ବୁଗୁଡ଼ା,୨୨।୨(ଡି.ଏନ୍.ଏ.): ଗଞ୍ଜାମ ଜିଲା ବୁଗୁଡା ବନାଞ୍ଚଳ ଅନ୍ତର୍ଗତ ବାଲିପଦର ସେକ୍ସନର କନ୍ଧ ଚନ୍ଦନପେଢ଼ି ଗ୍ରାମରୁ ଏକ ମାଈ କୃଷ୍ଣସାର ମୃଗ ଉଦ୍ଧାର ହୋଇଛି।
ଏକ ବୁଲା କୁକୁର ମୁହଁରୁ ମୃଗକୁ ଗ୍ରାମବାସୀ ଉଦ୍ଧାର କରିଛନ୍ତି। ରବିବାର ସାରେ କୃଷ୍ଣସାର ମୃଗଟି କନ୍ଧ ଚନ୍ଦନପେଢି ଗ୍ରାମ ନିକଟରେ ପହଞ୍ଚିଥିବା ବେଳେ ବୁଲା କୁକୁର ଟିଏ ତାକୁ ଆକ୍ରମଣ କରିଥିଲା। ଏହି ସମୟରେ ଗ୍ରାମବାସୀ ଉଦ୍ଧାରକରି ବନ ବିଭାଗକୁ ଖବର ଦେଇଥିଲେ । ବାଲିପଦର ବନପାଳ କ୍ଷୀରୋଦ ଗୌଡ଼ ଓ ପାରା ଫରେଷ୍ଟର କର୍ମଚାରୀ ବୃନ୍ଦ ପହଞ୍ଚି ଆହତ ମୃଗର ଚିକିତ୍ସା କରିଥିଲେ। ମୃଗଟି ସୁସ୍ଥ ଥିବାବେଳେ ତାକୁ କୃଷ୍ଣସାର ପଲରେ ଛଡ଼ାଯିବ ବୋଲି ବନାଞ୍ଚଳ ଅଧିକାରୀ ଫକୀର ଚରଣ ବେହେରା ସୂଚନା ଦେଇଥିଲେ।
