ସମସ୍ୟା ଘେରରେ ପୋଲସରା ଉପଡାକଘର

ପୋଲସରା,୨୮।୮(ଡି.ଏନ୍‌.ଏ.): ପୋଲସରା ସହରରେ ପ୍ରମୁଖ ଉପଡାକଘର ଭାବେ ମାନ୍ୟତା ପାଇଥିବା ଡାକଘରଟି ଆଜି ବହୁ ସମସ୍ୟା ମଧ୍ୟରେ ଛନ୍ଦି ହୋଇଥିବା ଦେଖିବାକୁ ମିଳିଛି। ପୋଲସରାର ଉଭୟ ବ୍ଲକ ଓ ଏନ୍‌ଏସିର ୨ ଲକ୍ଷରୁ ଊଦ୍ଧର୍‌ବ ଜନସାଧାରଣ ଏହି ବହୁ ପୁରାତନ ଉପଡାକଘର ଉପରେ ନିର୍ଭର କରିଥାନ୍ତି। ଏହାଦ୍ୱାରା ଦଶନ୍ଧି ଦଶନ୍ଧି ଧରି ଜନସାଧାରଣଙ୍କ ସେବାକୁ ପ୍ରାଧାନ୍ୟ ଦିଆଯାଉଥିଲା। ହେଲେ ଆଜିକୁ ପ୍ରାୟ ୭ ବର୍ଷ ଧରି ପୋଲସରାର ଏହି ଉପଡାକଘରେ ସ୍ଥାୟୀ ପୋଷ୍ଟ ମାଷ୍ଟର ଓ ଅଭିଜ୍ଞ କର୍ମଚାରୀ ନାହାନ୍ତି। ଫଳରେ ଦୂରଦୂରାନ୍ତରୁ ଉପଡାକଘର ଉପରେ ନିର୍ଭର କରି ଆସୁଥିବା ବହୁ ଗ୍ରାହକ ଏବଂ ଜମାକାରୀ ନିରାଶ ହେଉଛନ୍ତି। ଏପରି କି ୨୦୧୫ରୁ କମ୍‌ସଂଖ୍ୟକ କର୍ମଚାରୀଙ୍କୁ ନେଇ ଯେନତେନ ପ୍ରକାରେ ପୋଲସରା ପ୍ରମୁଖ ଉପଡାକଘର ଚାଲୁ ରହିଛି। ଯାହା ସରକାରଙ୍କ ଯୋଜନା ସମ୍ପର୍କିତ କୌଣସି ଗୁରୁତ୍ୱପୂର୍ଣ୍ଣ କାର୍ଯ୍ୟ ସମ୍ପାଦନ ହୋଇପାରୁ ନ ଥିବାରୁ ଗ୍ରାହକଙ୍କ ମଧ୍ୟରେ ଅସନ୍ତୋଷ ଦେଖିବାକୁ ମିଳିଛି। ଗ୍ରାହକ ଓ ଜମାକାରୀଙ୍କ ମଧ୍ୟରେ ଉତ୍ତମ ସମନ୍ବୟ ସ୍ଥାପନ କରିବାକୁ ନେଇ ପୋଲସରା ଉପଡାକଘରେ ଦକ୍ଷ ଅଭିଜ୍ଞ କର୍ମଠ କର୍ମଚାରୀ ନିଯୁକ୍ତ ଥିଲେ ଏବଂ କିଛିମାତ୍ରାରେ ଜନସାଧାରଣଙ୍କ କାର୍ଯ୍ୟକୁ ସହଜ ଏବଂ ସଫଳ କରିପାରୁଥିଲେ। ସମୟାନୁକ୍ରମେ ସେହି ଦକ୍ଷତାସମ୍ପନ୍ନ କର୍ମଚାରୀଙ୍କୁ ଡେପୁଟେଶନ ମାଧ୍ୟମରେ ସୁମଣ୍ଡଳ ଡାକଘରକୁ ପଠାଗଲା। ଆଉ ତାଙ୍କ ସ୍ଥାନରେ ଛତ୍ରପୁରରୁ ଡେପୁଟେଶନରୁ ଅନ୍ୟ ଜଣେ କର୍ମଚାରୀଙ୍କୁ ଅଣାଗଲା। କିନ୍ତୁ ପ୍ରତ୍ୟେକ ଦିନ ଲୋକଙ୍କ ସମସ୍ୟା ହ୍ରାସ ହେବା ବଦଳରେ ବୃଦ୍ଧି ପାଇବାରେ ଲାଗିଲା। ପୋଲସରା ସହରରେ ଅବସ୍ଥାପିତ ଏହି ପ୍ରମୁଖ ଉପ ଡାକଘରେ ପ୍ରାୟତଃ ୨୧ ହଜାରରୁ ଊଦ୍ଧର୍‌ବ ଗ୍ରାହକ ଏବଂ ଜମାକାରୀଙ୍କ ଖାତା ରହିଛି, ଯାହାକୁ ନେଇ ପ୍ରତ୍ୟେକ ଦିନ ପୋଲସରା ଏନ୍‌ଏସି ଓ ଏହାର ଆଖପାଖ ବିଭିନ୍ନ ପଞ୍ଚାୟତରୁ ବହୁ ମହିଳା ଏବଂ ପୁରୁଷ ଗ୍ରାହକଙ୍କ ଭିଡ଼ ହୋଇଥାଏ। ଗୋଟିଏପଟେ କର୍ମଚାରୀ ଅଭାବ ସାଙ୍ଗକୁ ସ୍ଥାୟୀ ପୋଷ୍ଟ ମାଷ୍ଟର ନ ଥିବାରୁ ସମସ୍ତ କାର୍ଯ୍ୟ ମନ୍ଥର ହେଉଛି। ଆଉ ଏପଟେ ଗ୍ରାହକ ସାମାନ୍ୟ ସେବା ପାଇବା ପାଇଁ ଘଣ୍ଟା ଘଣ୍ଟା ଧରି ଅସହାୟଙ୍କ ପରି ଧାଡ଼ିରେ ଛିଡ଼ା ହେଉଛି। ପୋଲସରା ବ୍ଲକର ମଥୁରା, କଳମ୍ବ, ମଧୁପଲି, ଜକର, ବେଲଗାଁ, ଗୋଛାବାଡି, ପଣ୍ଡିରିପଡ଼ା, ଭାବରଡ଼ା, ବନ୍ଥପଲି, ଚିରିକିପଡା ଶାସନ, ମଧୁପଲ୍ଲୀ, ନିମିନା, ମାଳତେନ୍ତୁଳିଆ, ଆଠଗଡ଼, ବୁଢ଼ାମ୍ବ ଭଳି ୧୫ ମିନି ବ୍ରାଞ୍ଚ୍‌ ରହିଛି। ସେହି ବ୍ରାଞ୍ଚ୍‌ଗୁଡ଼ିକରେ ମଧ୍ୟ ଆବଶ୍ୟକ କର୍ମଚାରୀ ଅଭାବ ଯୋଗୁ ସରକାରଙ୍କ ପ୍ରାୟ ସେବା କେବଳ କାଗଜକଲମରେ ସୀମିତ ହୋଇ ରହୁଥିବା ଅଭିଯୋଗ ହୋଇଛି। ଗୋଟିଏପଟେ ସରକାର ପୋଷ୍ଟ ଅଫିସ୍‌ରେ ଜନମଙ୍ଗଳ ଯୋଜନାର ଆଧୁନିକତା ଆଣି ଡିଜିଟାଲ ସମ୍ପର୍କିତ ସମସ୍ତ କାର୍ଯ୍ୟକ୍ରମ ହାତକୁ ନେଇଛି। ସେପଟେ କିନ୍ତୁ ଡାକଘରେ କର୍ମଚାରୀ ମରୁଡ଼ି ନେଇ ସ୍ଥିତି ଦିନକୁ ଦିନ ନିୟନ୍ତ୍ରଣ ବାହାରେ ରହୁଥିବା ଭଳି ଚିତ୍ର ସାମ୍ନାକୁ ଆସୁଛି। ଏଭଳି ସଙ୍ଗିନ ସ୍ଥିତିକୁ ନେଇ ପୋଲସରା ଉପଡାକଘର ଦାୟିତ୍ୱରେ ରହି କାର୍ଯ୍ୟ ତୁଲାଉଥିବା ଶାଖା ପରିଚାଳକ ମନୋଜ କୁମାର ରାହା କୁହନ୍ତି, ପ୍ରମୁଖ ସମସ୍ୟାକୁ ନେଇ ବ୍ରହ୍ମପୁର ମୁଖ୍ୟ ଡାକଘର ଅଧ୍ୟକ୍ଷଙ୍କୁ ବହୁବାର ଅଭିଯୋଗ କରିଛୁ। କିନ୍ତୁ କୌଣସି ସମସ୍ୟା ସୁଧୁରିନି ବୋଲି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ପୃଥକ୍‌ ଦୁର୍ଘଟଣାରେ ଜଣେ ମୃତ, ଦୁଇ ଗୁରୁତର

ଦାରିଙ୍ଗବାଡ଼ି,୫।୧(ଡି.ଏନ.ଏ) -ଦାରିଙ୍ଗବାଡ଼ି ଅଞ୍ଚଳରେ ଘନକୁହୁଡି ଯୋଗୁ ଦୁର୍ଘଟଣା ଘଟି ଜଣଙ୍କର ମୃତ୍ୟୁ ହୋଇଥିବାବେଳେ ୨ଜଣ ଗୁରୁତର ଆହତ ହୋଇଛନ୍ତି। ମୃତକ ହେଲେ ଦାରିଙ୍ଗବାଡ଼ି ଥାନା କାଜୁରିପାଙ୍ଗା...

ଟିକ୍‌ଟକ୍‌ରେ ଶ୍ରୀମନ୍ଦିର ଭିତର ବେଢ଼ାର ଦୃଶ୍ୟ ଭାଇରାଲ

ପୁରୀ ଅଫିସ, ୨୮।୧୦: ଶ୍ରୀମନ୍ଦିର ଭିତର ବେଢ଼ାର ଦୃଶ୍ୟ ପୁଣି ଭାଇରାଲ ହୋଇଛି। ଟିକ୍‌ଟକ୍‌ରେ ଦୁଇଟି ଭିଡିଓକୁ କେହି ସେୟାର କରିବା ପରେ ଏହା ଏବେ...

ଭୁବନରେ ଦେବସ୍ନାନ ପୂର୍ଣ୍ଣିମା

ଭୁବନ,୧୭ା୬(ଡି.ଏନ୍‌.ଏ.): ଢେଙ୍କାନାଳ ଜିଲା ଭୁବନ ଶ୍ରୀଜଗନ୍ନାଥ ମନ୍ଦିରରେ ସୋମବାର ଦେବସ୍ନାନ ପୂର୍ଣ୍ଣିମା ଉପଲକ୍ଷେ ହଜାର ହଜାର ଶ୍ରଦ୍ଧାଳୁ ଦର୍ଶନ ପାଇଁ ଭିଡ଼ ଜମାଇଛନ୍ତି । ସକାଳେ...

ଜନବସତିରେ ପଶିଲା ବାର୍‌ହା : ଲୋକେ ଆତଙ୍କିତ

ଉଦଳା,୨୮ା୫ (ଡି.ଏନ.ଏ) – ବନ୍ୟଜନ୍ତୁଙ୍କ ପାଇଁ ଅସୁରକ୍ଷିତ ହୋଇପଡ଼ିିଛି ଜଙ୍ଗଲ। ଯାହାଫଳରେ ବିଭିନ୍ନ ସମୟରେ ସେମାନେ ଜନବସତି ମୁହଁ। ହେଉଛନ୍ତି। ମୟୂରଭଞ୍ଜ ଜିଲା ଉଦଳା ଏନଏସି...

ପ୍ରଭାବିତ ହେବ ଖରିଫ୍‌ ଧାନ ଚାଷ

ରସୁଲପୁର,୨୬।୫(ଡି.ଏନ.ଏ.): ରସୁଲପୁର ବ୍ଲକ ଅଞ୍ଚଳର ପ୍ରାୟ ୮ ହଜାରରୁ ଊର୍ଦ୍ଧ୍ୱ ହେକ୍ଟର ଜମିରେ ଖରିଫ୍‌ ଧାନଚାଷ କରାଯିବାକୁ ପ୍ରସ୍ତୁତି ହେଉଛି। ତେବେ ଅସ୍ବାଭାବିକ ପାଣିପାଗ ଯୋଗୁ...

ରିଲିଫ୍‌ ଫଣ୍ଡକୁ ସହାୟତା

ରେମୁଣା, ୨୧।୪(ଡି.ଏନ୍‌.ଏ.)-ବାଲେଶ୍ୱର ଜିଲା ରେମୁଣା ବ୍ଲକ ବରୁଣସିଂ ପଞ୍ଚାୟତ ଅଧୀନ ମାଳ ଗ୍ରାମ ନିକଟସ୍ଥ ରସିକପୁର ଗ୍ରାମର କେତେକ ଅନୁଷ୍ଠାନପ୍ରେମୀ ମୁଖ୍ୟମନ୍ତ୍ରୀଙ୍କ ରିଲିଫ୍‌ ଫଣ୍ଡକୁ କରୋନା...

୧୫୭ ବର୍ଷର ସ୍କୁଲକୁ ଅବହେଳା

ବଅଁରପାଳ,୨୨ା୫ (ଡି.ଏନ.ଏ.): ସ୍କୁଲ ଶିକ୍ଷା ବ୍ୟବସ୍ଥାର ରୂପାନ୍ତରଣ ଚାଲିଛି। ଶିକ୍ଷାନୁଷ୍ଠାନ ଭିତ୍ତିଭୂମିକୁ ସ୍ମାର୍ଟ କରାଯାଉଛି। ହେଲେ ଏମିତି ବି ବିଦ୍ୟାଳୟ ଅଛି, ଯେଉଁଠି ଆବଶ୍ୟକ ଶ୍ରେଣୀଗୃହ...

ଗାଁ ଦାଣ୍ଡରେ ଯୁବକଙ୍କୁ ବାନ୍ଧି ନିର୍ଧୂମ ଛେଚିଲେ

ପାଟଣା,୧୪।୨(ସ୍ବ.ପ୍ର.):କେନ୍ଦୁଝର ଜିଲା ତୁରୁମୁଙ୍ଗା ଥାନା ଅଞ୍ଚଳର ଜଣେ ୧୩ ବର୍ଷର ନାବାଳିକାଙ୍କୁ ଅପହରଣ କରିନେଇ ବଳାତ୍କାର କରିବା ଅଭିଯୋଗରେ ରବିବାର ଗ୍ରାମବାସୀ ଜଣେ ୨୭ ବର୍ଷର...

Advertisement
Archives

Model This Week