ନୂଆଦିଲ୍ଲୀ,୨୬/୧୦: ଭାରତରେ ଏଣିକି ଟାଟା ଗ୍ରୁପ ନିର୍ମାଣ କରିବ ଆପଲ୍ ଆଇଫୋନ୍। ଏହି ଘୋଷଣା କରିଛନ୍ତି ଇଲେକ୍ଟ୍ରୋନିକ୍ସ ଏବଂ ପ୍ରଯୁକ୍ତିବିଦ୍ୟା ମନ୍ତ୍ରୀ ରାଜୀବ ଚନ୍ଦ୍ରଶେଖର। ଟାଟା ଗ୍ରୁପ୍ ସହିତ ୱିଷ୍ଟ୍ରନ୍ କାରଖାନା ଅଧିଗ୍ରହଣ ପାଇଁ ଚୁକ୍ତି ଅନୁମୋଦନ ମିଳିଛି, ଯାହା ପରେ ଟାଟା ଗ୍ରୁପ ପାଇଁ ଆଇଫୋନେ ନିର୍ମାଣ ରାସ୍ତା ପ୍ରଶସ୍ତ ହୋଇଛି। ଏହି ବିକାଶ ଆଗକୁ ଭାରତର ମାନୁଫାକଚରିଂ କ୍ଷେତ୍ରକୁ ଶକ୍ତି ଯୋଗାଇବ ଏବଂ ସମଗ୍ର ବିଶ୍ୱରେ ଚାଇନାର ନିର୍ମିତ ନୂତନ ଉପକରଣ ବିକ୍ରୟ ହ୍ରାସ କରିବାର ଆପଲ୍ ର ପୂର୍ବ ରଣନୀତିକୁ ସହଯୋଗ ମିଳିବ।
ୱିଷ୍ଟ୍ରନ୍ କାରଖାନା କର୍ଣାଟକର ସାଉଥଇଷ୍ଟରେ ରହିଛି। ରିପୋର୍ଟ ଅନୁଯାୟୀ ମାର୍ଚ୍ଚ ୨୦୨୪ ମଧ୍ୟରେ ଏହି କାରଖାନାରୁ ପ୍ରାୟ ୧.୮ ବିଲିୟନ ଡଲାର ମୂଲ୍ୟର ଆପଲ୍ ଆଇଫୋନ୍ ପ୍ରସ୍ତୁତ ହେବ। ଟାଟା ଏହି କାରଖାନାରେ ଆପଲ୍ ର ବିଶ୍ୱ ବଜାର ପାଇଁ ଆଇଫୋନ୍ ୧୫ ପ୍ରସ୍ତୁତ କରିବ।
ଟାଟା ଅଧିଗ୍ରହଣ କରିଥିବା ୱିଷ୍ଟ୍ରନ୍ କାରଖାନାର ମୂଲ୍ୟ ୬୦୦ ମିଲିୟନ ଡଲାର ଅଟେ। ଏହି ଚୁକ୍ତି ପାଇଁ ଦୁଇ କମ୍ପାନୀ ମଧ୍ୟରେ ଗତ ଏକ ବର୍ଷ ହେବ ଆଲୋଚନା ଚାଲୁଥିଲା। ଏହି କାରଖାନାକୁ ଆଇଫୋନ ୧୪ ନିର୍ମାଣ ପାଇଁ ଜଣାଯାଉଥିଲା। ଏହିକାରଖାନାରେ ପ୍ରାୟ ୧୦ ହଜାର ଲୋକେ କାମ କରୁଛନ୍ତି।
PM @narendramodi Ji's visionary PLI scheme has already propelled India into becoming a trusted & major hub for smartphone manufacturing and exports.
Now within just two and a half years, @TataCompanies will now start making iPhones from India for domestic and global markets from… pic.twitter.com/kLryhY7pvL
— Rajeev Chandrasekhar 🇮🇳 (@RajeevRC_X) October 27, 2023
ରିପୋର୍ଟଗୁଡିକ ଅନୁଯାୟୀ ୱିଷ୍ଟ୍ରନ୍ ର ଏହି କାରଖାନାର କ୍ଷତିରେ ଚାଲୁଥିଲା। କାରଣ କମ୍ପାନୀ ଆପଲର ସର୍ତ୍ତ ଅନୁଯାୟୀ କ୍ଷତିର ସମ୍ମୁଖୀନ ହେଉଛି। ୱିଷ୍ଟ୍ରନ୍ କହିଛି ଯେ ଆପଲ୍ ଫକ୍ସକନ୍ ଏବଂ ପେଗାଟ୍ରନ୍ ଅପେକ୍ଷା ଅଧିକ ମାର୍ଜିନ ଚାର୍ଜ କରୁଛି। ଏଥି ସହିତ ଚୀନ୍ ତୁଳନାରେ ଭାରତରେ ବିଭିନ୍ନ ଚ୍ୟାଲେଞ୍ଜ ରହିଛି, ଯେଉଁ କାରଣରୁ ଭାରତରେ କର୍ମଚାରୀଙ୍କ ସହ କାମ କରିବା କଷ୍ଟକର ହୋଇପଡୁଛି। ଏଭଳି ପରିସ୍ଥିତିରେ ୱିଷ୍ଟ୍ରନ୍ ଏହାର କମ୍ପାନୀ ବିକ୍ରୟ କରିବାକୁ ଯାଉଛି।
