ନାମ ସୁପାରିସରେ କାମ ଶେଷ

ଅନୁଗୋଳ ଅଫିସ, ୭ା୯ ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟରେ ଅବ୍ୟବସ୍ଥାର ଯେପରି ଅନ୍ତ ନାହିଁ। ରୋଗୀଙ୍କ ଚିକିତ୍ସା ଠାରୁ ଆରମ୍ଭ କରି ମୃତଦେହ ବ୍ୟବଚ୍ଛେଦ ଯାଏ, ପ୍ରତିଟି କ୍ଷେତ୍ରରେ ସମସ୍ୟା ଥିଲେ ମଧ୍ୟ ତାହାର ସମାଧାନ ଦିଗରେ ପଦକ୍ଷେପ ନିଆଯାଉ ନାହିଁ। ଫଳରେ ରୋଗୀ ଓ ସମ୍ପର୍କୀୟମାନେ ହଇରାଣ ହରକତ ହେଉଥିବାବେଳେ ସ୍ବତନ୍ତ୍ର ଡାକ୍ତର ନିଯୁକ୍ତ କରାଯାଇ ନ ଥିବାରୁ ମୃତଦେହ ବ୍ୟବଚ୍ଛେଦରେ ବହୁ ବିଳମ୍ବ ହେଉଛି। ଏ ନେଇ ମୃତକଙ୍କ ପରିବାର ଲୋକେ ଅସନ୍ତୋଷ ବ୍ୟକ୍ତ କରୁଥିଲେ ମଧ୍ୟ କର୍ତ୍ତୃପକ୍ଷ ସମସ୍ୟାର ସମାଧାନ ନ କରି କେବଳ ଡାକ୍ତରଙ୍କ ନାମ ସୁପାରିସ କରି କାମ ସାରିଦେଉଥିବା ଅଭିଯୋଗ ହେଉଛି।
ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟ ଶବାଗାର ଫ୍ରିଜର ଦୀର୍ଘଦିନ ହେବ ଅଚଳ ରହିଛି। କଫିନ୍‌ ବ୍ୟବସ୍ଥା ମଧ୍ୟ ପର୍ଯ୍ୟାପ୍ତ ପରିମାଣରେ ନାହିଁ। ଫଳରେ ଷ୍ଟ୍ରେଚରରେ ମୃତଦେହ ସେମିତି ଘର ମଧ୍ୟରେ ନଚେତ୍‌ ବାରଣ୍ଡାରେ ପଡ଼ିରହୁଛି। ଦୀର୍ଘ ଦିନର ଏହି ଅବ୍ୟବସ୍ଥା ଦୂର ପାଇଁ ମେଡିକାଲ ପ୍ରଶାସନ ପଦକ୍ଷେପ ନେଉ ନ ଥିବାରୁ ସମସ୍ୟା ଜଟିଳ ହେବାରେ ଲାଗିଛି। ଅଚଳ ଫ୍ରିଜର ମରାମତି ନିମନ୍ତେ ରାଜ୍ୟ ବାହାରୁ ମେକାନିକ୍‌ ଆସିବେ ବୋଲି ମେଡିକାଲ କର୍ତ୍ତୃପକ୍ଷ ପ୍ରଥମେ କହିଥିଲେ। ଏ ସମ୍ପର୍କିତ ଖର୍ଚ୍ଚ ତାଲିକା ମଧ୍ୟ ଦେଇଥିଲେ। କିନ୍ତୁ ସାମଗ୍ରୀ ଆସୁନାହିଁ କି ଫ୍ରିଜର ସଜଡ଼ା ଯାଉନାହିଁ। ନୂଆ ଫ୍ରିଜର କିଣିବାକୁ କାହିଁକି ଓଡ଼ିଶା ମେଡିସିନ କୋର୍ପୋରେଶନ୍‌ (ଓଏମ୍‌ସି)କୁ ଚିଠି କରାଯାଉ ନାହିଁ, ତାହା ମଧ୍ୟ ବୁଝାପଡ଼ୁନି। ଦୈନିକ ଶବାଗାରକୁ ୪ରୁ ୫ ମୃତଦେହ ବ୍ୟବଚ୍ଛେଦ ପାଇଁ ଆସୁଛି। ପୋଲିସ ପଞ୍ଚନାମା କରି ରିପୋର୍ଟ ଦେବା ପରେ ତୁରନ୍ତ ଡାକ୍ତର ବ୍ୟବଚ୍ଛେଦ କରିବା କଥା। କିନ୍ତୁ ସ୍ବତନ୍ତ୍ର ଡାକ୍ତର ନ ଥିବାରୁ କେଉଁ ଡାକ୍ତର ବ୍ୟବଚ୍ଛେଦ କରିବେ ତାଙ୍କ ନାମ କର୍ତ୍ତୃପକ୍ଷଙ୍କୁ ସୁପାରିସ କରିବାକୁ ପଡ଼ୁଛି। ହେଲେ ସମ୍ପୃକ୍ତ ଡାକ୍ତର ଅନେକ ସମୟରେ ଖାମଖିଆଲ ମନୋଭାବ ଦେଖାଇ ଆସିବାରେ ବିଳମ୍ବ କରୁଛନ୍ତି। ତେଣୁ ଦାୟିତ୍ୱ ସମ୍ପାଦନରେ ବହୁ ବିଳମ୍ବ ହେଉଛି। ଏ ନେଇ ଅଭିଯୋଗ କଲେ ମେଡିକାଲ ପ୍ରଶାସନ ପୋଲିସ ଉପରେ ଦୋଷ ଲଦୁଥିବାବେଳେ ପୋଲିସ ଡାକ୍ତରଖାନା କର୍ତ୍ତୃପକ୍ଷଙ୍କୁ ଦାୟୀ କରୁଛି। ଏପରି ଦୋଷ ଠେଲାଠେଲି ଯୋଗୁ ମୃତକଙ୍କ ପରିବାର ଓ ସମ୍ପର୍କୀୟମାନଙ୍କୁ ହିଁ ଦୀର୍ଘ ଘଣ୍ଟାର ଅପେକ୍ଷାଜନିତ କଷ୍ଟ ସ୍ବୀକାର କରିବାକୁ ପଡ଼ୁଛି।
ପଞ୍ଜନାମା ପାଇଁ ବିଳମ୍ବ ହେଉଛି
ଶବାଗୃହ ଫ୍ରିଜର ମରାମତି କରିବାକୁ ପ୍ରୟାସ ଜାରି ରହିଛି। ତେବେ ପୋଲିସ ପଞ୍ଜନାମା କରି ରିପୋର୍ଟ ପ୍ରଦାନରେ ବିଳମ୍ବ କରୁଥିବାରୁ ବ୍ୟବଚ୍ଛେଦ ଅଧିକ ବିଳମ୍ବ ହେଉଛି। ଜିଲା ମୁଖ୍ୟ ଚିକିତ୍ସାଳୟରେ ବ୍ୟବଚ୍ଛେଦ ପାଇଁ କୌଣସି ସ୍ବତନ୍ତ୍ର ଡାକ୍ତର ନ ଥିବାରୁ ଏହି ଦାୟିତ୍ୱ କାହାକୁ ପ୍ରଦାନ କରାଯାଉନାହିଁ।
-ଡାକ୍ତର ମାନସ ରଞ୍ଜନ ବିଶ୍ୱାଳ, ଏଡିଏମ୍‌ଓ (ମେଡିକାଲ)
ଏଏମ୍‌ସି କରାଯାଉ ନ ଥିବାରୁ ସମସ୍ୟା
ଶାବାଗାରକୁ ମୃତଦେହ ଆସିଲେ ତୁରନ୍ତ ବ୍ୟବଚ୍ଛେଦ କରି ପରିବାର ଲୋକଙ୍କୁ ହସ୍ତାନ୍ତର କରିବା କଥା। କିନ୍ତୁ ତାହା ହେଉନାହିଁ। ଫଳରେ ମୃତକଙ୍କ ପରିବାର ଓ ସମ୍ପର୍କୀୟ ଦୀର୍ଘ ଘଣ୍ଟା ଧରି ଅପେକ୍ଷା କରୁଛନ୍ତି। ଆନୁଆଲ ମେଣ୍ଟେନାନ୍ସ କଣ୍ଟାକ୍ଟ (ଏଏମ୍‌ସି) ହେଉ ନ ଥିବାରୁ ଅଚଳ ଯନ୍ତ୍ରାଂଶ ମରାମତି ହେଉନାହିଁ।
-ଭୁପେଶଚନ୍ଦ୍ର ପ୍ରଧାନ, ସଦସ୍ୟ, ପୂର୍ବତନ ରୋଗୀ କଲ୍ୟାଣ ସମିତି
ପୋଲିସ ଅବହେଳା କରୁନାହିଁ
ମେଡିକାଲରୁ ଖବର ମିଳିବା ମାତ୍ରେ ପୋଲିସ ପହଞ୍ଚତ୍ ମୃତଦେହର ପଞ୍ଜନାମା କରୁଛି। କେତେକ ସ୍ଥାନରେ ମୃତକଙ୍କ ପରିବାର ପାଇଁ ଓ ସମ୍ବେଦନଶୀଳ ଘଟଣାରେ ପଞ୍ଜନାମାରେ ବିଳମ୍ବ ହୁଏ। ନଚେତ ପୋଲିସ ଠିକ୍‌ ସମୟରେ ତା’ର କାର୍ଯ୍ୟ କରୁଛି। ବରଂ ମେଡିକାଲରୁ ବିଳମ୍ବରେ ଥାନାକୁ ସୂଚନା ଦିଆଯାଉଛି।
-ଜଗମୋହନ ମୀନା, ଏସ୍‌ପି,
ଅନୁଗୋଳ
ଅବ୍ୟବସ୍ଥା ପାଇଁ କର୍ତ୍ତୃପକ୍ଷ ଦାୟୀ
ମେଡିକାଲ ଶବାଗାରଠାରୁ ଆରମ୍ଭ କରି ଯେତେସବୁ ଅସୁବିଧା ଉପୁଜୁଛି, ସେସବୁ ପାଇଁ କର୍ତ୍ତୃପକ୍ଷ ହିଁ ଦାୟୀ। ବ୍ୟବଚ୍ଛେଦ ପାଇଁ ସ୍ବତନ୍ତ୍ର ଡାକ୍ତର ନିଯୁକ୍ତ ହୋଇ ନ ଥିବାରୁ ଅନ୍ୟ ଡାକ୍ତରମାନେ ପାଳି କରି ଏହି କାର୍ଯ୍ୟ ସମ୍ପାଦନ କରୁଛନ୍ତି। ଫଳରେ ରୋଗୀଙ୍କ ସମ୍ପର୍କୀୟମାନେ ଦହଗଞ୍ଜ ହେଉଛନ୍ତି।
-ପ୍ରତାପ ମହାପାତ୍ର,
ସାମାଜିକକର୍ମୀ

 


Enter your email to get our daily news in your inbox.

All Right Reserved By Dharitri.Com

ପୁଣି ତେଜିଲା ଓଡ଼ିଶା-ଆନ୍ଧ୍ର ସୀମା ବିବାଦ: କୋଟିଆର ତଳ ଗଞ୍ଜେଇପଦର ପାଇଁ ଆନ୍ଧ୍ରରେ ପ୍ରାର୍ଥୀପତ୍ର ଦାଖଲ କଲେ ଦୁଇ ପ୍ରାର୍ଥୀ

ପଟ୍ଟାଙ୍ଗି,୨୧।୧୧(ଶରତ କୁମାର ଧଳ): କୋରାପୁଟ ଜିଲା ପଟ୍ଟାଙ୍ଗି ବ୍ଲକ ଅନ୍ତର୍ଗତ ବିବାଦୀୟ କୋଟିଆ ପଞ୍ଚାୟତର ତଳ ଗଞ୍ଜେଇପଦର ଗ୍ରାମ ପାଇଁ ଦୁଇ ଜଣ ସରପଞ୍ଚ ପ୍ରାର୍ଥୀ ନାମାଙ୍କନ…

ବାଳିଆ ମାଛ ଧରିବାକୁ ପକାଇଥିଲେ ବନିସୀ, ଲାଗିଲା ସାଢ଼େ ଚାରି ଫୁଟିଆ କୁମ୍ଭୀର: ଚିକିତ୍ସା ପରେ ଉଦ୍ଧାର କଲା…

ଆଳି,୨୧।୧୧(ବନମାଳୀ ସେନାପତି ): ନଦୀରେ ମାଛ ଧରିବା ପାଇଁ ପକାଯାଇଥିବା ବନିସୀ କଣ୍ଟାରେ ମାଛ ବଦଳରେ ଲାଗିଛି ଏକ ସାଢ଼େ ଚାରି ଫୁଟିଆ କୁମ୍ଭୀର। କେନ୍ଦ୍ରାପଡ଼ା ଜିଲା…

ଷ୍ଟ୍ରିଟଲାଇଟ୍‌ ନାଁରେ ୭.୨୪ ଲକ୍ଷ ହଡ଼ପ, ବନ୍ଧାହେଲେ ପୂର୍ବତନ ପିଇଓ, ଜେଇ, ଠିକାଦାର

ବ୍ରହ୍ମପୁର,୨୧ା୧୧(ସୁବାସ ଚନ୍ଦ୍ର ପାଢ଼ୀ): ଗଞ୍ଜାମ ଜିଲା କବିସୂର୍ଯ୍ୟନଗର ବ୍ଲକର ବାଲ୍ୟସରା ଗ୍ରାମପଞ୍ଚାୟତରେ ଷ୍ଟ୍ରିଟ ଲାଇଟ୍‌ ସ୍ଥାପନ ଓ ରକ୍ଷଣାବେକ୍ଷଣ ନାଁରେ ସରକାରୀ ଅର୍ଥ ହଡ଼ପ ମାମଲାରେ ଭିଜିଲାନ୍ସ…

ଆବାସ ନାହିଁ କି ରୋଜଗାର ନାହିଁ, ଆମେ ବଞ୍ଚିବୁ କେମିତି?’ ବାତ୍ୟା ଆଶ୍ରୟସ୍ଥଳୀରେ ଜିଲାପାଳଙ୍କୁ ଗୁହାରି କଲେ ଜନଜାତି

ମହାକାଳପଡ଼ା,୨୧ା୧୧(ପ୍ରତାପ ଚନ୍ଦ୍ର ସ୍ବାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳରେ ବାତ୍ୟା ଅକ୍ୱାନ ପ୍ରଭାବରେ ପ୍ରଶାସନ ପକ୍ଷରୁ ଆଶ୍ରୟସ୍ଥଳୀରେ ବିପନ୍ନମାନଙ୍କୁ ଥଇଥାନ କରାଯାଇଛି। ଏ ନେଇ…

ଦଶାହ କାର୍ଯ୍ୟରେ ଯୋଗଦେବାକୁ ଯାଉଥିଲେ ମହିଳା, ନଦୀରେ ବୁଡ଼ିଗଲା ଡଙ୍ଗା, ଚାଲିଗଲା ଜୀବନ

ମାଲକାନଗିରି,୨୧ା୧୧(ଦୁର୍ଯ୍ୟୋଧନ ପାତ୍ର): ମାଲକାନଗିରି ଜିଲା ମାଥିଲି ଥାନା ଅନ୍ତର୍ଗତ ରାଣିଗୁଡ଼ା ଘାଟ ନିକଟ ସାବେରୀ ନଦୀରେ ଏକ ଦେଶୀ ଡଙ୍ଗା। ବୁଡ଼ି ଯିବାର ଜଣେ ମହିଳାଙ୍କ ମୃତ୍ୟୁ…

ଚିକିତ୍ସା ପାଇଁ ଟ୍ରେନ୍‌ରେ ରାୟପୁର ଯାଇ ଘରକୁ ଫେରିନାହାନ୍ତି ବୃଦ୍ଧ, ୫ ଦିନ ପରେ ବି ମିଳୁନି ପତ୍ତା

ଥୁଆମୂଳ ରାମପୁର,୨୧ା୧୧(ଦୁର୍ଗା କୀର୍ତ୍ତି): କଳାହାଣ୍ଡି ଜିଲା ଥୁଆମୂଳ ରାମପୁର ବ୍ଲକ କାଠକୁରା ଗ୍ରାମର ବୃଦ୍ଧ ଲାଚଣ ପରାଭୋଇ ଆଖି ଅପରେଶନ ପାଇଁ ରାୟପୁର ଯାଉଥିବା ବେଳେ ଟ୍ରେନ୍‌ରୁ…

ଭିଜିଲାନ୍ସ ଜାଲରେ ଏମ୍‌ଆଇଏସ୍‌, ଆବାସ ଯୋଜନା ବିଲ୍‌ କରାଇବାକୁ ନେଉଥିଲେ ଏତିକି ଟଙ୍କା ଲାଞ୍ଚ

ଜୁନାଗଡ଼,୨୧ା୧୧(ସୁନୀଲ କୁମାର ସିଂହ): କଳାହାଣ୍ଡି ଜିଲାରେ ପୁଣି ଜଣେ ସରକାରୀ କର୍ମଚାରୀ ଭିଜିଲାନ୍ସ ଜାଲରେ ପଡ଼ିଛନ୍ତି। ପ୍ରଧାନମନ୍ତ୍ରୀ ଆବାସ ଯୋଜନାର ଶେଷ ବିଲ କରାଇଦେବା ପାଇଁ ଜଣେ…

ଲକ୍ଷ୍ମୀନାରାୟଣ ବେଶରେ ଭକ୍ତଙ୍କୁ ଦର୍ଶନ ଦେଲେ ପ୍ରଭୁ ସାକ୍ଷୀଗୋପାଳ

ସାକ୍ଷୀଗୋପାଳ,୨୧ା୧୧(କିଶୋର ମହାପାତ୍ର/ପ୍ରଶାନ୍ତ କୁମାର ବାରିକ): କାର୍ତ୍ତିକ ମାସ ଶୁକ୍ଲପକ୍ଷ ବଡ଼ ଏକାଦଶୀ ତଥା ଦେବ ଉତ୍ଥାପନ ଏକାଦଶୀ ତିଥିରେ ପୁରୀ ଜିଲା ସାକ୍ଷୀଗୋପାଳ ମନ୍ଦିରରେ ଠାକୁରଙ୍କ ଲକ୍ଷ୍ମୀନାରାୟଣ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?