ପୁରୁଷୋତ୍ତମପୁର,୧୦ା୧୦(ସବିତା ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁର ତାରାତାରିଣୀ କଲେଜ ଛାତ୍ର ସଂସଦ ନିର୍ବାଚନକୁ ନେଇ କ୍ୟାମ୍ପସରେ ରାଜନୈତିକ ଉଷ୍ଣତା ବଢ଼ିଛି। ଶନିବାର ପ୍ରାର୍ଥିପତ୍ର ପ୍ରତ୍ୟାହାର ଦିବସରେ ସଭାପତି ପଦବୀର ପ୍ରାର୍ଥୀ ଅଙ୍କିତ ପ୍ରଧାନ ନିଜ ନାମାଙ୍କନ ପ୍ରତ୍ୟାହାର କରିନେବା ପରେ ନିର୍ବାଚନ ମଇଦାନରେ ତ୍ରିମୁଖୀ ଲଢ଼େଇର ଚିତ୍ର ସ୍ପଷ୍ଟ ହୋଇପଡ଼ିଛି। ଏହାକୁ ନେଇ ଛାତ୍ରୀଛାତ୍ରଙ୍କ ମଧ୍ୟରେ ନିର୍ବାଚନୀ ଉତ୍ସାହ ବଢ଼ିବା ସହ ବିଭିନ୍ନ ପଦବୀ ପାଇଁ ପ୍ରତିଦ୍ୱନ୍ଦ୍ୱିତା ରୋଚକ ହେବାକୁ ଯାଉଛି। କଲେଜ ଅଧ୍ୟକ୍ଷ ଅରବିନ୍ଦ ଦାଶଙ୍କ ତତ୍ତ୍ୱାବଧାନରେ ଅଧ୍ୟାପକ ଡ. ପ୍ରବୀର କେଶରୀ ପ୍ରଧାନ ନିର୍ବାଚନ ଅଧିକାରୀ ଭାବେ ଦାୟିତ୍ୱ ତୁଲାଉଛନ୍ତି। ଅଧ୍ୟାପକ ଡ. ରମେଶ ଚନ୍ଦ୍ର ସେନାପତି ଓ ଡ. ପ୍ରଦୀପ କୁମାର ସାହୁ ଉପଦେଷ୍ଟା ଭାବେ ରହି ଶାନ୍ତିଶୃଙ୍ଖଳାର ସହ ପରିଚାଳନାରେ ସହଯୋଗ କରୁଛନ୍ତି। ମାଜିଷ୍ଟ୍ରେଟ୍ ଦାୟିତ୍ୱରେ ତହସିଲଦାର ବିନୋଦ କୁମାର ବେହେରା ରହିଥିବା ବେଳେ ଆଇଆଇସି କୁଳମଣି ସେଠୀଙ୍କ ନେତୃତ୍ୱରେ ପୋଲିସ ଫୋର୍ସ ମୁତୟନ ହୋଇଛନ୍ତି।
ସଭାପତି ପଦବୀ ପାଇଁ ଦୀପ୍ତିମୟୀ ଦାଶ, ଗୋପାଳକୃଷ୍ଣ ବେହେରା ଓ ଜିତେନ୍ଦ୍ର କୁମାର ପଣ୍ଡାଙ୍କ ମଧ୍ୟରେ ଲଢ଼େଇ ହେବ। ଉପସଭାପତି ପଦବୀ ପାଇଁ ଭବାନୀ ବେହେରା, ହିମାଂଶୁ ବେହେରା ଓ ଶୁଭଙ୍କର ସାହୁ ନିର୍ବାଚନ ମଇଦାନରେ ଅଛନ୍ତି। ସେହିପରି ସମ୍ପାଦକ ପଦବୀ ପାଇଁ ଆଦିତ୍ୟ ଦୋରା, ଅନିଲ ଗୌଡ଼ ଓ କୁଳମଣି ବେହେରାଙ୍କ ମଧ୍ୟରେ ପ୍ରତିଦ୍ୱନ୍ଦ୍ୱିତା ହେବ। ସହସମ୍ପାଦକ ପଦବୀରେ ଦେବାଶିଷ ସାହୁ ନିର୍ଦ୍ୱନ୍ଦ୍ୱରେ ରହିଛନ୍ତି। କ୍ରୀଡ଼ା ସଂସଦ ସମ୍ପାଦକ ପଦବୀ ପାଇଁ ରାଜେଶ ଗୌଡ଼, ସନ୍ତୋଷ ବେହେରା ଓ ଶୁଭମ କୁମାର ମୁନିଙ୍କ ମଧ୍ୟରେ ଲଢ଼େଇ ହେବ। ନାଟ୍ୟ ସଂସଦ ସମ୍ପାଦକ ପଦବୀ ପାଇଁ ବି. କିଶୋରୀ ପାତ୍ର, ବର୍ଷାରାଣୀ ବେହେରା ଓ ଶୁଭମ ବେହେରା ପ୍ରତିଦ୍ୱନ୍ଦ୍ୱିତା କରୁଛନ୍ତି।
ଅନ୍ୟପକ୍ଷରେ ଓଡ଼ିଆ ସାହିତ୍ୟ ସମାଜ ସମ୍ପାଦକ ପଦବୀରେ ଧନନ୍ତରୀ ଗୌଡ଼ ଏବଂ ବିଜ୍ଞାନ ବିଭାଗ ସମ୍ପାଦକ ପଦବୀରେ ସତ୍ୟଜିତ ପାତ୍ର ନିର୍ଦ୍ୱନ୍ଦ୍ୱ ରହିଛନ୍ତି। ଛାତ୍ର ପ୍ରକୋଷ୍ଠ ପ୍ରତିନିଧି ପଦବୀ ପାଇଁ ବି. ମୃତ୍ୟୁଞ୍ଜୟ ପାତ୍ର ଓ ରାଜା ସେଠୀ ଏବଂ ଛାତ୍ରୀ ପ୍ରକୋଷ୍ଠ ପ୍ରତିନିଧି ପଦବୀ ପାଇଁ ବର୍ଷାରାଣୀ ଗୌଡ଼ ଓ ସୁମିତ୍ରା ଗୌଡ଼ ନିର୍ବାଚନ ମଇଦାନରେ ରହିଥିବାନେଇ ନିର୍ବାଚନ ଅଧିକାରୀ ଡ. ପ୍ରବୀର କେଶରୀ ପ୍ରଧାନ ସୂଚନା ଦେଇଛନ୍ତି।
