କେରଳରେ କେତେଜଣ ଯୁବ ଇଞ୍ଜିନିୟରଙ୍କ ମହତ୍ କାର୍ଯ୍ୟ ସାମ୍ନାକୁ ଆସିଛି। ସେମାନେ ସୃଷ୍ଟି ଇଞ୍ଜିନିୟର ଆଣ୍ଡ୍
ବିଲ୍ଡର୍ସ ମାଧ୍ୟମରେ ଗରିବ ଲୋକମାନଙ୍କର ଘର ନିର୍ମାଣ କରୁଛନ୍ତି ଓ ଏ ବାବଦରେ ତାଙ୍କଠାରୁ ଶ୍ରମିକମାନଙ୍କ ମଜୁରି ନେଉନାହାନ୍ତି ।
୨୦୧୭ରେ ଅରୁଣ ନାରାୟଣପାନିକର ସୃଷ୍ଟି ଇଞ୍ଜିନିୟର ଆଣ୍ଡ ୍ବିଲ୍ଡର୍ସ ନାମକ ଏକ ଅନୁଷ୍ଠାନ ପ୍ରତିଷ୍ଠା କରିଥିଲେ। ପରେ ଏଥିରେ ଅରୁଣଙ୍କ ଇଞ୍ଜିନିୟର ସାଙ୍ଗମାନେ ଯୋଗ ଦେଇଥିଲେ। ୨୦୧୮ କେରଳ ମହାବନ୍ୟା ପରେ ଲୋକମାନେ ଅଣ୍ଟା ସଳଖି ପାରିନାହାନ୍ତି। ସରକାରୀ ସାହାଯ୍ୟରେ ଯିଏ ଯେମିତି ଘର ଖଣ୍ଡେ କରିବାକୁ ସକ୍ଷମ ହୋଇଥିତ୍ଲେ ବି ବହୁ ଲୋକ ଅସୁବିଧାରେ ରହିଛନ୍ତି। ଏବେ ସୁଦ୍ଧା ଅରୁଣ ୧୨ଟି କନ୍ଷ୍ଟ୍ରକଶନ ପ୍ରୋଜେକ୍ଟ ଶେଷ କରିଛନ୍ତି। ଅରୁଣଙ୍କ ଏହି ବିଲ୍ଡର୍ସ ଗରିବ ଲୋକମାନଙ୍କ ପାଇଁ ଆଶାର କିରଣ ପାଲଟିଛି। ତେବେ ଏହି କାର୍ଯ୍ୟରେ ଶ୍ରମିକମାନଙ୍କ ଯୋଗଦାନ ଶୀର୍ଷରେ ରହିବ ବୋଲି କୁହନ୍ତି ଅରୁଣ। ସେମାନେ କେବଳ ଗରିବମାନଙ୍କ ଘର ନିର୍ମାଣ କରୁନାହାନ୍ତି, ବରଂ ବନ୍ୟାରେ ଭାଙ୍ଗିଯାଇଥିବା ସ୍କୁଲ୍ ଘରଗୁଡିକୁ ବି ମରାମତି କରୁଛନ୍ତି । ଲକ୍୍ଡାଉନ୍ ସମୟରେ ଅରୁଣ ଗରିବ ଲୋକମାନଙ୍କୁ ମାଗଣାରେ ଔଷଧ ମଧ୍ୟ ଯୋଗାଇ ଦେଉଛନ୍ତି।
