ୍ତ। ଏଥିସହ ସେ ୫୯୫ ଉଇକେଟ ମଧ୍ୟ ନେଇଥିଲେ।
ବିଜୟ ହଜାରେ ମହାରାଷ୍ଟ୍ର ପାଇଁ କ୍ରିକେଟ ଖେଳିଥିଲେ ଏବଂ ୧୯୫୧ରୁ ୧୯୫୩ ମଧ୍ୟରେ ୧୪ଟି ମ୍ୟାଚରେ ଭାରତୀୟ କ୍ରିକେଟ ଦଳର ଅଧିନାୟକ ମଧ୍ୟ ହୋଇଥିଲେ। ତାଙ୍କ ସମ୍ମାନାର୍ଥେ ଜୋନାଲ କ୍ରିକେଟ ଟୁର୍ନାମେଣ୍ଟ ବିଜୟ ହଜାରେ ଆରମ୍ଭ ହୋଇଥିଲା। ସେ ପ୍ରଥମ କ୍ରିକେଟର ଯିଏକି ଜସୁ ପଟେଲଙ୍କ ସହ ପଦ୍ମଶ୍ରୀ ପୁରସ୍କାର ପାଇଥିଲେ।
