ଲକ୍ଷ୍ନୌ,୪।୬: ମଣିଷ ଯେ ବେଳେବେଳେ ସାଧାରଣ କତାରେ ତାହାର ମଣିଷ ପଣିଆ ହରାଇ ବସେ ତାହାର ସଦ୍ୟତମ ଉଦାହରଣ ଦେଖିବାକୁ ମିଳିଛି ଉତ୍ତରପ୍ରଦେଶରେ। ସ୍ଥାନୀୟ ବିଜନୌରରେସ୍ଥିତ ନାଜିଆବାଦ୍ରେ ଏକ ପୋଷାକ ଦୋକାନରେ ୨ ଜଣ ମହିଳା ପରସ୍ପରକୁ ଚପଲରେ ପିଟିଛନ୍ତି। ଗୋଟିଏ ପୋଷାକ ଦୁଇଜଣଙ୍କୁ ପସନ୍ଦ ଆସିଥିଲା। ଏହାକୁ ନେବା ପାଇଁ ସେମାନଙ୍କ ମଧ୍ୟରେ ଯୁକ୍ତିତର୍କ ଆରମ୍ଭ ହୋଇଥିଲା। ପରେ ପରସ୍ପରକୁ ସେମାନେ ପିଟିଥିଲେ। ଦୋକାନୀ ମାମଲା ରଫାଦଫା କରିବା ଲାଗି ମହିଳା ଦୁଇଜଣଙ୍କୁ ବୁଝାଇଥିଲେ। ମାତ୍ର ସେମାନେ ନିଜ ନିଜ ଜିଦ୍ରେ ଅଟଳ ରହିଥିଲେ। ଶେଷରେ ମାମଲା ଥାନାରେ ପହଞ୍ଚିଥିଲା। ପୋଲିସ ଉଭୟଙ୍କୁ ବୁଝାସୁଝା କରି ଘରକୁ ପଠାଇଥିବା କୁହାଯାଉଛି। ମହିଳାମାନେ ଚପଲରେ ପରସ୍ପରକୁ ପିଟୁଥିବା ଘଟଣାର ଭିଡ଼ିଓ ସୋସିଆଲ୍ ମିଡ଼ିଆରେ ଭାଇରାଲ ହେବାରେ ଲାଗିଛି।
