କାଏମା,୭ା୧(ଶିବ ପ୍ରସାଦ ମହାନ୍ତି):ଯାଜପୁର ଜିଲା ଧର୍ମଶାଳା ବିଧାନସଭା ନିର୍ବାଚନମଣ୍ଡଳୀର ଧର୍ମଶାଳା ଭବନ ପରିସରରେ ଥିବା ବହୁ ଚର୍ଚ୍ଚିତ ବଲେବଲେ ଢାବାକୁ ନେଇ ପୁଣି ରାଜନୈତିକ ଝଡ଼ ସୃଷ୍ଟି ହୋଇଛି। ଶନିବାର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଧର୍ମଶାଳା ଗସ୍ତରେ ଆସିଥିବା ବେଳେ ଚଣ୍ଡିଖୋଲ ନିକଟ ଧର୍ମଶାଳା ଭବନ ପରିସରରେ ଥିବା ବହୁ ଚର୍ଚ୍ଚିତ ବଲେବଲେ ଢାବାକୁ ଯାଇଥିଲେ ବୋଲି ବିଜେଡିର ପୂର୍ବତନ ବିଧାୟକ ପ୍ରଣବ ବଳବନ୍ତରାୟ ଭୁବନେଶ୍ୱରଠାରେ ଏକ ଖବରଦାତା ସମ୍ମିଳନୀରେ କହିଥିଲେ ା
ଏହି ଘଟଣାକୁ ନେଇ ସେ ବିଧାୟକ ହିମାଂଶୁ ଶେଖର ସାହୁଙ୍କୁ ମଧ୍ୟ ଟାର୍ଗେଟ କରିଥିଲେ। ବଳବନ୍ତରାୟ କହିଛନ୍ତି, ପୂର୍ବରୁ ଏହି ବଲେବଲେ ଢାବାକୁ ରଙ୍ଗଶାଳା ନାଁ ଦିଆଯିବା ସହ ଏଠାରେ ଅନୈତିକ କାର୍ଯ୍ୟ କରାଯାଉଥିବା ବୋଲି କୁହାଯାଉଥିଲା। କିନ୍ତୁ ୪ ତାରିଖରେ ମୁଖ୍ୟମନ୍ତ୍ରୀ ଧର୍ମଶାଳା ମହୋତ୍ସବରେ ଯୋଗଦେବାକୁ ଆସିଥିଲେ ା ଏହାପୂର୍ବରୁ ସେହି ବିବାଦୀୟ ବଲେବଲେ ଢାବାକୁ ସେ କ’ଣ ପାଇଁ ଯାଇଥିଲେ ବୋଲି ବଳବନ୍ତରାୟ ପ୍ରଶ୍ନ କରିଛନ୍ତି।
ବଳବନ୍ତରାୟଙ୍କ ପ୍ରଶ୍ନର ଉତ୍ତରରେ ହିମାଂଶୁ କହିଛନ୍ତି, ୨୪ବର୍ଷର ବଂଶବାଦ ଶାସନ ଚାଲିଯିବା ପରେ ପୂର୍ବତନ ବିଧାୟକ ମାନସିକ ଭାରସାମ୍ୟ ହରାଇ ବସିଛନ୍ତି । ଧର୍ମଶାଳା ଭବନ ପରିସରରେ ରହିଛି ବଲେବଲେ ଢାବା ା ମୁଖ୍ୟମନ୍ତ୍ରୀ ଧର୍ମଶାଳା ଭବନ ଯାଇଥିଲେ ା ତେଣୁ ବଳବନ୍ତରାୟ ମିଛ ନ କହି ସତକୁ ସାମ୍ନା କରିବାକୁ ଚେଷ୍ଟା କରନ୍ତୁ ବୋଲି ହିମାଂଶୁ କହିଛନ୍ତି। ଧର୍ମଶାଳାରେ ସରକାରୀ ଟଙ୍କାରେ ନିର୍ମିତ ଫୁଡ୍ କୋର୍ଟକୁ ବଲେବଲେ ଢାବାରେ ପରିଣତ କରାଯାଇ ସେଠାରେ ଖରାପ କାମ କରାଯାଉଥିଲ। ଖୁବ୍ଶୀଘ୍ର ସେଠାରେ ଗରିବ ଲୋକମାନଙ୍କ ପାଇଁ ମାଗଣା ଖାଦ୍ୟ ବା ଆହାର କେନ୍ଦ୍ର କରାଯିବା ପାଇଁ କାମ ଆରମ୍ଭ ହୋଇଛି ବୋଲି ହିମାଂଶୁ କହଛନ୍ତି ା ସେହିପରି ଏହି ଘଟଣାକୁ ଭାଜପା ଜିଲା ସଭାପତି ଗୌତମ ରାୟ ନିନ୍ଦା କରିବା ସହ ମୁଖ୍ୟମନ୍ତ୍ରୀ ବଲେବଲେ ଢାବା ନୁହେଁ ବରଂ ଧର୍ମଶାଳା ଭବନ ଯାଇଥିବା କହିଛନ୍ତି।
ଅନ୍ୟପକ୍ଷେ ଭାଜପା ନେତ୍ରୀ ସ୍ମୃତିରେଖା ପହିଙ୍କ ନିର୍ବାଚନରେ ପରାଜୟ ପରଠାରୁ ତାଙ୍କର ସେମିତି ଦେଖା ମିଳୁ ନ ଥିଲା ା ମୁଖ୍ୟମନ୍ତ୍ରୀଙ୍କ ଧର୍ମଶାଳା ଗସ୍ତ ବେଳେ ସେ ସଭାରେ ନ ଥିଲେ। କୌଣସି ଜରୁରୀ କାମ ପାଇଁ ସେ ଉପସ୍ଥିତି ହୋଇ ନ ଥିବା ଗଣମାଧ୍ୟମ ସମ୍ମୁଖରେ କହିଛନ୍ତି। ସୋମବାର ଏକ ଖବରଦାତା ସମ୍ମିଳନୀ ଡାକି ସେ ବିଜେଡିକୁ ସମାଲୋଚନା କରିଛନ୍ତି । ବଳବନ୍ତରାୟ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଯେଭଳି ମନ୍ତବ୍ୟ ଦେଇଛନ୍ତି ତାହା ଅତ୍ୟନ୍ତ ନିନ୍ଦନୀୟ ବୋଲି ସ୍ମୃତିରେଖା କହିଛନ୍ତି।
