ଗାଁକୁ ଯାଇ ପାଠ ପଢ଼ାଇବେ ଶିକ୍ଷକ

ଭୁବନେଶ୍ୱର,୧୫।୮(ବ୍ୟୁରୋ): କରୋନା ସଂକ୍ରମଣ ଯୋଗୁ ରାଜ୍ୟର ଶିକ୍ଷା ବ୍ୟବସ୍ଥା ଦୋହଲିଯାଇଛି। କେବେ ସ୍କୁଲ ଖୋଲିବ ଏବଂ ଶ୍ରେଣୀରେ ପାଠପଢ଼ା ସ୍ବାଭାବିକ ହେବ ସେନେଇ ନିର୍ଦ୍ଦିଷ୍ଟ କହିହେଉନାହିଁ। ତେଣୁ ଅନ୍‌ଲାଇନ୍‌ ପାଠପଢ଼ାକୁ ଅଧିକାଂଶ ଶିକ୍ଷାନୁଷ୍ଠାନ ଆପଣାଇଛନ୍ତି। କିନ୍ତୁ ଏ କ୍ଷେତ୍ରରେ ସରକାରୀ ବିଦ୍ୟାଳୟଗୁଡିକ ଏକ ପ୍ରକାର ଫେଲ୍‌ ହୋଇଥିବା ଜଣାପଡିଛି। ରାଜ୍ୟର ମୋଟ ୬୦ ଲକ୍ଷ ପିଲାଙ୍କ ମଧ୍ୟରୁ ୨୨ ଲକ୍ଷ ଅନ୍‌ଲାଇନ ବ୍ୟବସ୍ଥାରେ ପଢ଼ିବାକୁ ସକ୍ଷମ ଥିବାବେଳେ ୪୦ଲକ୍ଷ ଏଥିରୁ ବଞ୍ଚିତ ଅଛନ୍ତି। ଏଥିସକାଶେ ଅନ୍‌ଲାଇନ ପାଠପଢ଼ାର ବିକଳ୍ପ ଚିନ୍ତା କରି ରାଜ୍ୟ ସରକାରଙ୍କ ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ‘ଶିକ୍ଷା ସମ୍ପର୍କ’ ଆରମ୍ଭ ହେବାକୁ ଯାଉଥିବା ଜଣାପଡିଛି। ଏହି ବ୍ୟବସ୍ଥା ଦ୍ୱାରା ଶିକ୍ଷକମାନେ ଗ୍ରାମାଞ୍ଚଳକୁ ଯାଇ ପିଲାମାନଙ୍କୁ ପାଠ ପଢ଼ାଇବେ। ଏଥିପାଇଁ ବିଭାଗୀୟ ବୈଠକ ଶେଷ ହୋଇସାରିଥିବା ବେଳେ ଆସନ୍ତା ସପ୍ତାହକ ମଧ୍ୟରେ ଘୋଷଣା ହେବ ବୋଲି ଜଣାପଡିଛି।
ସରକାର ଆରମ୍ଭ କରିବାକୁ ଯାଉଥିବା ‘ଶିକ୍ଷା ସମ୍ପର୍କ’ ଅନୁଯାୟୀ, ଶିକ୍ଷକମାନେ ଗାଁରେ ଯାଇ ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ପିଲାଙ୍କୁ ପଢ଼ାଇବେ। ଗୋଟିଏ ସ୍ଥାନରେ ସର୍ବାଧିକ ୧୦ଜଣ ପିଲାଙ୍କ ପାଠପଢ଼ା ହୋଇପାରିବ। ଗାଁର ଗୋଟିଏ ସ୍ଥାନ ଚୂଡାନ୍ତ କରାଯିବା ସହ ସବୁ କୋଭିଡ୍‌ ନିୟମ ମାନି ପାଠ ପଢ଼ାଯିବ। ସୋମବାରଠାରୁ ଶୁକ୍ରବାର ପର୍ଯ୍ୟନ୍ତ ଶିକ୍ଷୟିତ୍ରୀ, ଶିକ୍ଷକମାନେ ପାଳି ଅନୁସାରେ ଗାଁକୁ ଯାଇ ପଢାଇବେ। ପ୍ରଧାନ ଶିକ୍ଷକ ଏ ସମସ୍ତ ବ୍ୟବସ୍ଥାର ତଦାରଖ କରିବେ। ପାଠପଢ଼ା ସ୍ଥାନରେ ଗହଳି ନ ହେବା ପ୍ରତି ଧ୍ୟାନ ଦିଆଯିବ। ଶିକ୍ଷକମାନେ ପିଲାମାନଙ୍କୁ ହୋମଓ୍ବାର୍କ ଦେଇଆସିବେ ଏବଂ ପରଦିନ ସେସବୁକୁ ଠିକ୍‌ଭାବେ ଯାଞ୍ଚ କରିବେ। ଗାଁର କେଉଁଠାରେ ପାଠପଢ଼ା ଲାଗି ସ୍ଥାନ(କୋଠଘର, ପଞ୍ଚାୟତ ଅଫିସ, ଭାଗବତ ଟୁଙ୍ଗି) ଠିକ ହେବ ସେନେଇ ସରପଞ୍ଚଙ୍କ ସହ ଆଲୋଚନା କରାଯାଇ ସ୍ଥିର ହେବ। ସେହିପରି ୯ମରୁ ୧୦ଶ୍ରେଣୀ ପର୍ଯ୍ୟନ୍ତ ସର୍ବାଧିକ ୨୦ରୁ ୨୫ ପିଲାଙ୍କୁ ନେଇ ପାଠପଢ଼ା ହେବ। ସପ୍ତାହକୁ ଗୋଟିଏ ଥର ଅଭିଭାବକଙ୍କ ସହିତ ଶିକ୍ଷକମାନେ ଯୋଗାଯୋଗ କରି ସେମାନଙ୍କ ମତାମତ ନେବେ। ଯେଉଁ ପିଲାମାନେ ଗଁାରେ ପଢ଼ାହେବା ସ୍ଥାନକୁ ନ ଆସିପାରିବେ ସେହି କ୍ଷେତ୍ରରେ ଅନୁପସ୍ଥିତ ଛାତ୍ରୀଛାତ୍ରଙ୍କୁ ଅଡିଓ କଲ୍‌ କରାଯିବ। ଏହାସହ ସ୍କୁଲ ଲାଇବ୍ରେରୀରେ ଥିବା ବହିଗୁଡ଼ିକକୁ ମଧ୍ୟ ଶିକ୍ଷକମାନେ ଗାଁରେ ପଢାହେବା ସ୍ଥାନକୁ ଆଣି ଯୋଗାଇବା ଲାଗି ସ୍ଥିର କରାଯାଇଛି।
‘ଶିକ୍ଷା ସମ୍ପର୍କ’ ବ୍ୟବସ୍ଥାକୁ ଠିକଣା ଢଙ୍ଗରେ ପରିଚାଳନା ପାଇଁ ରାଜ୍ୟ ଏବଂ ଜିଲାସ୍ତରରେ କଣ୍ଟ୍ରୋଲ ରୁମ୍‌ ରହିବ। ଶିକ୍ଷକମାନେ ଗଁାର ଯେଉଁଠି ପାଠ ପଢ଼ାଇବେ ସେଠାରୁ ଫଟୋ ଉଠାଇ ଜିଓ-ଟ୍ୟାଗିଂ କରି ପଠାଇବେ। ପ୍ରଧାନ ଶିକ୍ଷକ ଏସବୁର ଦାୟିତ୍ୱ ତୁଲାଇବା ସହ ପ୍ରତ୍ୟେକ ଶନିବାର ସମୀକ୍ଷା କରିବେ। ବ୍ଲକ ଶିକ୍ଷା ଅଧିକାରୀ(ବିଇଓ), ଗୋଷ୍ଠୀ ସାଧନ କେନ୍ଦ୍ର ସଂଯୋଜକ (ସିଆର୍‌ସିସି) ଅଚାନକ ପାଠପଢ଼ା ସ୍ଥାନକୁ ଗସ୍ତ କରି ସ୍ଥିତି ଅନୁଧ୍ୟାନ କରିବେ। କେତେ ଗ୍ରାମରେ ପାଠପଢ଼ା ହେଲା, କେତେ ଛାତ୍ରୀଛାତ୍ର ଭାଗ ନେଇଛନ୍ତି ଏବଂ କେଉଁସବୁ ବିଷୟ କେତେ ସରିଲା ତାହାର ତଥ୍ୟ ସଂଗ୍ରହ କରାଯିବ। ଉପୁଜୁଥିବା ସମସ୍ୟାର ସମାଧାନ ପାଇଁ ହେଲ୍ପଲାଇନ ନମ୍ବର ରହିବ। ଯେଉଁ ଶିକ୍ଷୟିତ୍ରୀ, ଶିକ୍ଷକମାନେ କୋଭିଡ୍‌-୧୯ ଦାୟିତ୍ୱରେ ରହିଛନ୍ତି ସେମାନଙ୍କୁ କୌଣସି ଦାୟିତ୍ୱ ଦିଆଯିବ ନାହିଁ। ଏଭଳି ଅନେକ ନିୟମ କରାଯାଇଥିବାବେଳେ ଆହୁରି ଦୁଇଟି ପ୍ରସ୍ତାବ ଏଥିରେ ଯୋଡ଼ାଯିବ ବୋଲି ଜଣାପଡିଛି। ଶିକ୍ଷକମାନେ ପାଠ ପଢ଼ାଇବାକୁ ଆସିବା ସମୟରେ ସେମାନଙ୍କ ସାନିଟାଇଜେଶନ ଲାଗି ଯାହା ଖର୍ଚ୍ଚ ହେବ ତାହା ସ୍କୁଲ ପାଣ୍ଠିରୁ ଦିଆଯିବ। ଏହାସହ ପରିବର୍ତ୍ତିତ କୋର୍ସ ଅନୁଯାୟୀ ପାଠ ପଢ଼ାଯିବ। ଏହି ନୂଆ ବ୍ୟବସ୍ଥା ଅଗଷ୍ଟ ଶେଷ ସୁଦ୍ଧା ଆରମ୍ଭ ହୋଇପାରେ ବୋଲି ଜଣାପଡ଼ିଛି। ହେଲେ ସହରାଞ୍ଚଳ ପିଲାଙ୍କ କ୍ଷେତ୍ରରେ ଏହି ବ୍ୟବସ୍ଥା ଲାଗୁ ହେବନାହିଁ। ଏହି କ୍ଷେତ୍ରରେ କ’ଣ କରାଯିବ ତାହାକୁ ନେଇ ସରକାର ବିଚାର କରିନାହାନ୍ତି। ସହରାଞ୍ଚଳ ପିଲାଙ୍କ ଲାଗି କିଛି ନୂଆ ବ୍ୟବସ୍ଥା ଆସିପାରେ ବୋଲି ଜଣେ ଅଧିକାରୀ ସୂଚନା ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

ପୁଣି ୫-ଟିକୁ ଅପରାଜିତାଙ୍କ ସମାଲୋଚନା

ଭୁବନେଶ୍ୱର,୧୦।୧୧(ବ୍ୟୁରୋ): ପୁଣି ଥରେ ରାଜ୍ୟ ସରକାରଙ୍କ ପକ୍ଷରୁ ଆରମ୍ଭ କରାଯାଇଥିବା ୫-ଟି କାର୍ଯ୍ୟକ୍ରମକୁ ସମାଲୋଚନା କରିଛନ୍ତି ଭାଜପା ନେତ୍ରୀ ତଥା ଏମ୍‌ପି ଅପରାଜିତା ଷଡ଼ଙ୍ଗୀ। ସମ୍ବଲପୁର...

‘ବ୍ରହ୍ମୋସ’ର ସଫଳ ପରୀକ୍ଷଣ

ବାଲେଶ୍ୱର ଅଫିସ,୨୦ା୧: ସୁପରସୋନିକ କ୍ରୁଜ କ୍ଷେପଣାସ୍ତ୍ର ‘ବ୍ରହ୍ମୋସ’ର ଗୁରୁବାର ସଫଳ ପରୀକ୍ଷଣ ହୋଇଛି। ଚାନ୍ଦିପୁର ପରିକ୍ଷଣ କେନ୍ଦ୍ରର ୩ ନମ୍ବର ଲଞ୍ଚ ପ୍ୟାଡ୍‌ରୁ ଆଜି ପୂର୍ବାହ୍ନ...

ଟିଟୋଙ୍କ ସହଯୋଗୀ ଡାଙ୍ଗ ଗିରଫ: କେନ୍ଦ୍ରାପଡ଼ାର ହୋଟେଲରୁ ଧରିଲା ଏସ୍‌ଟିଏଫ୍‌

ଭୁବନେଶ୍ୱର, ୬।୧୦(ବ୍ୟୁରୋ): ଗ୍ୟାଙ୍ଗଷ୍ଟର ଟିଟୋଙ୍କ ଡାହାଣ ହାତ କୁହାଯାଉଥିବା ସେକ୍‌ ଜାବିଦ୍‌ ଓରଫ ଡାଙ୍ଗଙ୍କୁ ଏସ୍‌ଟିଏଫ୍‌ ଶନିବାର ସକାଳେ କେନ୍ଦ୍ରାପଡ଼ାର ଏକ ହୋଟେଲରୁ ଗିରଫ କରିଛି।...

ଆଜି ରାଜ୍ୟରୁ ୧୧୪ ପଜିଟିଭ୍‌ ଚିହ୍ନଟ, ସୁନ୍ଦରଗଡ଼ରୁ ସର୍ବାଧିକ

ଭୁବନେଶ୍ୱର,୩୧।୧(ବ୍ୟୁରୋ): ରବିବାର ୧୧୪ ପଜିଟିଭ୍‌ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ବର୍ତ୍ତମାନ ମୋଟ୍‌ କରୋନା ଆକ୍ରାନ୍ତଙ୍କ ସଂଖ୍ୟା ୩,୩୫,୦୭୨ରେ ପହଞ୍ଚିଥିବା ରାଜ୍ୟ ସୂଚନା ଓ...

ନିର୍ଦ୍ଦେଶନାମାର ପ୍ରୟୋଗ କମ୍‌, ପ୍ରଚାର ଅଧିକ: କାହା ପାଇଁ ତାଲା, କାହା ପାଇଁ ଖୋଲା

ଭୁବନେଶ୍ୱର, ୧୦।୫ (ବ୍ୟୁରୋ): କରୋନାକୁ ରୋକୁଥିବା ମୁଖ୍ୟଅସ୍ତ୍ର ସାମାଜିକ ଦୂରତ୍ୱ ନିୟମ ଅନୁପାଳନ କ୍ଷେତ୍ରରେ ସାଲିସ୍‌ କରାଯାଉଥିବା ଦେଖିବାକୁ ମିଳିଛି। କ୍ଷୁଦ୍ର ଓ ମଧ୍ୟମ ବ୍ୟବସାୟୀଙ୍କ...

ବଢ଼ିବନି ବିଜୁଳି ଦର

ଭୁବନେଶ୍ୱର,୨୫ା୩(ବ୍ୟୁରୋ): ୨୦୨୨-୨୩ ଆର୍ଥିକବର୍ଷ ପାଇଁ ରାଜ୍ୟରେ ବିଦ୍ୟୁତ୍‌ ଦର ବୃଦ୍ଧି ହେବ ନାହିଁ। ପୂର୍ବ ଦର ଅପରିବର୍ତ୍ତିତ ରହିବ। ଓଡ଼ିଶା ବିଦ୍ୟୁତ୍‌ ନିୟାମକ ଆୟୋଗ (ଓଇଆରସି)...

୧୦ରେ ଓଡ଼ିଶା ଛୁଇଁପାରେ ମୌସୁମୀ

ଭୁବନେଶ୍ୱର,୨।୬(ବ୍ୟୁରୋ): ଦକ୍ଷିଣ-ପଶ୍ଚିମ ମୌସୁମୀ ସୋମବାର କେରଳ ଛୁଇଁଛି। ଆଉ ୯ ଦିନ ପରେ ଓଡ଼ିଶାରେ ପାଦ ଥାପିବ। ସେଥିପାଇଁ ପାଗ ଅନୁକୂଳ ରହିଛି। ଆସନ୍ତା ୮...

ଯୁବକଙ୍କ ଶରୀରରୁ ବାହାରିଲା ୧୨କେଜିର ଟ୍ୟୁମର

ଭୁବନେଶ୍ୱର,୫ା୩ (ବ୍ୟୁରୋ): ଜଣେ ୨୯ ବର୍ଷୀୟ ଯୁବକଙ୍କ ଶରୀରରୁ ବାହାରିଛି ୧୨ କିଲୋ ଗ୍ରାମର ଏକ ବିରଳ ଜେନେଟିକ୍‌ ଟ୍ୟୁମର୍‌। ଦୀର୍ଘ ୩ ଘଣ୍ଟାର ଅସ୍ତ୍ରୋପଚାର...

Advertisement
Archives

Model This Week