ପାଟଣା,୭ା୧(ବୀର କିଶୋର ଦାଶ):କେନ୍ଦୁଝର ଜିଲା ପାଟଣା ବୈତରଣୀ ନଦୀ ପୋଲ ଉପରୁ ୩୦ଫୁଟ ତଳକୁ ଡେଇଁ ଜଣେ କଲେଜ ଛାତ୍ର ଆତ୍ମହତ୍ୟା ଉଦ୍ୟମ କରିଛନ୍ତି। ପାଣିରେ ପଡ଼ିବାରୁ ଆସନ୍ନ ବିପତ୍ତିରୁ ବର୍ତ୍ତି ଯାଇଛନ୍ତି। ଘଟଣାଟି ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି।
ଯୁବକ ଜଣକ ପାଟଣା ମୁଖ୍ୟାଳୟ ଆଞ୍ଚଳିକ ମହାବିଦ୍ୟାଳୟ ସ୍ବାମ ପାଟଣାରେ ଯୁକ୍ତ ୨ ଦିତୀୟ ବର୍ଷ କଳାରେ ଅଧ୍ୟୟନ କରୁଛନ୍ତି। ତାଙ୍କ ନା ଦୁଷ୍ମନ୍ତ ମହାନ୍ତ। ସେ ପାଟଣା ମୁଖ୍ୟାଳୟ ଏକ ମେସ କରି ରହୁଥିବା ବେଳେ ତାଙ୍କ ଘର ପାଟଣା ଥାନା ଶିଆଳି ଯୋଡା ଗାଁରେ। ସେ ଦିନ ସାଢ଼େ ଗୋଟେ ବେଳେ ପାଟଣା ବୈତରଣୀ ନଦୀ ପୋଲ ଉପରୁ ଡେଇଁ ପଡ଼ିଥିଲେ। ସେଠାରେ ଥିବା ପାଟଣା ମୁଖ୍ୟାଳୟର ଦୁର୍ଗା ଜ୍ୟୋତି ମହାନ୍ତି , ଓମ ପ୍ରକାଶ ସାହୁ, ସଚିନ୍ଦ୍ର ସାହୁ, ପ୍ରକାଶ କୁମାର ମହାରଣା ଓ ତାଙ୍କ ସାଙ୍ଗମାନେ ସଙ୍ଗେ ସଙ୍ଗେ ତାଙ୍କୁ ଉଦ୍ଧାର କରି ପାଟଣା ପୋଲିସକୁ ଖବର ଦେଇଥିଲେ। ଘଟଣାସ୍ଥଳରେ ପାଟଣା ପୋଲିସ ପହଞ୍ଚି ଯୁବକଙ୍କୁ ପାଟଣା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ପ୍ରାଥମିକ ଚିକିତ୍ସା କରି ତାଙ୍କ ମା’ କୁନ୍ତଳାଙ୍କୁ ଜିମା ଦେଇଛନ୍ତି।
ସୂଚନାଯୋଗ୍ୟ ଯେ, ଦୁଷ୍ମନ୍ତ ପାଟଣା ବ୍ଲକ ଅଞ୍ଚଳ ର ଆଉ ଏକ ମହାବିଦ୍ୟାଳୟର ଜଣେ ପ୍ରଥମ ବର୍ଷ ଯୁକ୍ତ ୨କଳାରେ ଅଧ୍ୟୟନ କରୁଥିବା ଛାତ୍ରୀଙ୍କୁ ଭଲ ପାଉଥିଲେ। ଯୁବତୀ ଜଣକ କୁଆଡେ ଦୁଷ୍ମନ୍ତଙ୍କୁ ଛାଡି ନୂଆ ବୟଫ୍ରେଣ୍ଡ କରିବାରୁ ଯୁବକ ଭାଙ୍ଗି ପଡ଼ି ମାନସିକ ଭାରସାମ୍ୟ ହରାଇ ଜୀବନ ହାରିବା ଭଳି ଚରମ ପଦକ୍ଷେପ ନେବାକୁ ଉଦ୍ୟମ ଉଦ୍ୟମ କରିଥିବା କୁହାଯାଉଛି।
