ଗଞ୍ଜାମ,୬।୧୨:(ବିଦ୍ୟାଧର ସାହୁ ): ଗଞ୍ଜାମ ବ୍ଲକ ଅନ୍ତର୍ଗତ ଖଣ୍ଡଦେଉଳି ସହିଦ ଭଗତ ସିଂ କଲେଜରେ ସୋମବାର ଆତ୍ମସୁରକ୍ଷା ତାଲିମ ଶିବିର ଉଦ୍ଘାଟିତ ହୋଇଯାଇଛି । କଲେଜ ଅଧକ୍ଷା ମିନତୀ ପଟ୍ଟନାୟକ ଏହାର ଶୁଭାରମ୍ଭ କରିଥିଲେ। ଏହି ଅବସରରେ କଲେଜ ଅଧ୍ୟାପିକା /ଅଧ୍ୟାପକ ଓ ଛାତ୍ରୀମାନଙ୍କୁ ନେଇ କଲେଜ ସଭା ଗୃହରେ ଏକ ସଭା ଅନୁଷ୍ଠିତ ହୋଇଥିଲା । ଏଥିରେ ଆତ୍ମସୁରକ୍ଷା ତାଲିମ ଶିବିର ସଭାପତି ନରସିଂହ ସାହୁ ସଭାପତିତ୍ୱ କରିଥିଲେ। ଶିବିର ସଂଯୋଜକ ଅଧ୍ୟାପିକା ମିନତୀ ରଥ ସଂଯୋଜନା କରିବା ସହ ଶିବିର ମୂଳଲକ୍ଷ୍ୟ ଉପରେ ବିବୃତି ରଖିଥିଲେ । ଓଡ଼ିଆ ଅଧ୍ୟାପକ ଡ଼ଃ ଗୌରୀ ଶଙ୍କର ଶତପଥୀଙ୍କ ସମେତ କଲେଜର ସମସ୍ତ ଅଧ୍ୟାପିକା, ଅଧ୍ୟାପକ, କର୍ମଚାରୀ ପ୍ରମୁଖ ଉପସ୍ଥିତ ଥିଲେ । ତାଲିମ ପ୍ରଶିକ୍ଷକ ସଙ୍ଗୀତା ସେଠୀ ଛାତ୍ରୀମାନଙ୍କୁ ବିଭିନ୍ନ କୌଶଳ ତାଲିମ ପ୍ରଦାନ କରିବେ । ଏକ ସପ୍ତାହ ଧରି ଏହି ତାଲିମ କାର୍ଯ୍ୟକ୍ରମ ଚାଲୁରହିବ ବୋଲି କଲେଜ କତୃପକ୍ଷଙ୍କ ପକ୍ଷରୁ ସୂଚନା ମିଳିଛି।
