ଜୁନାଗଡ,୨୭।୭(ଡି.ଏନ୍.ଏ)-କଳାହାଣ୍ଡି ଜିଲା ଜୁନାଗଡ ବ୍ଲକ ଛୋରିଆଗଡ ପଞ୍ଚାୟତ ସାନଫୁର୍ଲା ଗ୍ରାମରେ ସୋମବାର ଅପରାହ୍ନରେ ଜୋରରେ ପବନ ବୋହିବା ସହ ବର୍ଷା ହୋଇଥିଲା। ଏହାର ପ୍ରଭାବରେ ଗଁାରେ ଥିବା ବିଦ୍ୟୁତ୍ ଟ୍ରାନ୍ସଫର୍ମରର ସିମେଣ୍ଟ ଖମ୍ବ ଭାଙ୍ଗି ପଡିଥିଲା। ଫଳରେ ଖମ୍ବ ଉପରେ ଲଗାଯାଇଥିବା ୬୩ କେଭି ଟ୍ରାନ୍ସଫର୍ମର ତଳେ ପଡିଯାଇଥିଲା। ଏହା ପରଠାରୁ ଗ୍ରାମରେ ବିଦ୍ୟୁତ୍ ସରବରାହ ବନ୍ଦ ରହିଛି। ଏଥିଯୋଗଁୁ ଗ୍ରାମର ପ୍ରାୟ ଶହେ ଉପଭୋକ୍ତା ଏବେ ଅନ୍ଧାକାରରେ ରହିଛନ୍ତି। ଘଟଣା ସମ୍ପର୍କରେ ସ୍ଥାନୀୟ ସମିତି ସଭ୍ୟ ପ୍ରେମଲାଲ ନାଏକ ବିଭାଗୀୟ ଏସ୍ଡିଓଙ୍କୁ ଅବଗତ କରାଇଛନ୍ତି। ଅନୁଧ୍ୟାନ କରି ଶୀଘ୍ର ପଦକ୍ଷେପ ନିଆଯିବ ବୋଲି କହିଛନ୍ତି ଏସ୍ଡିଓ ପ୍ରଦୀପ୍ତ କୁମାର ଦାଶ।
