ଲଣ୍ଡନ, ୨ା୪ (ପି.ଟି.)-ଇଂଲଣ୍ଡର ବିସ୍ଫୋରକ ବ୍ୟାଟ୍ସମ୍ୟାନ ଜୋସ୍ ବଟଲର ଗତବର୍ଷ ବିଶ୍ୱକପ୍ ଫାଇନାଲରେ ପରିଧାନ କରିଥିବା ତାଙ୍କ ଶାର୍ଟକୁ ନିଲାମ କରିବେ। କୋଭିଡ୍-୧୯ ମହାମାରୀ ଆକ୍ରାନ୍ତଙ୍କ ସେବା କାର୍ଯ୍ୟରେ ଲାଗିଥିବା ହସ୍ପିଟାଲଗୁଡ଼ିକ ପାଇଁ ସେ ପାଣ୍ଠି ସଂଗ୍ରହ କାର୍ଯ୍ୟରେ ଲାଗିଛନ୍ତି। ନିଲାମକାର୍ଯ୍ୟରୁ ମିଳିଥିବା ଅର୍ଥକୁ ସେ ରୟାଲ ବ୍ରମ୍ପଟନ ଏବଂ ହାର୍୍ଫିଲ୍ଡ ହସ୍ପିଟାଲ୍ସ ଚ୍ୟାରିଟିକୁ ପ୍ରଦାନ କରିବେ। ବଟଲରଙ୍କ ଯେଉଁ ଶାର୍ଟଟି ନିଲାମ ହେବାକୁ ଯାଉଛି ତାହା ହେଉଛି ହାଲ୍କା ନୀଳ ରଙ୍ଗ ଫୁଲ୍ ସ୍ଲିଭ୍ସ ଜର୍ସି। ଲଡର୍ସଠାରେ ଟାଇଟଲ ମୁକାବିଲାରେ ନାଟକୀୟ ଭାବେ ନ୍ୟୁଜିଲାଣ୍ଡକୁ ପରାସ୍ତକରି ନ୍ୟୁଜିଲାଣ୍ଡ ପ୍ରଥମଥର ଅନ୍ତର୍ଜାତୀୟ ଦିନିକିଆ କ୍ରିକେଟ ଟାଇଟଲ ହାସଲ କରିଥିଲା। ଏହି ଜର୍ସିଟିରେ ଦଳର ସମସ୍ତ ସଦସ୍ୟଙ୍କ ଦସ୍ତଖତ ରହିଛି।
