ୱାଶିଂଟନ,୮ ।୮: ପୂର୍ବ ଆଫ୍ରିକାରେ ଆମେରିକା ଦୂତାବାସ ଉପରେ ୧୯୯୮ରେ ହୋଇଥିବା ବୋମାମାଡ ଘଟଣାକୁ ୨୪ ବର୍ଷ ପୂରଣ ହୋଇଛି । ଏହାକୁ ନେଇ ଆମେରିକା ଏକ ବୟାନ ଜାରି କରିଛି । ଆମେରିକା କହିଛି, ସେ ଅଲ-କାଏଦା ନେତା ଅୟମାନ ଅଲ-ଜବାହିରିଙ୍କ ବିରୋଧରେ ନିର୍ଣ୍ଣାୟକ କାର୍ଯ୍ୟନୁଷ୍ଠାନ ନେଇ ପୁଣିଥରେ ସ୍ପଷ୍ଟ କରି ଦେଇଛି କି ଦେଶ ଆତଙ୍କବାଦ ବିରୋଧରେ କାର୍ଯ୍ୟନୁଷ୍ଠାନ ନେବାକୁ ସବୁବେଳେ ପ୍ରସ୍ତୁତ ରହିଛି । ଜବାହିରି ୧୯୯୮ ଆକ୍ରମଣର ମାଷ୍ଟରମାଇଣ୍ଡ ଥିଲେ ।
ସୂଚନାଯୋଗ୍ୟ, ୧୯୯୮, ଅଗଷ୍ଟ ୭ରେ ଆଫ୍ରିକାରେ ନୈରୋବି, କେନିୟା ଓ ତାଞ୍ଜାନିଆର ଡାର ଏସ ସଲାମର ଆମେରିକା ଦୂତାବାସ ସାମ୍ନାରେ ପ୍ରାୟ ଗୋଟିଏ ସମୟରେ ବୋମା ବିସ୍ଫୋରଣ କରାଯାଇଥିଲା । ଫେଡରାଲ ବ୍ୟୁରୋ ଅଫ ଇନଭେଷ୍ଟିଗେଶନ ବା ସଂଘିୟ ଯାଞ୍ଚ ବ୍ୟୁରୋର ରିପୋର୍ଟ ଅନୁଯାୟୀ, ବିସ୍ଫୋରଣରେ ୧୨ ଆମେରିକା ନାଗରିକଙ୍କ ସମେତ ୨୨୪ ଜଣଙ୍କ ମୃତ୍ୟୁ ହୋଇଥିଲା । ଏହାସହ ୪,୫୦୦ରୁ ଅଧିକ ଲୋକ ଆହତ ହୋଇଥିଲେ ।
