ଧର୍ମଗଡ,୧୭।୩(ଡି.ଏନ୍.ଏ.): କଳାହାଣ୍ଡି ଜିଲା ଗୋଲାମୁଣ୍ଡା ବ୍ଲକ ଖଳିଆକାନି ଗାଁରେ କରୋନା ଆକ୍ରାନ୍ତ ଜଣେ ଯୁବକ କବାଟ ବନ୍ଦକରି ଘରେ ରହିବା ଓ ଘଟଣା ସ୍ଥଳକୁ ଗୋଲାମୁଣ୍ଡା ଥାନା ଅଧିକାରୀ ବିଡିଓ ଯିବା ସୋସିଆଲ ମିଡ଼ିଆରେ ଭାଇରାଲ ହୋଇଥିଲା। ଏହି ଘଟଣାରେ ଗିରଫ ହୋଇ କୋର୍ଟ ଚାଲାଣ ହୋଇଥିବା ଗୋଲାମୁଣ୍ଡା ଗ୍ରିନ୍ଦୋଲ ଗାଁର ଶିକ୍ଷକ ବିନ୍ଦୁ ମହାନନ୍ଦଙ୍କୁ ଜିଲା ଶିକ୍ଷା ଅଧିକାରୀ ଚାକିରିରୁ ନିଲମ୍ବନ କରିଛନ୍ତି।
ସୂଚନାନୁଯାୟୀ, ଗତ ୧୪ ତାରିଖରେ ବିନ୍ଦୁ ମହାନନ୍ଦ ବିଭିନ୍ନ ହ୍ବାଟ୍ସଆପ୍ ଗ୍ରୁପ୍ରେ ଏହାକୁ ଭାଇରାଲ କରିଥିଲେ। ଏହା କଳାହାଣ୍ଡି ଏସ୍ପିଙ୍କ ନଜରକୁ ଆସିବାପରେ ତାଙ୍କ ନିର୍ଦ୍ଦେଶକ୍ରମେ ବିନ୍ଦୁଙ୍କୁ ପଚରାଉଚୁରା ଜାରି ରଖିଥିଲା ପୋଲିସ। ପରେ ତାଙ୍କୁ ଗିରଫ କରି କୋର୍ଟ ଚାଲାଣ କରିଥିଲା।
