ଦୁନିଆରେ ସବୁଠାରୁ ସୁନ୍ଦର ମହିଳାମାନେ କେଉଁ ଦେଶରେ ରୁହନ୍ତି? ଏହି ପ୍ରଶ୍ନ ଉପରେ ଏକ ନୂତନ ରାଙ୍କିଙ୍ଗ ସାମାନ୍ୟକୁ ଆସିଛି। ଟ୍ରାଭେଲ ପ୍ଲାଟଫର୍ମ ‘Mytour’ ୨୦ଟି ଦେଶର ଏକ ତାଲିକା ଜାରି କରିଛି। ଏଥିରେ ରୁଷକୁ ପ୍ରଥମ, ଭେନେଜୁଏଲାକୁ ଦ୍ୱିତୀୟ ଏବଂ ଭାରତକୁ ତୃତୀୟ ସ୍ଥାନ ଦିଆଯାଇଛି। ଦକ୍ଷିଣ ଆଫ୍ରିକାରେ ଥିବା ରୁଷୀୟ ଦୂତାବାସର ଅଧିକାରୀକ X ଆକାଉଣ୍ଟ ମଧ୍ୟ ଏହି ତାଲିକାକୁ ସେୟାର୍ କରିଛି। ଏହି ରାଙ୍କଙ୍ଗରେ ଭାରତ ଅନେକ ବଡ଼ ଦେଶକୁ ପଛରେ ପକାଇ ଟପ-୩ ରେ ସ୍ଥାନ ହାସଲ କରିଛି। ଆର୍ଜେଣ୍ଟିନା ଚତୁର୍ଥ ଏବଂ ସର୍ୱିଆ ପଞ୍ଚମ ସ୍ଥାନରେ ରହିଛି। ଏହି ତାଲିକାରେ ୟୁରୋପ, ଏସିଆ, ଉତ୍ତର ଆମେରିକା ଏବଂ ଦକ୍ଷିଣ ଆମେରିକାର ଅନେକ ଦେଶକୁ ସାମିଲ କରାଯାଇଛି।
Mytour ର ତାଲିକାରେ ରୁଷକୁ ପ୍ରଥମ ସ୍ଥାନରେ ରଖାଯାଇଛି। ୱେବସାଇଟ ଅନୁଯାୟୀ, ରୁଷୀୟ ମହିଳାମାନଙ୍କଠାରେ ୟୁରୋପ ଏବଂ ଏସିଆ ଉଭୟର ଶାରୀରିକ ବୈଶିଷ୍ଟ୍ୟର ମିଶ୍ରଣ ଦେଖିବାକୁ ମିଳେ। ଏହି କାରଣରୁ ରୁଷକୁ ଏହି ତାଲିକାରେ ପ୍ରଥମ ସ୍ଥାନ ଦିଆଯାଇଛି। ଭେନେଜୁଏଲା ଦ୍ୱିତୀୟ ସ୍ଥାନରେ ଅଛି। ଏହି ଦେଶଟି ଅନ୍ତର୍ଜାତୀୟ ସୌନ୍ଦର୍ଯ୍ୟ ପ୍ରତିଯୋଗିତାଗୁଡ଼ିକ ପାଇଁ ଜଣାଶୁଣା। ଏଠାକାର ଅନେକ ମହିଳା ’ମିସ ୟୁନିଭର୍ସ’ ଏବଂ ଅନ୍ୟାନ୍ୟ ବଡ଼ ପ୍ରତିଯୋଗିତାରେ ଖିତାବ ଜିତିଛନ୍ତି। ଭାରତକୁ ଏହି ତାଲିକାରେ ତୃତୀୟ ସ୍ଥାନ ମିଳିଛି।
Mytour ଭାରତର ବିଭିନ୍ନ ସଂସ୍କୃତି ଏବଂ ସମ୍ପ୍ରଦାୟକୁ ଏହାର ମୁଖ୍ୟ କାରଣ ବୋଲି ଦର୍ଶାଇଛି। ଭାରତରେ ପ୍ରତ୍ୟେକ ଅଞ୍ଚଳର ନିଜସୱ ଭାଷା, ପୋଷାକ ଏବଂ ଜୀବନଶୈଳୀ ରହିଛି। ଏଠାରେ ମହିଳାଙ୍କ ରୂପ-ରଙ୍ଗ ଏବଂ ପୋଷାକରେ ମଧ୍ୟ ବହୁତ ବିବିଧତା ଦେଖିବାକୁ ମିଳେ। ପାରମ୍ପରିକ ଶାଢ଼ୀ ଏବଂ ଅନ୍ୟାନ୍ୟ ଭାରତୀୟ ପୋଷାକଠାରୁ ଆରମ୍ଭ କରି ଆଧୁନିକ ଫ୍ୟାଶନ ପର୍ଯ୍ୟନ୍ତ, ସୌନ୍ଦର୍ଯ୍ୟର ଅନେକ ରୂପ ଏଠାରେ ନଜର ଆସିଥାଏ।
ଏଗୁଡ଼ିକ ହେଉଛି ବିଶ୍ୱର ୨୦ଟି ଦେଶର ସମ୍ପୂର୍ଣ୍ଣ ତାଲିକା
* ରୁଷ (Russia)
* ଭେନେଜୁଏଲା (Venezuela)
* ଭାରତ (India)
* ଆର୍ଜେଣ୍ଟିନା (Argentina)
* ସର୍ୱିଆ (Serbia)
* ସୱିଡେନ (Sweden)
* କୋଲମ୍ୱିଆ (Colombia)
* ଫ୍ରାନ୍ସ (France)
* ଇଟାଲୀ (Italy)
* ନେଦରଲ୍ୟାଣ୍ଡ (Netherlands)
* ଆମେରିକା (USA)
* ଡେନମାର୍କ (Denmark)
* ବ୍ରିଟେନ (UK)
* କାନାଡା (Canada)
* ଅଷ୍ଟ୍ରେଲିଆ (Australia)
* ଫିଲିପାଇନ୍ସ (Philippines)
* ଦକ୍ଷିଣ କୋରିଆ (South Korea)
* ତୁର୍କୀ (Turkey)
* ବ୍ରାଜିଲ (Brazil)
* ୟୁକ୍ରେନ (Ukraine)
ଏହି ତାଲିକାରେ ଆମେରିକାକୁ ୧୧ଶ ସ୍ଥାନ ଦିଆଯାଇଛି। ଡେନମାର୍କ ୧୨ତମ ଏବଂ ବ୍ରିଟେନ ୧୩ତମ ସ୍ଥାନରେ ଅଛି। କାନାଡାକୁ ୧୪ତମ ଏବଂ ଅଷ୍ଟ୍ରେଲିଆକୁ ୧୫ତମ ସ୍ଥାନ ମିଳିଛି। ସେହିପରି ଫିଲିପାଇନ୍ସ ୧୬ତମ ଏବଂ ଦକ୍ଷିଣ କୋରିଆ ୧୭ତମ ସ୍ଥାନରେ ଅଛନ୍ତି। ତୁର୍କୀକୁ ୧୮ତମ, ବ୍ରାଜିଲକୁ ୧୯ତମ ଏବଂ ୟୁକ୍ରେନକୁ ୨୦ତମ ସ୍ଥାନ ଦିଆଯାଇଛି। ଏହିପରି ଭାରତ ଏହି ତାଲିକାରେ ଆମେରିକା, ବ୍ରିଟେନ, ଫ୍ରାନ୍ସ, ଇଟାଲୀ ଏବଂ ଦକ୍ଷିଣ କୋରିଆ ପରି ଦେଶଗୁଡ଼ିକଠାରୁ ଆଗରେ ରହିଛି। Mytour ର ୱେବସାଇଟରେ ଏହି ରାଙ୍କିଙ୍ଗ ୧୫ ଅକ୍ଟୋବର 2026 ରେ ଅପଡେଟ କରାଯାଇଥିଲା। ଏହା ପରେ ଦକ୍ଷିଣ ଆଫ୍ରିକାରେ ଥିବା ରୁଷୀୟ ଦୂତାବାସର ଅଧିକାରୀକ X ଆକାଉଣ୍ଟ ମଧ୍ୟ ଏହାକୁ ସେୟାର୍ କରିଥିଲା।
ଏହି ରାଙ୍କିଙ୍ଗକୁ ଦୁନିଆର ସବୁଠାରୁ ସୁନ୍ଦର ମହିଳାମାନଙ୍କର ସରକାରୀ ତାଲିକା ଭାବରେ ବିବେଚନା କରାଯାଇପାରିବ ନାହିଁ। Mytour ର ୱେବସାଇଟ୍ରେ ଏହା କୁହାଯାଇ ନାହିଁ ଯେ ଏହି ତାଲିକା ପ୍ରସ୍ତୁତ କରିବା ପାଇଁ କେଉଁ ବୈଜ୍ଞାନିକ ଅଧ୍ୟୟନ କିମ୍ୱା ସର୍ୱେକ୍ଷଣ କରାଯାଇଛି। ଦେଶଗୁଡ଼ିକୁ କେଉଁ ଆଧାରରେ ନମ୍ୱର ଦିଆଯାଇଛି, ତାହା ମଧ୍ୟ ସ୍ପଷ୍ଟ ନାହିଁ।
ବାସ୍ତବରେ, ସୌନ୍ଦର୍ଯ୍ୟକୁ ନେଇ ପ୍ରତ୍ୟେକ ବ୍ୟକ୍ତିଙ୍କ ପସନ୍ଦ ଅଲଗା ଅଲଗା ହୋଇଥାଏ। କାହାରିକୁ କୌଣସି ବିଶେଷ ପ୍ରକାରର ପୋଷାକ ପସନ୍ଦ ଆସେ, ତ ଆଉ କାହାରିକୁ ଚେହେରା କିମ୍ୱା ବ୍ୟକ୍ତିତ୍ୱର ଅନ୍ୟାନ୍ୟ ଗୁଣଗୁଡ଼ିକ ଭଲ ଲାଗେ। ବିଭିନ୍ନ ଦେଶ ଏବଂ ସଂସ୍କୃତିରେ ମଧ୍ୟ ସୌନ୍ଦର୍ଯ୍ୟକୁ ଦେଖିବାର ଦୃଷ୍ଟିକୋଣ ଅଲଗା ହୋଇପାରେ।
ଏଥିରୁ ସ୍ପଷ୍ଟ ହୁଏ ଯେ ସୌନ୍ଦର୍ଯ୍ୟର ଏଭଳି ରାଙ୍କିଙ୍ଗ ପାଇଁ କୌଣସି ଏକ ର୍ନିଦ୍ଦିଷ୍ଟ ଏବଂ ସର୍ୱମାନ୍ୟ ମାନଦଣ୍ଡ ନାହିଁ। ବର୍ତ୍ତମାନ Mytour ର ଏହି ତାଲିକାକୁ ନେଇ ସୋସିଆଲ ମିଡିଆରେ ଚର୍ଚ୍ଚା ଚାଲିଛି। ଭାରତକୁ ତୃତୀୟ ଏବଂ ରୁଷକୁ ପ୍ରଥମ ସ୍ଥାନ ମିଳିଥିବାରୁ ଲୋକଙ୍କ ନଜର ଏହା ଉପରେ ପଡ଼ିଛି।
