ବମ୍ବେ: ଅନେକ ସମୟରେ ବଲିଉଡ୍ ଅଭିନେତା ତଥା ଅଭିନେତ୍ରୀମାନଙ୍କ ପିଲାଦିନର ଫଟୋ ସୋସିଆଲ ମିଡିଆରେ ଭାଇରାଲ ହୋଇଥାଏ। ସେମାନଙ୍କ ମଧ୍ୟରୁ କିଛିଙ୍କୁ ଚିହ୍ନିବା ମୁସ୍କିଲ ହୋଇଯାଇଥାଏ। ସେଭଳି ଏକ ଫଟୋ ଏବେ ଭାଇରାଲ ହେଉଛି। ଏଥିରେ ଦୁଇଜଣ ଶିଶୁ ସାଙ୍ଗ ହୋଇ ଖେଳୁଥିବା ଦେଖାଯାଉଛି। ଫଟୋରେ ଥିବା ଦୁଇଜଣ ଶିଶୁ(ଜଣେ ପୁଅ-ଜଣେ ଝିଅ) ମାଙ୍କ ସହ ଛିଡ଼ା ହୋଇଛନ୍ତି। ଉଭୟ ଭାଇ ଭଉଣୀ ବୋଲି ସ୍ପଷ୍ଟ ହେଉଥିଲେ ହେଁ ସେ କିଏ ତାହା ଜଣାପଡ଼ୁନାହିଁ। ଆପଣ ବି ସେଭଳି ଭାବୁଛନ୍ତି ନା..।
ଫଟୋଟିରେ ଥିବା ଶିଶୁଜଣଙ୍କ ଆଜିକା ସମୟରେ ବଲିଉଡ୍ର ସୁପରହିଟ୍ ଅଭିନେତା ପାଲଟିସାରିଛନ୍ତି। ତାଙ୍କ ଫିଲ୍ମ ବକ୍ସ ଅଫିସରେ ଧମାକା ମଧ୍ୟ କରିଥାଏ। ବିପଦପୂର୍ଣ୍ଣ ଷ୍ଟଣ୍ଟ, ନୃତ୍ୟ ଏବଂ ଫିଟ୍ନେସ୍କୁ ନେଇ ପ୍ରଶଂସକମାନେ ତାଙ୍କ ଦିଓ୍ବାନା। ସେ ଆଉ କେହି ନୁହନ୍ତି ସମସ୍ତଙ୍କର ପ୍ରିୟ ଟାଇଗର ଶ୍ରଫ୍ ଏବଂ ଭଉଣୀ କ୍ରିଷ୍ଣା ଶ୍ରଫ।
ଟାଇଗରଙ୍କ ମା’ ଆୟଶା ଶ୍ରଫ ଏହି ଫଟୋକୁ ନିଜ ସୋସିଆଲ ପୃଷ୍ଠାରେ ଶେୟାର କରିଛନ୍ତି। ଏହି ଫଟୋରେ ତାଙ୍କୁ ଚିହ୍ନିବା ମୁସ୍କିଲ ହେଉଛି। ଏଥିରେ ଟାଇଗରଙ୍କ କଥିତ ପ୍ରେମିକା ଦିଶା କମେଣ୍ଟ ନେଇ ‘ସୋ କ୍ୟୁଟ୍’ଲେଖିଛନ୍ତି।
